Isumaginninnermi Aqutsisoqarfik isumaginninnermi siunnersortimik meeqqanut inuusuttunullu suleqatigiittartunut inuttassarsiorpoq

Kalaallit nunaanni tamani meqqanut inuusuttunullu siumaginninnikkut suliaqarnermi tapersersueqataarusuppit? 

Sullissisunik siunnersuisarfimmi assigiingitsunik isumaginninnikkut suleqatigiit, kommunit meqqanut inuusuttunullu, innarluutilinnullu isumaginninnikkut suliaqarneranni tapersersortarpaat. Meeqqanut aamma ilaqutariinnut Sullissiviit, Ilaqutariit illui, aamma ilaqutariinni aqqutissioqatigiissitsineq kommunini tamatuma sanitatigut tapersersortarpagut, kiisalu angajoqqaarsiat pikkorissartarnissaat, aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuussaagut. 

Atorfik pillugu

Atorfik Meeqqat, Inuusuttut aamma Ilaqutariit pillugit suliaqartartuni inissisimavoq, nunarput tamakkerlugu kommuneni sullissineq tapersersortarparput, ilaatigut ulluinnarni sullissisut sulineranni tapersersorlugit siunnersuisarpugut, ilitsersuilluta aamma sullissisut ulluinnarni sulineranni ilitsersuutinik sakkussaanillu suliaqartarluta. Tamatuma saniatigut onlinikkut saqqummiisarpungut, pikkorissaalluta aamma saniani issiaqatigalugu ilitsersuisarluta.

Suliassat assinginngiaarput neqeroorutinik sakkussanillu ineriartortitsinerit, allaffissornikkut ingerlatsinermi aamma kommuunit apeqqutinik saaffiginniffigisinnaasaannik, nakkutiginninnermi aaqqissuussinermi peqataaqataaneq.

Immikkoortortaqarfitsinni online-kkut neqeroorutigut amerlisarniarlutigit sulivungut, sullissisut tamarmik neqeroorutitsinnut sumiluunniit nunatsinni ikkaluarpata aariaannanngortinniarlugit. Illillu nunatsinni tamani, sullissisunut ilisimasat sakkussallu sulianik suliarinnittartunut tamanut iserfigineqarsinnaasunngortinneqarnissaanut suleqataassaatit. Kommuunini tamani sammisassaqartitsisarpungullumi aamma, taamaattumik sulinernut atatillugu ullut 14-it aallaarsimanisinnaanissat inissaqartittassavat.

Suliassatit ilaatigut makkuussapput:

• Sullissisunut aamma meeqqanut inuussuttunullu suliarpianut tunngasuni aqutsisunullu siunnersuinerit ilitsersuinerillu.
• Ilitsersuutinik pikkorissarnernullu assigisaannullu, nutarterineq pilersitsinerlu.
• Suliniutini ineriartortitsinermilu ataqatigiissaarisoq tapertiisartorlu.
• Onlinikkut saqqummiisarneq.
• Nakkuutilleeqataaneq.
• Isumaginninnermut Aqutsisoqarfimmi suliffiup iluani avataanilu suliassaqarfiit assigiinngitsut suleqatigiinnerinut peqataaneq.
• immikkoortortaq suleqatigalugu isumaginninnermi sulianut tunngasutigut ilisimasanik, periutsinik suliniutinillu ataavartumik ingerlatitseqqiisoqartarnissaanik nutarterisarnissaq qulakkeerinnittarnissarlu.
• Saniani issiaqateqarluni ilinniartitsinissamut pilersaarusiorneq piviusunngortitsinissarlu, sulianillu suliarinnittartunik aqutsisunillu ikiuisarneq.
• Pikkorissarnissanut workshopsinut assigisaannullu pilersaarusiorneq piviusunngortitsinissarlu.
• Pikkorssartitsisimanernut sulinnermi sulinitsinni angalanermi nalunaarusianut paasissutissanik katersinermut peqataaneq, assersuutigalugu pikkorissartitsisimanermi naliliisimanernut tungasut, angalasimanernut nalunaarusiat.
• Allaffissorneq, suliassallu takkussuuttut isumaginissaat.

Ilinnut tunngasut

Inuk sulianut pikkorissoq, meeqqat inuusuttullu suliassartaannik suliaqarnermik annertuumik misilittagalik pissarsiariniarsaraarput, aamma immaqa misilittagarisimasaminik ilitsersuussinermik misilittagaqareersoq, assersuutigalugu sulisunik nutaanik ilitsersuussinermut atatillugu.

Taakkua saniatigut atuisutut IT-imik atuilluarsinnaanerit pingaartinneqassaaq.

Takorloorparput tassaasutit inuk ammasoq, eqinnaatsumik suliassanik assigiinngiiaartorpassuarnik suliarinnissinnaasoq, namminersorluni sulisinnaasoq, suliat immikkuualuttortaannut tappissoq, aammattaaq pingaartipparput suleqatinnut avitseqatigissinnaanissat, aamma suliffimmi pinasuartumik ikiorneqarnissamik pisariaqartitsiffiulertartumi sulisinnaanissat.

