Inuusuttut kulturikkut illuat Tasiilami sullarissunik marlunnik sulisussarsiorpoq
Igdlo – inuusuttut kulturikkut illuat Tasiilami sullarissunik marlunnik sulisussarsiorpoq inuusuttunut sullissisussamik
Peqataarusuppit Igdlo siuarsarnissaanut sulisut inussuttullu Igdlomi atuisut ineriartortsinnissaanut?
Igdlo inuusuttut illoraat Tasiilami, orniguffik eqqisisimaariarfik inuusuttoqatigiit katersuuffiat aamma ineriartornermik sammisaqartsitsivik.
Igdlomi atuisut tassaapput 14-30 tungaanut ukiullit. Inuusuttunut neqeroorutit ukuupput iganeq nereqatigiinneq, illuaraliornerit, workshop-it assigiinngitsut, sannavimmi suliaqarneq, pinngortitami angalaarneq, qimusserneq, umiatsiaararneq, aalisarneq pinialunnerlu il. il.
Igdlo tassaavoq inuusuttut illuat taamaammat inussuttut oqartussaaqataasarput aamma aalajangeeqataasarlutik sammisassanut.
Sulisumik ujaarlerpugut inuusuttunik sullissinermik misilittagalimmik aammalu sullissinissaminut piumassuseqartoq.
Sulisussaq Igdlomi sulisut ikiortigalugit ikorfartueqataasussatut aamma inerisaanermut suliaqarnermut peqataassaaq aamma pingaartitaavoq maligassiuilluartuussasoq.
Igdlo ilisarnaataa:
∙Toqqissisimanartoq inuusuttut imminut inissaqartittut
∙Sammisaqartitsisoq ineriartornissamut periarfissalimmik siunissaminnut iluaqutaasinnaasumik
∙Inuusuttut ikorfartorneqarfiat ilitsersorneqarfiallu
∙Ataqqeqatigiillutik aamma imminnut naleqatigiillutik isersimaarfiat
Suliffik neqeroorutigaarput:
∙Inuusuttut ineriartornissaanut aamma inoorusussusermut ikorfatuisoq
∙Sunniutilik akisussaaqataasorlu
∙Kulturikkut illuat ingerlalluartoq iserfissat
∙Ataqqeqatigiittut
∙Suleqateqarneq illoqarfitsinni immikkoortortaqarfiit assigiinngitsut aamma nunatta iluani aamma nunat allaninngaaneersuttaaq suleqatiginissai
∙Periarfissalik
Ilinnut naatsorsuutigaarput:
∙Sullissinermut misilittagalik aamma sanaartornermut tungaatigut ilinniagalik
∙Tigusisinnaasoq namminersorlunilu suliaqarsinnaasoq suliffiup anguniagai malillugit
∙Qimmianut akisussaaqataasoq isumagineqarnissaanut aasakku ukiukkullu, aamma qimussertitsineq Igdlo-p atuisuinut
∙Pax pikkorissarsimaneq, piumasaqaataanngilaq kisianni
∙Igdlo-p atuisuinut, suleqatinut, aamma allat suleqatit
∙Pilersaarusiorsinnaasorlu Igdlo-p atuisuinut,
∙Oqaasilik kalaallisut aamma qallunaatut iluaqutissaapput, kisianni piumasaqaataanngilaq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Hans Poul Andersen, oqarasuaat +299 36 77 73 imaluunniit e-mail: hpan@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1139-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 15.-at, 2024