Isumaginninnermut Aqutsisoqarfimmi Ulloq unnuarlu inissitsiterinermullu immikkoortortaqarfik atorfik killilimmik piffissaligaq perorsaanermut siunnersortimik pissarsiorpoq
Inunnik perorsaanermullu tunngasunik suliaqarnissaq pileriviuk? Sulianut ilisarnaammik patajaatsumik peqarpit ingerlatitseqqittarnermullu pikkorissuullutit? Taava illiuvoq ujartugarput!
Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataani aqutsisoqarfiuvoq arfineq-marlunnik makkuninnga immikkoortortalik: Pitsaaliuinermut immikkoortortaqarfik Paarisa, Ulloq Unnuarlu Innersuussinermullu immikkoortortaqarfik, Sullissisunut Siunnersuisarfik, Innuttaasunut immikkoortortaqarfik, Meeqqanik Inerisaanermut immikkoortortaqarfik, Aningaasaqarnermut immikkoortortaqarfik aamma Allattoqarfik. Immikkoortortat qanimut suleqatigiittarput aamma suliffeqarfiuvoq suliatigut unammillernartorpassuaqartartoq.
Namminersorlutik Oqartussanit pigineqartut ulloq unnuarlu neqeroorutit arfineq-marluk aamma ulloq unnuarlu paaqqinniffiit aqqanillit ingerlanneqarnerat ineriartortinneqarnerallu Meeqqanik Inerisaanermut immikkoortortaqarfiup isumagisarai. Matumani Meeqqanik Inerisaanermut immikkoortortaqarfik tassaavoq, Kalaallit Nunaanni Namminersorlutik Oqartussat pigisaannut, kommunit pigisaannut kiisalu ulloq unnuarlu paaqqittarfinnut aamma ulloq unnuarlu neqeroorutinut imminut pigisunut tamanut, qitiusumik innersuussiarfik aqqutigalugu innersuussiartoq. Kalaallit Nunaanni ulloq unnuarlu paaqqinniffinni aamma ulloq unnuarlu neqeroorutini atorneqartunik perorsaanermi paasisimasanik ilaqartumik perorsaanermut siunnersorti innersuussinernut tapersiisarsinnaavoq, taama iliornikkut meeqqamut imaluunniit inummut innarluutilimmut tulluarnerpaamik qulakkeeriniartoqarsinnaassalluni.
Ulloq unnuarlu inissitsiterinermullu immikkoortortaqarfik tapersersuisartussaavoq aamma najugaqartut ataasiakkaat aamma ataatsimut isigalugu sullinniarneqartut tamaasa isigalugit ulloq unnuarlu paaqqinniffinnut aamma ulloq unnuarlu neqeroorutinut perorsaanikkut siunnersuillunilu ilitsersuisartussaavoq.
Matumani perorsaanermut siunnersortip qulakkiigassaraa, ulloq unnuarlu paaqqinniffinni aamma ulloq unnuarlu neqeroorutini perorsaanikkut sulinerup qaffasissumik pitsaassuseqarnissaa kiisalu suliassaqarfiup ingerlaavartumik ingerlaartortinnissaa. Perorsaanermut siunnersortitut sulianut akisussaasutut, suliassaqarfimmi perorsaanerup sammivia qulakkeerniagassaraat, ineriartortitseqataaffigalugu, ulloq unnuarlu suliassaqarfimmi perorsaanikkut suliaqartarnermik atuuttunngortitsillutillu nalilersuisassaatit kiisalu ulloq unnuarlu paaqqinniffinni suliasut akornanni sulianut ilisimasat qaffasissuunissaat qulakkiissallugu. Matumani ilaappat suliassaqarfimmi suliniutit nutaat malitseqartitsiffigisarnissaannut akisussaaneq, ulloq unnuarlu paaqqinniffinni aamma ulloq unnuarlu neqeroorutini forstanderit suleqatigalugit. Perorsaanermut siunnersorti sulianut akisussaasuusoq attaveqartarnikkut pitsaasumik periuseqassaaq qulequttallu paasiuminaassinnaasut pisariitsumik paasiuminartumillu paasissutissiissutigisassallugit
Suliassatit
Pitsaasumik uppernarsaasersuinermi suliaqarnissamik qulakkeerineq
Ingerlatsinermi suliassat, saaffiginnissutinik suliarinninneq, nalunaarutiginninnerit
Suliassat takkussuuttut
Piginnaasatit:
Immikkoortortami ineriartortitsinermik sulinermik aamma nutaanik eqqarsartarnermik tunngavissaqartitsiffiusumi ilaalissaatit. Suliassannut nammineerlutit akisussaassutsimik tigusinissamut piareersimassaatit ammasuullutillu, tamatigoortuullutit suleqatigiinnissamullu soqutiginnillutit kiisalu ulluinnarni ulapaarneq piareersimaffigissallugu.
Ulloq unnuarlu paaqqinniffinnut tunngassuteqartunik ineriartortitsinermi suliassat suliarisinnaassagukkit naatsorsuutigaarput illit:
perorsaanermut suliassaqarfimmut tunngasuni kandidat-itut qaffasissusilimmik ilinniagaqartutit
allakkatigut ingerlatitseqqittarnermut nukittuujusutit
suliaqaqatigiit kulturikkut kiisalu oqaatsitsigut assigiinngissutit akimorlugit suleqatiginnilluarsinnaasutit
aaqqiissutissarsiortuusutit, aallarnisaallaqqissuusutit ineriartortitsinermullu siuttoorusuttutit suliassanik suliaqarnialeraangavit
suliassat aaqqiissuteqarfiginerini kiisalu suliap pitsaasuutinnissaanut nammineerluni akisussaassutsimik suliniuteqarnermillu tigusisinnaassasutit
Kalaallit Nunaanni suliassaqarfik pillugu aammattaaq kalaallit isumaginninnermut inatsisaanik ilisimasalik misilittagalillu
qiimasuusutit unammilligassanullu pitsaasumik pulariallaqqissuullutit
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ulloq atorfiniffissaq:
1. jan 2025 isumaqatigiissuteqarnikkulluunniit 31. Juli 2025 tungaanut.
Paasissutissat amerlanerusut:
Atorfik paasisaqarfiginerusukkukku immikkoortortami pisortaq Karina Ivalo Kleist attaveqarfigisinnaavat – mail: kaik@nanoq.gl. Mobil : +299 34 69 54
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.