Isumaginninnermut Aqutsisoqarfik ujaasivoq suliniutinut aqutsisussamik pilersitsinissamut Nunatsinni Terapi aamma Siunnersuisarfik Inatsisartut
Innuttaasunut tarnikkut, eqqarsartaatsikkullu iluaalliuutilinnut allanngueqataarusullutit, Kalaallit nunaanni katsorsaanermut- qitiusutullu siunnersuisarfimmut nutaamik pilersitseqataanermut akisussaasuullutit, suliniummut aqutsisutut sulerusuppit?
Innuttaasunut tarnikkut iluaalliuutilinnut ataqatigiissaarinermut, suliniummillu ineriartortitseqataanissamut, sapinngisamik isumaginninnerup iluani ataqatigiissaarinermi, suliniuteqarnermilu, misilittagalimmik, suliniummut aqutsisussamik ujaasivugut.
Nutaatut nunatsinni katsorsaanermut, qitiusutullu siunnersuineq, nuna tamakkerlugu, innuttaasunit katsorsartinnermut neqeroorummik pilersitsineq siunertaavoq. Tamassuminnga pilersitsinermi ilaatigut, ilaatinneqassapput, assersuutigalugu, kingunerlutsitsinerup sunniutaanik, atukkanik imaaanaanngitsunik misigisaqarneq, tassanngaannartumik tarnikkut eqqarsartaatsikkullu iluaalliuuteqarneq, aammalu imminut toqunnissamik eqqarsaateqaraanni, ikiorserneqarnissaq pisariaqartillu saaffissaqarsinnaanissaq.
Neqeroorut ilaatigut ataqatigiissumik, innuttaasunut katsorsaanermut neqeroorutini, tamakkiisumillu isiginninnikkut, tamakkununngalu ammaassinermik periarfissaqalersitsissaaq. Periarfissat annertusarneqarnerani innuttaasut pisariaqartitsinerminni ikiorneqarnissaat siunertaavoq. Innuttaasup sumiluunniit najugaqaraluarpat katsorsarneqarsinnaanera eqaallisarneqassaaq, nunatsinnilu neqeroorutip ujartorneqarneranik ajornannginnerulersitsisuusussamik.
Taamaattumik suliniummut aqutsisussarsiorpugut, suliniummut ineriartortitassat pilersinneqartussamut.
Katsorsaanermut, qitiusutut siunnersuisoqarfissami atorfik pituttugaavoq, atorfilli Inulerinermut Immikkoortortaqarfimmi suleqataassaaq, Immikkoortortaqarfik Katsorsaanermut Qitiusoqarfimmut ilaasussaammat.
Taamaattumik qitiusoqarfimmi nutaami, Meeqqanut Inuusuttuaqqanullu Naalakkersuisoqarfimmi, Isumaginninnermut aqutsisoqarfiani, immikkoortortanilu naleqquttuni suleqatigiinneq oqaloqatigiinnerlu pingaarnerutillugit atorfiuvoq.
Tamatuma saniatigut, suliniummut aqutsisoq, peqqinnissaqarfimmi, kommuunit isumaginnittoqarfiini, taakkualu aqutsisuisa suleqatiginerini qitiulluinnarpoq. Taamaattumik qitiusoqarfimmi iluminni ineriartortitsineq, ataqatigiissaarinerlu suliniummut aqutsisoq akisussaasutut inissisimasuussaaq, kiisalu suleqatigisani naleqquttuni attaveqatigiinnikkut, politikkikkullu qaffasissusaatigut, allanilu tamatumunnga atassuteqartuni.
Atorfimmi suliarineqartussat tigussaasut:
Immikkoortortat naleqquttut suleqatigiinnerisigut, innersuussinermut ingerlatseriaatsimik, najoqqutassanillu ineriartortitsineq
Qitiusoqarfik, peqqinnissaqarfik, kommuunillu akimorlugit suleqatigiinnermut isumaqatigiissusissamik suliaqarneq
Ineriartortitanik nutaanik, aamma/najoqqutassianilluunniit naleqqussakkanik suliaqarnermut peqataaneq
Attaveqatigiinnermut pilersaarutinik, sakkussanillu suliaqarneq
Qitiusoqarfiup pilersinneqarnerata killiffianik malinnaaviiginninneq, pilersaarusiorneq, naliliinerlu
Makkuninnga neqeroorfigisinnaavatsigit:
Annertuumik ineriartuuteqartussanngortussamut, qitiusoqarfimmut nutaamut ilannguttussanngussaatit.
Suliamut tunngasumut ilisimasalinnik, nukittuunik suleqateqassaatit, avitseqatigisinnaasannik
Suliffik suleqatigiilluartut, suleqatigiinnermullu iluarisimaarnartoq pingaartinneqarpoq.
Atorfik suliamut tunngasunut, inuttullu ineriartornermut periarfissaqarluartoq.
Oqaloqatiginnilluni oqilisaassinermut periarfissaqarneq.
Ataatsimut qitiusumi, nunatsinni katsorsaanermi, siunnersuinermillu neqeroorummi katiterinermut peqataaneq.
Imaattuunissat kissaatigaarput:
Naleqquttumik ingerlaqqinnikkut ilinniagaqarneq
Suliniuteqarnermik suliaqarnermik, ajornanngippallu politikkikkut kattuffimmi aqunneqartumik misilittagaqarnissat
Kalaallit nunaanni inuiaqatigiinnut tunngasunik, kultureqarnermullu ilisimasaqartuunissat
Sulisunut, ilinniagaqarnikkullu oqartussaassuseqarnerup ineriartorneranut inerisimalluartumik paasinnissinnaassuseqarneq
Attaveqatigiinnermut nukittuumik pisinnaasaqarluarneq, sulianilu assigiinngitsuni inunnik paasinnilluarsinnaaneq tusarnaarsinnaanerlu
Ineriartortitanik, sangutitsisinnaanermullu piareersimanikkut, kattuffiit sinaakkutaanni sulisinnaaneq
Politikkikkut aalajangiussanik, suliannut sunniuteqartussat, suliarinerinik iluarisimaarinnissinnaassuseqarneq.
Killiffimmut oqaaseqaatinut, tunniussuinernullu allanut, suliamut piffissaliussamut killigititamut kipisuitsumik sulisinnaaneq.
Kalaallisut qallunaatullu oqalussinnaaguit, Namminersorlutik oqartussanullu, kalaallit nunaannilu ilinniagaqarnermut qitiusoqarfimmi ilisimasaqarluartuuguit iluaqutaasussaassaaq, piumasaqaataananili.
Suliarisariallit
Atorfik piffissaq tamakkerlugu suliffiuvoq (sapaatip akunneranut nalunaaquttap akunneri 40-t.) Nuummi katsorsaanermut qitiusoqarfimmiittumi. Atorfimmut atassuteqartumik angalaffiungaatsiarnera naatsorsuutigineqarsinnaavoq. Atorfik piffissamut 2026-mut killiligaavoq, aamma tallineqarsinnaalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat allat
Atorfik pillugu paasisaqarusukkuit, Innuttaasunut tunngasuni immikkoortortami aqutsisoq Naja Lund Kielsen, oqarasuaat + 299 346054 imaluunniit e-mail-ianut nalk@nanoq.gl. attaviginissaanut tikilluaqqusaavutit.
Atorfik novembarip 1.-ni 2024-mi, isumaqatigiinnikkulluunniit, inuttalerneqarnissaa kissaatigineqarpoq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.