Isumaginninnermut aqutsisoqarfik Inuuneritta III-p atuutilersinneqarnissaanut ataatsimik siunnersortissarsiorpoq / AC-fuldmægtig-issarsiorpoq, kinguaasiuutikkut peqqissuunermik suliniutinik sammisaqartussamik
Peqqissutsimik, pitsaaliuinermik eqqarsartaatsikkullu peqqissutsimik siuarsaanissaq sulissutigerusuppiuk? Nunalu tamakkerlugu meeqqat ilaqutaasalu inuunerannik allanngueqataarusussuseqarpit?
Isumaginninnermut Aqutsisoqarfimmi pinaveersaartitsinermut immikkoortortami Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissaqarfiullu iluini peqqinnissaanermut pinaveersaartitsinermillu suliaqartarpugut. Suliaqarnerput inuit peqqissuunissaannut pilersaarummit Inuuneritta III-mit aallaaveqarpoq, aamma peqqissunissamik siuarsaanikkut pinaveersaartitsinikkullu suliniutit najukkani innuttaasut oqaloqatiginerisigut, kissaatiginerisigut aamma najukkami suliniutit aallartitsinissamik periarfissaqarneri aallaavigalugit inerisarneqartarlutik.
Paarisami Siunnersortitut/ AC-fuldmægtigitut immikkoortortamut ilaalissaatit, tassani immikkoortortamut pisortaqarlunilu aqqaneq-marlunnik sulisoqarpoq.
Suliniutit immikkoortortaqarfiit immikkoortui suleqatigalugit aamma najukkani innuttaasunik oqaloqatigiinnerit aqqutigalugit inerisarneqartarput, najukkani suut kissaatigineqarnersut, pingaartinneqarnersut aamma aallartinneqarnissaminnut periarfissaqarnersut.
Atorfimmi suliassaqarfik aallussiffiusussaq tassaavoq, suliaqartut pingaarutillit peqatigalugit suleqatigiinnernik pilersitsiniarnermik ingerlatsinermillu Paarisap sulineranut ilaalernissaq. Sulinermi suliassat pingaarnertut peqqissutsimik suliaqarfimmiissapput, annerusumik peqqinnartumik atoqatigiinnermik tunnganerussallutik.
Naatsorsuutigaarput, illit makkuninnga pisinnaasaqarlutillu piginnaasaqassasutit:
- Attuumassutilimmik ilinniagaqarsimasutit, masteritut kandidatitulluunniit.
- Allallutit paasititsillaqqissuusutit.
- Atuutilersitsiniarluni suliaqarnermik misilittagaqartutit.
- Ilinniagaq aallaavigalugu suleqatigiit aamma immikkoortortat immikkoortuisa oqaloqatigiinnerannik pilersitsisinnaasutit aamma suleqatigiinneq aqqutigalugu angusaqarsinnaasutit.
- Suliniutinik ineriartortitsinermillu suliaqarnermik misilittagaqartutit.
- Inussiarnersuusutit, alapernaatsuullutit ammasuullutillu.
- Inuiaqatigiinnik kalaallinik aamma kalaallit kulturiannik ilisimasaqarluartutit.
- Ajornanngippat oqaatsinik marluinnik atuisinnaassasutit, kalaallisut aamma danskisut
Illit suliassatit ilaatigut makkuussapput:
- Peqqinnartumik atoqatigiinnerup iluani suliniutinik aqutsisoq
- Suliaqarfimmi suliniutit nutaat inerisarneqarnerini innuttaasunik peqataatitsinissap qulakkeernera.
- Suliaqarfimmi suliniutit pilersinneqareersut aallartinneqareersullu ingerlaannarlutik malinnaavigineri, pisariaqartitsisoqarneranilu taakku naleqqussarneri.
- Suliassaqarfimmi kommunit, peqqinnissaqarfik, politiit, ilinniarfeqarfiit aamma oqartussat allat oqaloqatigineqarnerannik pilersitsineq suleqateqarnerlu.
- Suliaqarfimmi suliamut attuumassutilimmik ilisimasanik pissarsiorneq katersinerlu.
Ilinnut makkua neqeroorutigisinnaavavut:
- Immikkoortortaqarfimmut, ingerlaavartumik ineriartortuartumut ilaalissaatit
- Suleqatigiit tunniusimasut aamma suliaminnut pikkorilluartut isumasioqatigisinnaasatillu suleqatigilissavatit
- Suliffeqarfik kiffaanngissuseqarfiuvoq sulisullu pitsaasunik atugaqarnissaannik pingaartitsisuuvoq
- Atorfik suliatigut inuttullu ineriartornissamut periarfissagissaartoq
Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisut ataanni aqutsisoqarfiuvoq arfineq-marlunnik immikkoortortalik: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu inissitsiterinermullu immikkoortortaqarfik, Oqartussaaffinnut immikkoortortaqarfik, Innuttaasunut immikkortortaqarfik, Meeqqat ineriartornerannut immikkoortortaqarfik aamma Allattoqarfik
Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.
Akissarsiat aamma atorfeqarnermi atugassarititaasut Atorfik piffissaq tamakkerlugu atorfiuvoq.
Ulloq atorfiniffissaq:
Atorfik 1. decembari 2024-mi imaluunniit isumaqatigiissuteqarnikkut inuttalerneqassasoq kissaataavoq.
Qinnuteqarnissamut piffissaliussaq:
13. novembari 2024
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat allat:
Atorfik pillugu paasissutissat sukumiinerusut pissarsiarerusukkikkit, Paarisami immikkoortortaqarfimmi pisortap Helena Lynge Møller-ip mailianut uunga helm@nanoq.gl allannissannut tikilluaqqusaavutit.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job