Isumaginninnermut Aqutsisoqarfik AC-fuldmægtigimik pissarsiorpoq
Isumaginninnermut Aqutsisoqarfimmi suliniutaanut meeqqanut inuusuttuaqanullu tunngasunik Nunatsinni inerisaaqataarusuppit? Namminersorsinnaallutit, isumassallu nutaat suliniutinut atorluarsinnaasunik kivitseqataallutit? Ujartuinitsinni imaassinnaasoq illit pisariaqartikkitsigit!
Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataani aqutsisoqarfiuvoq. Atorfik Isumaginninnermut Aqutsisoqarfik Innuttaasunut Immikkoortortaqarfimmi aalajangersimasumik inissisimavoq. Inulerinermut immikkoortortaqarfik tarnip pissusaanik ilisimasalinnit ikiuunnertut ittumik toqqaannartumik innuttaasunut attaveqartarpoq, peqatigisaanik sinerissami kommunini isumaginninnermi sulisut qanimut suleqatigineqarlutik.
Inulerinermut immikkoortortaqarfimmi tarnip pissusaanik ilisimasalinnit sullissinerit ilaatigut tassaapput; inersimasunik katsorsaasut angalasartut, meeqqanik katsorsaasut angalasartut, Alliaq, Arnat Spiralkampagniemi eqqugaasimasut, Klinik Killiliisa aamma Ilaqutariinnik Aqqutissiuinermut pikkorissaasartut.
Suliassatit pingaarnerit tassaapput
Suliniutinik suliaqarfimmi ineriartortitseqqataanissaq, nalilersuinernik imaluunniit misilittakkanik katersineq/malitseqartitsilluni suliaqarneq.
Isumaginninnermut Aqutsisoqarfik suliassaqarfimmilu suliaqartut allat eqqarsaatigalugit nalunaarusiornerit suleqataaffigalugit, ineriartornermik misissueqqissaarnerit, nassuiaasiornerit aamma uppernarsaasiinerit.
Inulerinermut immikkoortortaqarfimmi suliaanik ingerlaavartunik ineriartortitseqataaneq, suliaqartunillu ikiuussinnaaneq.
Ilisimasanik katersineq aammattaaq suliassaqarfimmi suleqataasunut attuumassuteqartunut tamanut ilisimasanik ingerlatitseqqiineq
Illit piginnaasatit
Ingerlaqqiffiusumik ilinniagaqarsimasuuvutit – inuiaqatigiilerinermik, peqqissutsimut suliatigut imaluunniit inuiaqatigiilerinermi ilisimatusarsimanikkut tunuliaqutaqaruit iluaqutaassaaq.
Amerlasuunik misissueqqissaarnermik ilisimasaqarneq aammalu ajornartorsiutit paasiuminaatsut pillugit ilinniarsimarpalaartumik attaviginnissinnaaneq piginnaasaraat.
Aaqqissuulluakkamik suleriuseqarputit suliallu immikkuualuttortaannut tappissuullutit aamma suliaqarfinni assigiinngitsuni suliaqartoqartillugu suleqataarusussuseqartuuvutit, minnerunngitsumillu assigiinngitsorpassuarnik ataatsikkut suliaqarsinnaasuullutit.
Qarasaasiatigut nalilersuinikkut atortorissaarutit pillugit misilittagaqaruit iluaqutaassaqaaq, assersuutigalugu Sitecore aamma SurveyXact. Soorluttaaq Excel regnearkip qaffasissumik piginnaasalittut atorsinnaagukku iluaqutaassaaq.
Marluinnik kalaallisut danskisullu oqaaseqaruit iluaqutaassaaq, tamannali piumasaqataanngilaq.
Ilinnut makkua neqeroorutigisinnaavavut:
Immikkoortortaqarfik assut ineriartortoq suliffigilissavat.
Suleqatigiinnut sulianut ilisimasaqarluartunut ilaalissaatit aamma isumasioqatigisassavatit.
Suliffeqarfik kiffaanngissuseqarfiuvoq sulisullu iluarusullutik sulinissaannik pingaartitsisoq suliffigilissavat
Atorfik suliatigut inuttullu ineriartornissamut periarfissagissaartitsisoq
Isumaginninnermut Aqutsisoqarfik pillugu
Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataani aqutsisoqarfiuvoq arfineq marlunnik makkunannga immikkoortortalik: Meeqqanik Inerisaanermut immikkoortortaqarfik, Sullissisunik Siunnersuisarfimmi Immikkoortoqarfik, Inulerinermut Immikkoortoqarfik, Paarisa, Ulloq Unnuarlu Inissitsiterinermullu Immikkoortoqarfik, Allattoqarfik, Aningaasaqarnermut Immikkoortoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.
Atorfik 1. januar 2025 imaluunniit isumaqatigiissuteqarnikkut inuttalerneqarnissaa kissaatigineqarpoq.
Paasissutissat sukumiinerusut:
Atorfimmut tunngatillugu paasissutissanik allanik pissarserusukkuit Immikkoortortaqarfimmi pisortaq Naja Lund Kielsen-ip oqarasuaataanut sianerlutit attavigisinnaavat +299 34 60 54 imaluunniit mail-ianut: nalk@nanoq.gl imaluunniit katsorsaanermut akisussaasoq Pilunguak Poulsen-ip oqarasuaataanut sianerlutit +299 52 24 30 imaluunniit mailianut: pilp@nanoq.gl.
Ulloq qinnuteqarfissaq kingulleq
Sisamanngorneq 29. November 2024. nal. 12:00 (Kalaallit Nunaata kitaani nalunaaqutaq malillugu)
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfik tamakkiisumik suliffiuvoq (sapaatip akunneranut akunnerit 40-t). Atorfimmut atatillugu angalasarnissaq naatsorsuutigineqassaaq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugit
Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani sulinissat tulluuppoq. Sulisut akornanni annertuumik akisussaaffeqarsinnaanissaq naatsorsuutigaarput sulianullu tunngatillugu piginnaasaqarluarnissaq pingaartillutigu, sulisut pissutsinik misissueqqissaartarnissaat pissutsinullu naleqqussarnissamut piareersimajuarnissaat pingaartitarilluinnarlutigu. Tamatuma saniatigut ulluinnarni suliassannik ilusilersuisinnaanerit tamakkiisumillu takunnissinnaanerit pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaannik naalakkersuisoqarfinnut aqutsisoqarfinnullu arlalinnut agguataarsimasunik, aammattaaq immikkoortortaqarfinnut avataaniittunut arlalippassuarnut agguataarsimasunik sulisulik. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.
Namminersorlutik Oqartussat pillugit annertunerusumik uani atuarsinnaavutit www.naalakkersuisut.gl/job