Iserit A/S Nuummi Ineqarnermi siunnersortimik suleqatissarsiorpoq

Iserit A/S Nuummi allaffitsinnut inissianik innersuussisarfimmi sullissisumik tunniusimasumik namminersorsinnaasumillu pissarsiorpoq. Atorfik taanna assigiinngitsunik suliassaqarfiuvoq namminersorfiusoq assigiinngitsunik suliassartalik pineqarpoq, suliatigut inuttullu misileraaffiusartoq.

Uagut pilluta

Nuummi, Tasiilami Paamiunilu atorfeqartugut tunniusimasut 40-vugut. Immikkoortortaqarfiit allaffiillu akornanni qanimut suleqatigiippugut, taamaammallu inummik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaasaqarluassaaq, assigiinngitsunut attaveqarsinnaasoq qiimasorlu.

Nuummi ineqarnermi siunnersortitut atorfik:

Suliffeqarfipput tassaavoq kiffartuussinermik eqeersimaarfiusumik ingerlatsisoq, taamaammallu sullitavut kikkuugaluarpataluunniit soorunami qitiutittuartussaavagut. Sullitatta sullinneqarnissaat akisussaaffigissavat - tassaasinnaapput inissiamik qinnuteqartuusut, attartortut, assassornermik suliaqartut, inuit suliffeqarfiillu suleqatigisagut imaluunniit inissiaateqarfinnik piginnittut, saaffiginnittoqarneratigut pikkoriffigalugit inussiarnersumik pisussaavagut. Illit attaveqaateqarnermi piginnaasatit atorluassavatit inuit tikillugit sulinermi aammalu oqarasuaatikkut oqaloqateqarnermi.

Suliassatit pingaarnerit makkuninnga peqataatitsiffiussapput:

• Ulluinnarni sullitatsinnut attaveqarneq• Inussiarnersumik piginnaasaqarpalaartumillu oqarasuaatitigut oqaluussisarnissat • Oqarasuaateqarfimmik isumaginninneq (ilaatiguinnaq)• Allakkanik tigooraaneq, agguaassineq nassiussuinerillu• Inissarsiortunik utaqqisunut allattuinerit utaqqisullu allattorsimaffiinik aqutsineq• Inissianik attartortussanik akuersisarnerit aamma attartortunik nuuttussanik isertertussanillu isumaginninnerit• Allaffissornikkut suliassanik suliarinninneq• Toqqorsivimmut inissiisarnissanik suliarinninneq• Suliassat takkussiinnaasartut allat

Piginnaasatit:

• Allaffissornermut ilinniagaqarputit – soorlu AU Pisortani allaffissornermi – atorfimmut assingusumik misilittagaqarlutit.• Pitsaassuseq akisussaaffeqarnerlu pingaartippat, nammineerlutit sulineq piginnaaneqarfigalugu.• Oqarasuaatikkut oqaloqateqarninni nipit tusaajuminartuuvoq, ikiuukkumassuseqarlunilu qiimarpaluttuuvoq, ulappuseriasaarnerni tamakkiisumik arajutsisaqarneq ajorputit.• Tassaavutit inuk nuannaartoq uummaarissuunikkullu pitsaasumik sullivimmi avatangiisinut sunniuteqartartoq.• Qarasaasianik atuineq ilisimalluinnaqqissaarpat – ilaatigut Office, EG-bolig allaffissornikkut ingerlataq.• Marlunnik oqaaseqarluartuuvutit – kalaallisut / qallunaatut – oqaatsillu tamaasa atorlugit oqaloqateqarnikkut allagaqarnikkul-luunniit attaveqarsinnaanermut pikkorissuseqarputit.

Inuttut piginnaasatit:

Sulisussatut pissarsiariniagarput tassaavoq aaqqissuussillaqqissoq, aaqqiissutissanik atorluarsinnaasunik siunnerfilinnillu ilisimasaqarluartoq, sullitatsinnut suleqatitsinnullu pitsaasumik ikiorsiillunilu sullissilluarsinnaasoq, pitsaasumillu kiinnertarnerit pissutigalugu suleqatigalutit nuannersoq.

Uagut neqeroorutigisinnaavagut:

• Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut.• Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.• Suliatigut inuttullu ineriartornissamut periarfissalik.• Soraarnersiuteqalernissanut aaqqissuussinerit peqqinnissamullu sillimmasiinerit

Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqussut, inimut akiliutissatil.il. akilerneqartassapput.

Atorfinitsitsisoqassaaq 1. november 2024, imaluunniit isumaqatigiissuteqarneq tunngavigalugu. Suleqatissarput piukkunnartoq utaq-qissavarput.

Atorfik pillugu annertunerusumik paasisaqarusukkuit saaffigisassaapput, Attartortitsinermik pisortaq Najánguak` Johansen, oqarasuaat +299 36 30 11, mail: njo@iserit.gl imaluunniit HR-mi pisortaq Betina Nornild, oqarasuaat: + 299 36 30 08 / e-mail: beb@iserit.gl.

Qinnuteqaatit ”Ineqarnermi Siunnersorti, Nuuk”,-mik qulequtserlugu, CV-t

ilanngussassallu pisariaqartut ilanngullugit uunga nassiutissavat:Iserit A/S

Postboks 1539

3900 Nuuk

Qinnuteqarfissap killinga: Sapaat ulloq 22. september 2024Mail: job@iserit.gl

Aamma nittartakkatsinni sulisussarsiorneq takuuk www.iserit.gl iserfigalugu, tassanilu aamma Iserit A/S-imut tunngasunikpaasisaqarnerusinnaavutit.