Isumaginninnermut Aqutsisoqarfik inatsisilerituumik tunniusimasumik pissarsiorpoq

Kalaallit Nunaanni isumaginnittoqarfimmi ineriartornermik pilersitseqataarusuppit? Inatsisilerituumik ujartuivugut tamakkiisumik takunnissinnaanermik pisariaqartitsisumut ersarinnerulersitsisinnaasoq, Kalaallit Nunaanni una maanna ineriartortitsinermi sunneeqataanissamut isumaginninnerup iluani periarfissaraat, suliffeqarfimmi namminermi avataanilu.

Atorfik pillugu

Suliffimmi unamminartumi eqeersimaartumilu sulisassaatit, Kalaallit Nunaannilu qitiusutut inuttatut inisseqqassuutit, inatsisitigut unamminartut kisiisa suliarisassangilatit, kommunini ullu unnuarlu paaqqinnittarfiit aamma ikorfartortassavatit.

Illit suliassatit ilaatigut makkuussapput:

• ilitsersuutinik, sulisunut ilitsersuutinik aamma inatsisit pillugit ilinniartitsissutinik inerisaanermi suleqataanermut peqataaneq
• Suliffeqarfiup avataani suleqatigiinnissamik isumaqatigiissutit pitsaassusaannik qulakkeerinnittarneq 
• kommunit aalajangiisarnerini nalinginnaasumillu suliamik suliarinninnerini sulisut aqqutissiuussinissaannut ilitsersuunneri
• Kommuninit inatsisit pillugit apeqqutit tigooqqarneqartut paasiuminaatsunut akissuteqarneq, ingammik ulloq unnuarlu paaqqinniffinnut tunngasut
• Isumaginninnermut aqutsisoqarfiup iluani periutsit pitsaassussaannik qulakkeerinninneq aamma periusissiorneq
• suliani aalajangersimasuni suliassaalersunilu allani inatsisitigut unamminartunik suliaqarnerit

Kissaatigaarput:

• cand.jur.-itut ilinniagaqarsimassasutit
• isumaginninnikkut inatsiseqarnermut tunngasuni misilittagaqartutit
• namminersorlutit sulisinnaasutit, aaqqissuussaasumik sulisinnaasutit aammalu suliassat piffissaliussat iluini pitsaasumik suliarisinnaassagitit
• tarnikkut nukittuujusutit, eqinnaatsumik sulillaqqissutit, sulianik tamanik takunnissinnaasutit aamma ulapaarfiusuni sulisinnaasutit
• suliassarsiortartutit, sulianik aallartitsisinnaasutit, eqaatsumik sulisartutit, suliaqarfiit assigiinngitsut aamma suleqatigisartakkat tamaasa nuannersumik saaffigisinnaagitit
• naligiittumik akuersaartumillu attaveqallaqqissuusutit aammalu inatsisilerituujunngitsunut inatsisilerinermut tunngatillugu ajornartorsiutaajunnartunik paasiuminaatsunik nassuiaasillaqqissuusutit, oqaatsitigut allattariarsornikkullu
• suleqataallaqqissuussutit, inussiarnersuusutit ikiuukkumatullutillu
• suliassarpassuarnik suliaqarneq iluarigit, ilai ileqqoq malillugu suliarineqartassapput, ilai itinerusumik misissorneqarnissaminnik pisariaqartitsissapput aamma misissoqqissaagassaassallutik

Uku ilinnut neqeroorutigisinnaavavut:

• Suliaqarnermi peqataalertitsineq aamma suliassanik suleqatigisavillu ilagalugit ataatsimoorussineq.
• Aqutsisoqarfimmi atorfik tamatigoortoq suliassanik pissanganartunik, tamatigoortunik, allanngorartunik ilaatigullu pikkunarsinnaasunik imalik illit piginnaasannik naleqartitsillunilu pisariaqartitsisoq
• suliffeqarfik nammineersinnaassusermik aalajangiisinnaassuseqarnermillu pingaartitsisoq
• atorfik ineriartorfiusoq sunniuteqarluarfigisinnaasallu
• Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
• inuttut suliassallu tungaasigut ineriartornerit
• Suleqatit pitsaasut persuarsiorpalaanngitsumik attavigineqartartut, illaqatigiinnissamik pingaartitsisut – aamma ulapaarfiup nalaani

Atorfik allattoqarfiup ataaniipppoq, allattoqarfik Isumaginninnermut Aqutsisoqarfimmi suliassaqarfinni assigiinngitsuni tamani suleriaatsit pitsanngorsarpai immikkoortortaqarfiillu tapersersortarlugit. Taamaammat aqutsisoqarfitsinni suliassaqarfinni suliassanik amerlaqisunik aqutsinitta nukittorsarnissaanut ilatsisitigut immikkut ilisimasatit atorfissaqartippagut. Sualumik meeqqanut inuusuttunullu suliassaqarfinni suliassanik assigiiaanngeqisuni.

Meeqqanut Inuusuttunullu naalakkersuisoqarfiup ataani Isumaginninnermut Aqutsisoqarfik arfineq-marlunnik tulliuttunik immikkoortortaqarpoq: Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinniffiit aamma inissititerinermut immikkoortortaq, Sullissisunut siunnersuisarfik, Innuttaasunut Immikkoortortaq aamma Allattoqarfik.

Ulloq atorfiniffissaq:

Kissaataavoq atorfinitsineq tuaviornerpaamik, taamaattumik ullumi ajunginneruvoq qinnuteqaruit!

Qinnuteqarnissamut killigititaq tassaavoq ataasinngorneq 15. aggustip 2024 nal. 12.00 (Kalaallit Nunaata nalunaaqutaa malillugu).

Atorfinitsitsiniarnermut tunngatillugu oqaloqatigiinnerit ingerlaavartumik ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut:

Atorfik pillugu annertunerusumik paasisaqarusukkuit, attavigiviuk allattoqarfimmi pisortaq Mikkel Cuarteros-Hansen mikch@nanoq.gl imaluunnit+299 275445.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job