Iserit A/S Nuummi Paasissutissiinermik suliaqartussamik pissarsiorpoq

Fakta

Atorfiup suussusaa: Paasissutissiinermik suliaqartartoq

Suliffeqarfik: Iserit A/S

Qinnuteqarfissaq kingulleq: 16. februaari 2025

Attavissaq: HR Chef, Betina Nornild, oqarasuaat: +299 36 30 08 imaluunniit Forvaltningskonsulent, Britta Platou, oqarasuaat: +299 36 30 28.

Attaveqaqatigiittarnermik suliaqarpit sunik tamanik ilanngussisinnaasoq aammalu suliffeqarfimmi allanngorartunik suliassaqarfiusumi allanngueqataasinnaallutit? Taava atorfik una immaqa ilinnut naleqquppoq!

Iserit A/S tunniusimasumik ilakkuminartumillu paasissutissiinermik suliaqartussamik Nuummi allaffitsinni sulisussarsiorpoq. Ingerlatsinermi immikkoortortaqarfitsinni pingaarutilimmik inissisimassaatit, suliassanik amerlasuunik pissanganartunik suliaqassallutit attaveqaateqassallutillu. Paasissutissiinermik suliaqartutut inissiaatileqatigiiffiup iluani avataanilu pitsaasumik attaveqatigiittoqarnissaa qulakkeerinneqataaffigissavat, suliassanik allanik assigiinngitsunik suliaqarnerpit saniatigut, tamatumunnga ilanngullugit naammagittaalliutit aammalu Kommuneqarfik Sermersuumut attaveqarneq.

Nuummi, Tasiilami Paamiunilu atorfeqartugut tunniusimasut 37-iuvugut. Immikkoortortaqarfitsinni allaffiillu akornani qanimut suleqatigiit-tuulluta, taamaattumik suliffeqarfitsinnut eqqortumik suleqatissarsiorpugut, taannalu sulinermini pikkorissuseqassaaq, suleqatiginnissinnaalluartoq qiimasuussallunilu.

Nuummi Paasissutissiinermik sullissisutut atorfik:

Ingerlatsinermi immikkoortortaqarfimmi Paasissutissiinermi sullissisoq atorfeqassaaq,

Pisortaqarfimmullu suliffik ilaalluni, aammalu atorfiup imarisaa pillugu pilersaarusiornissami peqataassaatit Pisortaq, HR-mi pisortaq immikkoortortamilu atorfillit sinneri peqatigalugit.

Suliassatit pingaarnerit makkuussapput:

• Ineqarnermi naammagittaaliuuteqartarfimmut suliakkiissutit naammagittaalliuutillu allat suliaralugit

• Kommuneqarfik Sermersooq peqatigalugu, aqatigiissaarineq attaveqaqatigiinnerlu

• Piginnittutut kommunip suleqatillu allat ataatsimeeqatiginerini peqataaneq

• Nittartagaq infoskærmillu ineriartortillugillu nutarsaaneq

• Iserit A/S-ip iluani avataanilu attaveqaqatigiinneq, tassunga ilanngullugu inissiaatileqatigiiffiup iluani attaveqaqatigiinnermut tunngasunik pikkorissartitsinerit

• Qaammaarsaanermut tunngasunik suliaqarneq, nalunaarutit, attartortunut,suleqatigisanut tusagassiorfinnullu paasissutissiissutit

• Attaveqaqatigiinnermut suliassanik naammassigasuagassanik paasissutissiissutinillu agguaassassanik suliaqarneq

Suleqatissatut ujartugarput tassaavoq:

• Attaveqatigiinnermi pikkorissoq, oqalunnermi allattariarsornermilu

• Aaqqissuussillaqqissoq aamma sulianik assigiinngitsunik ataatsikkut aqutsisinnaasoq

• IT-mut digitaalimullu tunngasunik atuinermi sungiusimasalik

• Pitsaasoq, alapernaatsoq aammalu suliffimmi avatangiisini suliassanik allanngorarfiusumi nutaanik ilikkarusussuseqartoq

• Suleqatigiinni suleqataasinnaasoq, immikkoortuni tamani sumiiffinnilu tamani suleqatit qanimut suleqatigalugit sulisin-naasoq

Piginnaasatit:

• Naleqquttumik ilinniagaqartoq soorlu Tusagassiortoq, Merconom, HD, Cand Merc.,imaluunniit assigisaanik

• Digitaalimik attaveqaqatigiinnermi aamma paasissutissiisarnermut tunngasunik misilittagalik

• Pisortat suliffeqarfiini attaveqaqatigiinnermut tunngasunik ilisimaarinnittoq

• Iluaqutaassaaq oqaatsinik marlunnik atuisuuguit (kalaallisut – qallunaatut)

Uagut neqeroorutigisinnaavagut:

• Atorfik pissanganartoq tamatigoortorlu, illit nammineq piginnaasannik ineriartortitsinissamut periarfissalik, inissiaatileqatigiiffimmi persuarsiorfiunngitsumik nuannersumillu sullivimmi avatangiisilimmi

• Atorfik akisussaaffittalik namminerisamillu ingerlatsiffiusussaq assigiinngitsunik suliassartalik suliatigut inuttullu ineriartornissamut periarfissalik piffissaq qaninnerusoq ungasinnerusorlu eqqarsaatigalugit

• Akissarsiat pensionisiassallu naleqquttut illit piginnaasannut tulluartut

• Suliffeqarfik immikkoortortat allaffeqarfiillu tamakkerlugit suleqatigiinnermik pingaartitsiffiusoq

• Atorfimmut atorfininnermi atatillugu inissaqartitsivugut, taakkununngalu maleruagassat atuuttut naapertorlugit qularnaveeqqussut, inimut akiliutissat il.il. akilerneqartassapput.

Atorfinitsitsisoqassaaq 1. marts 2025, imaluunniit isumaqatigiissuteqarneq tunngavigalugu. Suleqatissarpulli eqqortoq utaqqissavarput.

Atorfik pillugu annertunerusumik paasisaqarusukkuit saaffigisassatit tassaapput HR-mi pisortaq Betina B. Nornild, oqarasuaat: + 299 36 30 08, imaluunniit Ingerlatsinermi siunnersorti Britta Platou, oqarasuaat +299 36 30 28

Qinnuteqaatit ”Paasissutissiinermik suliaqartussaq, Nuuk”,-mik qulequtserlugu,

CV-t ilanngussassallu pisariaqartut ilanngullugit uunga nassiutissavat:Iserit A/S

Postboks 1539

3900 Nuuk

Mail: job@iserit.gl

Qinnuteqaat kingusinnerpaamik tigoreersimassavarput: Sapaat 16. februar 2025