Naatsorsuutigaarput illit:

• Isumaginninnermut Siunnersortitut ilinniarsimasuunissaq
• Meeqqanik inuusuttunillu sulissinermik misilittagalik; matumani isumaginninnermi sulianik misissuinermik aamma iliuusissatut pilersaarusiornermik misilittagalik.
• Meeqqat inuusuttuaqqallu suliassaqarfiup iluani pikkorissoq, meeqqat pillugit suliatigut periutsinik sakkutigullu ilisimasalik.
• Qarasaasiamik atuinermi ilisimasalik ajungilaq Get Organized ilisimasaqarfigigukku, soorunami aamma taanna ilinniartinneqarfigineqarsinnaavoq.
• Meeqqat tapersersorneqarnissaannut Inatsisartut inatsisaanik ilisimasaqarluartoq.
• Suliassaqarfiit assigiinngitsut suleqatigiinneriniit misilittagaqarluartoq.
• Ataqatigiissaarinermi aamma pilersaarusiornermut pikkorissoq. 
• Suleqatigiinnermut pikkorissusilik, inoqatinnut akuersaartumik nukissallu qitiutillugit isummersuisinnaasoq.
• Attuumassuteqarfinnik pilersitsinissamut allanngutsaaliuinermullu pikkorissoq.
• Aaqqissuulluakkamik ilusilersugaasumillu sulisartoq aaqqiissutissarsiortartorlu.
• Suliassat naammassillugit suliarineqarnissaanni akisussaaneq.
• Ilinniartitsillaqqissoq.
• Kalaallisut dankisullu tamakkiisumik oqaasilik.

Annertuumik pitsaaqutaassaqaaq illit:

• Ilinniaqqinnermi ilinniagaqarsimassasutit assersuutigalugu imaajaalluni oqaloqatigiittarnermi.
• politikikkut aqutaalluni aaqqissugaasumi suliaqarnissamik ilisimasaqarluarnissat.
• ineriartortitsinermi suliniutinut sulinermi misilittagalik aamma nutaanik eqqarsaatersuuteqarsinnaasusilik.
• Suleqatigiinnermik pisumi arajutsinianngitsuusoq, pimoorussisumik pitsaasumillu isumaliorluni ingerlatsisartoq.

Uagut neqeroorutigaavut:

Sulineq isumalik, meeqqat inuusuttuaqqallu susassaqarfiani sullissinermi nukittorsaaqataaffigisinnaasat. Suliami suliaqatigiittartuni atorfik tamatigoortoq assigiinngitsunik pissanganartunik suliassaqarfiusoq, suleqatit susassaqarfitsinni misilittagalerujussuit, suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik.

Taakkua saniatigut makkua pissarsiarissavatit:

• Sulisut suliatigut nukittuut, sulinitsinni piffik tamaat immitsinnut isumasioqatigiittarnissaq ikioqatigiittarnissarlu pingaartitaralutigit.
• Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
• Suleqatit pitsaasut peqatigiilluartarnissamik pingaartitsisut - aamma ulapaaraangatta.
• Persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq.
• Sulillutit angalanissamut periarfissaq aamma nunarput tamakkerlugu misigisaqarfigissallugu periarfissaq.

Uagut pilluta

Isumaginninnermut Aqutsisoqarfik aqutsisoqarfiuvoq Meeqqanut, Inuusuttunut Ilaqutariinnullu Naalakkersuisoqarfiup ataaniittoq. Isumaginninnermut Aqutsisoqarfik immikkoortortaqarfinnut arfineq-marlunnut agguataarneqarpoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.

Atorfik Sullissisunut Siunnersuisarfimmi inissisimavoq.

Meeqqat inuusuttuaqqallu, ilaqutariit, innarluutillit aamma angajoqqaarsiat, ilaqutariinnik siunersiueqatigiitsitsisartut saniatigut immikkoortortaqarfik 4-nik suliniutini aqutsisoqarpoq, inatsisileritooq aamma immikkoortortaqarfimmi pisortaq. Tamatuma saniatigut Pississarfik immikkoortortaqarfiup ataaniippoq.

Ulloq atorfiniffissaq

1. December 2024 isumaqatigiissuteqarnikkulluunniit.

Qinnuteqarnissamut killiliussaq tassaavoq 4.november 2024 nal. 12.00 (Kalaallit Nunaanni nalunaaqutaq malillugu)

Atorfinitsitsinissamut oqaloqatiginninnerit tamatuma kinguninngua ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusussaq aallaaviusumik tassaavoq sapaatip akunneranut akunnerit 40-t.

Piffissap ilaani arlalinnik angalasarnissat naatsorsuutigineqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerit

Atorfik pillugu itinerusumik paasisaqarusukkuit, immikkoortortaqarfimmi pisortaq Stina Sværd oqarasuaammut +299 34 60 70 imaluunniit e-mailimut stin@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk