Isumaginninnermut Aqutsisoqarfimmi Innuttaasunik Immikkoortortaqarfik, Klinik Killiliisami atorfinittussamik katsorsaasumik pissarsiorpoq.

Isumaginninnermut Aqutsisoqarfik katsorsaasumik sulisussarsiorpoq. Pinaveersaartitsilluni sulinerup iluani nuannersumik allannguinissaminut uummateqartumik siunnersortimik ujaasivugut. Inuit meeqqat inuusuttullu kinguaassiuutaannik atornerluiniartutut pissusilersortartut katsorsaaviani pilersinneqaqqamisumi atorfik inissisimavoq. Suleqatigiit sinneri suleqatigalugit katsorsaanissamik neqeroorummut inerisaaqataassaatit atuutilersitseqataaneranullu suleqataallutit.

Atorfik pillugu

Ulluinnarni qanimut suleqatigiligassatit amerlanngilagut. Suleqatigiinnitsinni suleqatigiilluarsinnaaneq, ilinniagaq aallaavigalugu ileqqorissaarnissaq, periusissallu piviusunut tulluuttumik atornissai pingaartippagut. Inuit kinguaassiutikkut atornerluisimasut sullinnerinik misilittagaqarsimanissaq piumasaqaataanngilaq. Naatsorsuutigaarput kajumissuseqarlutit namminersorlutillu suliniummi nutaajusumi sulisinnaassasutit. Tassanilu suliassat ineriartortitseqataanermut tunngasut aammali katsorsaanerinnarmik suliaqanngikkaluarluni allanut aamma tunngasinnaasut tigoorarsinnaanissai. Ass. Ataatsimiinnermi aqutsineq, allaffissorluni sulineq, atuartitsineq paasissutissanillu katersineq. Katsorsaasunut aqutsisoqarpoq, marlunnillu katsorsaasoqarluni.

Katsorsaanermi periutsip sexologi toqqammavigivaa, taamatullu sulineq misilittagaqarfiginngikkukku ilinniagaqarfiginngikkukkuluunniit, sexologi-mut tunngasunik qaffassaqqinnissat periarfissaassaaq. Neqeroorutip atuutilernera Danmark-imi Sexologisk Klinik-ip suleqatiginerani pisimavoq. Sulilu taakkunannga piffissami sivikitsumik ilinniarsinnaaneq, sapaatip akunnikkaartumik supervision-ernerit siunnersortinnerillu pisarput.

Illit suliassatit ilaatigut makkuussapput:

• Innersuussanik saaffiginnittunillu tigooraaneq
• Sullitatta qanigisaannik oqaloqateqarneq
• Ataqatigiissaarinernik suliaqarneq, soorlu ataatsimiinnernik aaqqissuineq.
• Inuit kinguaassiuutinik atornerluiniartutut pissusilersortartut tapersersorneqarnissaannik katsorsartinnissaminnullu neqeroorfigineqartarnissaannik inerisaallunilu atuutilersitseqataaneq.
• Sexologi aallaavigalugu katsorsaalluni sulinermi peqataaneq.
• Ilisimasanik katersineq peqataaffigalugu.
• Ilisimalikkat toqqammavigalugit periusissiamik inerisaaqataaneq.
• Avammut nittarsaassinissamut paasissutissanik taperseeqataaneq.
• Inuiaqatigiinnut ilaaleqqinnissaq pillugu siunnersuineq misissuinerlu.
• Allaffissorluni suliassat assiginngitsut aamma attaveqaatinik suleqateqarneq.

Katsorsaasoq ima ittoq ujarparput

• Katsorsaanermik misilittagaqarneq
• Pinaveersaartitsinermik suliaqarnissamut soqutigisalik.
• Katsorsaanermik suliaqarnerup saniatigut ineriartortitsinermik suliaqarusuttoq.
• Sexologi aallaavigalugu katsorsaasinnaasoq imaluunniit sexologi-p iluani ilinniaqqinnissaminut piareersimasoq.
• Sammisami piginnaanermut soqutigisaqarneq
• Aaqqissuussaasumik suleriaaseqarsinnaasoq aamma paasissutissanik katersinermi periaatsimik aallaaveqarluni suleqataasinnaasoq.
• Inuttut sullissisutullu alapernaatsuuneq
• Suliffeqarfiup iluani aamma suliaqarfiit assigiinngitsut immikkoortortaqarfiillu assigiinngitsut akimorlugit suleqatigiuminartoq.
• Inoqatinut attaveqariaatsimigut nukittuffilik.
• Nunatsinni inuiaqatigiinnik kultur-itsinnillu ilisimasalik.
• Kalaallisut oqalussinnaasoq.

Ukua uagut tunniussinnaavagut

• Suliffeqarfik sapinngisamik ilinniagaq aallaavigalugu qaffasissumik inissisimarusuttoq, suleqatillu naleqartitagissaarlutillu ataqatigiilluartut.
• Ulluinnarni suliassat aaliageeqataaffigisinnaaneri, taamatuttaarlu suliap sumut ingerlaneranut sunniuteqaqataasinnaaneq.
• Suliffeqarfiup iluani avataanilu supervision-ertinnissamut periarfissat pitsaasut – autorisation-imut ingerlaguit periarfissat pitsaasut.
• Ilinniaqqinnissamut periarfissat pitsaasut.

Isumaginninnermut Aqutsisoqarfik pillugu

Isumaginninnermut Aqutsisoqarfik Naalakkersuisut/ Naalakkersuisoqarfiup ataani aqutsiveqarfiuvoq, makkunannga arfineq marlunnik immikkoortortaqarfeqarluni: Paarisa, Aningaasaqarnermut immikkoortortaqarfik, Ulloq Unnuarlu paaqqinnittarfiinnut inissiisarnermullu immikkoortortaqarfik, Sullissisunut Siunnersuisarfik, Innuttaasunut Immikkoortortaqarfik, Meeqqanik Inerisaanermut Immikkoortortaqarfik aammalu Allattoqarfik. Immikkoortortaqarfiit qanimut imminnut suleqatigiittarput aamma suliffeqarfiuvoq ilinniagaq aallaavigalugu unammillernartorpassuarnik neqeroorutilik.

Sapaatip-akunneranut nalunaaquttap akunneri suliffiusut tassaapput 40 tiimit.

Ulloq atorfiniffissaq: 1.februari 2024 imaluunniit isumaqatigiinnikkut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerit

Atorfik pillugu itinerusumik paasisaqarusukkuit attavigisinnaavatit Afdelingschef for Borgerrettet Afdeling Naja Lund Kielsen, mail: nalk@nanoq.gl, arbejdstelefon 34 60 54

Qinnuteqarfissaq kingulleq: 19. december 2024 (Kalaallit Nunaata nalunaaqutaa malillugu) nal. 12.00

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk