Isumaginninermi Aqutsisoqarfik Suliniummut Aqutsisussamik kommuuneni meeqqanut ilaqutariinnullu sullissiviisa ilaqutariillu illuisa ingerlanneqarnerannut tapersersorniarlugit, Isumaginninnermut Aqutsisoqarfiup sullissinermi ineriartornissaanut ingerlanneqarneranullu nutarterneqarnissaanut, suliniummut aqutsisumik atorfimmik piffissami killilimmi atorfeqartinneqartussami atorfinittussarsiorpoq
- Isumaginninnermi aqutsisoqarfik sullissineranut, kommunini Ilaqutariit ajornartorsiulernissamut ulorianartorsiortut immikkut isigalugit, kommuni sulineranut tapersersuinissaannut, qitiusumik inissisimalissaatit.
Meeqqanut Ilaqutariinnullu Sullissiviit aamma Ilaqutariit Illui, sullissisunik siunnersuinermut Immikkoortortaqarfiup kommunit ilaatigut, meqqanut inuusuttunullu, innarluutilinnullu isumaginninnikkut sullitaqarneranni tapersersortarpaat. Tamatuma avataatsigut Ilaqutariinni Aqqutissioqatiginneq pillugu ilinniartitsisarpungut, kiisalu angajoqqaarsianut pikkorissaasarluta, aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuussaagut.
Tungaviusumik sulinerput kommuninut sammineruvoq, aamma tungaviusumik suleqatiginerusarparput, aamma taamatuttaaq Meeqqanut Ilaqutariinnullu Sullissiviit aamma Ilaqutariit Illui-nut tungatillugu.
Illit inissisimaffiit:
Atorfik nutaajuvoq Isumaginninnermi Aqutsisoqarfiup, Meeqqanut Ilaqutariinnullu Sullissiviit aamma Ilaqutariit Illui-nut tapersersuinerat aamma ilitsersuinerat nukittorsarniarlugu. Pinngaarnertut suliassaassapput nunami tamani suleqatinut, sulianik suliarinninnermi ilitsersuinissaq suliatigullu isumasioqateqartarnissamik sullissineq, Meeqqanut aamma ilaqutariinnut Sullissiviit aamma Qimarnguiit pillugit Namminersorlutik Oqartussat nalunaarutaat naapertorlugu siusinnerusukkut saqqummiunneqartoq ukioq manna, ilaatigut aaliagersaagaavoq, Meeqqanut ilaqutariinnullu sullissiviit kiisalu ilaqutariit illui, qanoq minnerpaamik neqeroorutit ikiorsiissutigineqassanersut.
Nalunaarut sulinermi nutaanik killiliussivoq, kommunip nalunaarutip atulersinniarlugu sulinera malinnaaffigalugu suliarisussanngussavat, kiisalu kommunit tapersersorneqarnissamut suut nalunaarutip piviusunngortinnissaanut pisariaqartinneraat qulaarlugu, siunertarissavallu suliniutip naammassineqarnerata kingorna, saqqummiinissat qanoq sulinermi ingerlaqqinnissaq isikkoqassanersoq, innersuussutigalugu.
Tamatuma avataatigut nalunaarutip Isumaginninnermi Aqutsisoqarfik pisussaatitsippaa sulisunut nutaanut pikkorissartitsinissamut neqeruuteqassalluni, tamannalu e-læring-itut ingerlanneqarnissaa illit aqutaralungu suliarusussanngussavat.
Meeqqanut Ilaqutariinnullu Sullissiviit aamma Ilaqutariit Illui-nut Isumaginninngermi Aqutsisoqarfik ukiumut ataasiarluni aqutsisut akornanni qanimut attaveqaqatigiinnissaanut atortorissaarutissanik workshopimut, Meeqqanut Ilaqutariinnullu Sullissiviit aamma Ilaqutariit Illui-nut, isumaginnittarpoq, tassanilu pingaarutilimmik inissisimassaatit.
Tamatuma avataatigut naatsorsuutigneqarsinnaavoq allaffissorneq, suliassallu takkussuuttut isumaginissaat.
Sulisussarput
Sulisussarput suliatigut attuumassuteqarfiusumik tunuliaquteqassaaq soorlu ilaqutariit katsorsarneqarneranuk imaluunniit tarnikkut piginnaanngorsaanerup iluani, kiisalu ineriartornermik suliniutinillu ilisimasaqarnissaq, tamatuma ataatigut paasissutissanik katersuinernut ilisimasaqarnissaq.
Takorloorparput ataatungaani allassimasuni amerlanerpaani ilinnut ilisarisinnaassasutit:
- Meeqqanut Ilaqutariinnullu Sullissiviit aamma Ilaqutariit Illuinulluunnit, suliaqarfimmi suliamut attuumassutilimmik ilisimasaqarneq misilittagaqarnerlu.
- Ilakkuminartoq, Ilisimasaminiik avitseqatigiissinnaassuseqartoq.
- Suliniutinik ineriartortitsinermut misilittagalik.
- Suliniutini aqutsisutut misilittagalik imaluunniit susassaqartut amerlaasuut akornanni suliniutini ataqatigiissaarisutut
- Nalilersuinermi aamma ilisimasanik katersuinermi, paasissutissanik katersisarnermilu misilittagalik
- Namineerlutit sulisinnaassuseqartutit, sapernak akisussaaffeqarsinnaasutit namminerlu iliuuseqarlutit aallarniuteqarsinnaallutit
- Suliffeqarfimmik politikikkut aqunneqartumik misilittagaqarluartutit
- Tulluartumik ilinniarsimasuunissaq, ajornanngippat kandidatitut qaffasitsigisumik ilinniagaqarsimasoq soorlu eqqarsartaatsip pissusaatigut perorsaaneq (Pædagogisk psykologi), ilisimasaqarluaruit misilittagaqarluarlutillu tamakkununnga tungasunik, tamanna piumasaqaataanngilaq.
Uagut neqeroorutigaagut
Sulineq isumalik, Meeqqanut Ilaqutariinnullu Sullissiviit aamma Ilaqutariit Illui-ni qitiusumik inissisimalissuutit, nunamilu tamarmi tamanna sullissineq pingaarutilimmik inissisimaffigissavat.
Atorfik nutaaq illit nammineq sunniuteqaqataaffigisinnaasat suliatigut tunngasumik suleriaaseqarneq imaluunniit periaaseqarneq qanoq issanersut illit malunnaateqarnissannut periarfissaq.
Suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik.
Meeqqat inuusuttuaqqallu, ilaqutariit, innarluutillit aamma angajoqqaarsiat, ilaqutariinnik siunersiueqatigiitsitsisartut saniatigut immikkoortortaqarfik 2-nik suliniutini aqutsisoqarpoq, inatsisileritooq aamma immikkoortortaqarfimmi pisortaq.
Ilaqutariinni aqqutissioqatigiinnermi suleqatigiinnut sulisunik suleqateqassaatit, meeqqanik ilaqutariinnillu sullissisunik, ilaqutariinnullu illui-nut suleqateqartunut taassumalu iluini ilisimasalinnut, misilittagalinnullu.
Immikkoortortaqarfimmi kalaallisut oqalunneruvugut taamaattumik oqaatsigut ulluinnarsiutigigukkit ajungequtaassaaq, taamaakkaluartorli marluinnik oqaaseqarluta suleqateqartarneq misilittagaqarfigaarput, uatsinnullu qajassuulluta, taamaattumik piumasaqaataangilaq.
Isumaginninnermut Aqutsisoqarfik immikkoortortaqarfinnut arfineq-marlunnut agguataagaavoq:
Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.
Atorfik Sullissisunut Siunnersuisarfimmi inissisimavoq.
Isumaginninnermut Aqutsisoqarfik Meeqqanut, Inuusuttunut Naalakkersuisoqarfiup ataaniittuuvoq.
Atorfinitsinneqarnissaq ulloq 1. novembarip 2024 isumaqatigiissuteqarnikkulluunniit.
Qinnuteqarfissaq kingulleq: oktoberip ulluisa 4-at, 2024 nal 12.00.
Atorfinitsitsiniarluni oqaloqatiginninnerit sapaatit akunneranni 41-imi ingerlanneqarnissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartunut naapertuuttumik piginnaatilik, Immikkut siunnersortimik siunnersortit pisortaannilluunniit inissinneqarnissaq periarfissaavoq.
Atorfik 2025 naaneranut sivisussusilimmik killeqarpoq
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi pisortaq Stina Sværd oqarasuaammut +299 55 72 80 imaluunniit e-mailimut stin@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job