Isumaginninnermi perorsaasunik siunnersortinik pingasunik
Nuummi Meeqqanut Ilaqutariinnullu immikkoortortaqarfik pissarsiorpoq Isumaginninnermi perorsaasunik siunnersortinik pingasunik Siunnersuinermut Ilaqutariinnillu Katsorsaanermik Sullissivimmut
Kommuneqarfik Sermersooq Siunnersuinermut Ilaqutariinnillu Katsorsaanermik Sullissivimmut pikkorissunik tunniusimasunik isumaginninnermi perorsaasunik siunnersortinik pingasunik pissarsiorpoq, piaartumik isumaqatigiissuteqarnikkulluunniit atorfinissinnaasunik.
Sullissivimmi ilaqutariit, meeqqat inuusuttullu tamakkiisumik isiginnittariaaseqarluni inooqatigiinnikkut ajornartorsiutinik unammilligassanillu assigiinngitsunik suliarinninnissaminnik kissaateqartunik sullissisoqartarpoq.
Atorfiup imaa:
Isumaginninnermi perorsaasut siunnersortit pingasut sulilertussat innuttaasup angerlarsimaffiani suleqatigissavaat, pisunilu ukkatarisaannut paasinnittaasaat iliuuserisartagaallu ineriartortinniassavaat. Taamaaliussapput tapersersuinikkut, pisuni aqqutissiuussinikkut ilitsersuinikkullu, ilungersunartorsiortut aamma/imaluunniit unammilligassalinnut misigisaqartunut.
Sullissivimmi suleqatigiikkuutaat sisamaapput:
1. Suleqatigiit 1 - terapi aamma katsorsaaneq
2. Suleqatigiit 2 - eqimattanut neqeroorutit
3. Suleqatigiit 3 - siunnersuineq ilitsersuinerlu
4. Suleqatigiit 4 – innuttaasut angerlarsimaffiini siunnersorteqarneq
Siunnersortitut akisussaaffigaatit:
inuusuttumut angajoqqaanulluunniit siunnersuineq periuutsinik aaqqissuussinermik suliaqarneq, taamaalilluni pitsaasumik allannguinissaannut periarfissaqalersitsineq.
Siunnersorti katsorsaasanngilaq, atugarliornermulli innutaasoq suna allanngortissinnaaneraat ukkatarisarlugu.
Suliniut unammilligassanik innuttaasut angerlarsimaffimmi misigisagaannik tunngaveqarpoq, suliniummullu iliuusissatut pilersaarut aallaavigalugu.
Atorfimmut atasumik suliassat assigiinngitsut pinngitsoorani suliarineqartussaapput ilanngullugit:
·Ilaqutariit atugarliortut ilungersuuteqartullu angerlarsimaffianni inissisimaneranni tapersersorlugit imaluunniit inuusuttut ineeraanni initaarnissamut piareersarfiini tapersersorlugit
·Perorsaanikkut periuseqarlunilu sulinikkut meeqqamut paasissutissiineq aamma periuseq taanna atorlugu ilaqutariinnik tapersiineq, taamaalillutik ilisimasanik, sakkussanik aamma meeqqamut atatillugu isiginnittariaatsinik nutaanik ilaqutariit angusaqassammata
·Inuusuttoq angajoqqaalluunniit naapertuutinngitsunik pissusilersuutaannik ikiorlugit tapersersorlugillu, taamaalillutik qitornaat ineriartorsinnaammata ingerlalluarlutillu ulluinnarlu nalinginnaasoq ingerlalluarsinnaalluni
·Inuusuttut ilaqutariilluunniit ajornartorsiutiminnik suliarinnittunik ikorfartuineq, ilaqutariit akornanni avatangiisinullu atatillugu attuumassutilinni
·Inuusuttut angajoqqaalluunniit imminermut inoqutigiinnerminnillu akisussaasunngornissaannut tapersersorlugit. Inuusuttut angajoqqaalluunniit aalajangiiniarnerini, najoqqutassiinerini killiliinerinilu ikorfartorlugit
·Angajoqqaat meeqqat inuusuttorluunniit pillugit ileqqut, naleqartitat, piumasaqaatit, inatsisit, perorsaaneq naatsorsuutillu pillugit aqqutissiuussineq tapersersuinerlu
Qinnuteqartunut naatsorsuutigisat:
Isumaginninnerup aamma/imaluunniit perorsaanerup iluani akunnattumik sivisussusilimmik ilinniagaqarsimaneq, minnerpaamilli isumaginninnermik ikiortitut ilinniarsimaneq assigisaanilluunniit.
Qinnuteqartoq ajornanngippat ilaqutariinnik suliaqarnermi isumaginninnermi perorsaanikkut misilittagaqarsimassaaq aammalu ilitsersuinermik siunnersuinermillu misilittagaqarluni.
Aammattaaq pingaartipparput, qinnuteqartoq:
·Ineriartortitserusussuseqartoq alapernaatsuusorlu
·Namminersorluni suliaqallaqqissoq, kisianni kiffaanngissuseqarani
·Inussiarnersoq, ammasoq tatitoorlu
·Tusarnaallaqqittoq
·Aallartitsinissaminut iliuuseqarusussuseqartoq aaqqiissutissarsiortumillu pissuseqartoq
·Suleqatigiuminartuuneq, nutaaliorsinnaanermik oqaloqatiginnissinnaassusermillu piginnaasaqartoq
Neqeroorutigaagut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut siunersiueqatigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput.
Attuumassutilinnut pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinnissaat pingaartipparput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Atorfimmut tunngatillugu inissamik, ilaatigullu atorfinitsinneqarnermut atatillugu angalanissamut pequtillu assartorneqarnissaannut neqerooruteqartoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Pisortaq Cecile Jeremiassen, oqarasuaat +299 36 73 31 imaluunniit e-mail: ceje@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1243-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 30.-at, 2024