Inuttassarsiuteqqitaq - Sulisitsisut allattorsimaffiani illit nutaatut suleqatigilissavatsigit

Inuttassarsiuteqqitaq - Sulisitsisut allattorsimaffiani illit nutaatut suleqatigilissavatsigit.

Akileraartarnermut Aqutsisoqarfimmi allaffimiutut/siunnersortitut atorfik inuttassarsiuunneqarpoq 1. september 2024 immikkulluunniit isumaqatigiissuteqarnikkut sulilersussamik.

Sulinermi aaqqissuussaanermik inissisimaneq:

Atorfik Nuummi imaluunniit Maniitsumi Akileraartarnermut Aqutsisoqarfiup Akileraarutinut Naakkutillinermullu immikkoortortami, sulisitsisut allattorsimaffiat inissisimavoq.

Suleqatigiinni 12-liusuni, taakkunani sulisitsisut allattorsimaffiani sisamaallutik ilinniartorlu ataaseq.

Sulisitsisut allattorsimaffiat akisussaasuuvoq sulisitsut sulisumi akissarsiat nalunaarutigineqarnissaat, ulluinnarni oqarasuaatikkut imaluunniit mail-ikkut sulisitsisunik attaveqartarneq.

Taamaammat pingaaruteqarpoq, illit qinnuteqartoq saaffiginnittut qitiutillugit ullormut ulapaarfiusinnaasumi oqaloqatiginninnissamut allattariarsornikkullu pikkoriffeqarnissat aammalu allanik suleqateqarsinnaaneq aaqqiissutissarsiorsinnaassusseqarlutillu piumassuseqarlutillu piginnaasaqarnissat.

Akileraartarnermut Aqutsisoqarfik nunatsinni akileraartarnermut qullersaqarfiuvoq ulluinnarni suliassaralugit akileraaruserineq, akitsuuserineq aamma akiliisitsiniarneq.

Immikkoortortaqarfiup akileraarutinut nakkutilliisoqarfiup akileraarutinut tunngasut tamaasa, akileraaruteqaataasussanik angissusiliinerit aammalu matumani ilanngullugit nunami maani innuttaasut, selskabit, namminersorlutillu inuussutissarsiuteqartut aningaasarsiaannik selskabenik suliffeqarfinnillu anginernik kukkunersiuinerit, apeqqutinik akissuteqarnerit tamakkiisumillu innuttaasunut suliffeqarfinnullu il.il. ilitsersuinerit nakkutilliinerit aammalu ilanngaaserisoqarluni.

Allaffimmiutut makku pingaarnertut suliassarivatit:

• Qaammammut ukiumullu akissarsianik nalunaarutigineqartunik suliaqarneq
• Saaffiginnissutinut sullissineq, oqarasuaatikkut, allakkatigut aammalu qarasaasiakkut allakkat isaasunut.
• Sulisitsisut allattorsimaffiani suleqataasutut suliassat ingerlaavartumik suliarinissaannut sulisitsisuniit aammalu pisortat suliffeqarfiutaaniit nalunaarutit pitsaassutsimigut isumannaatsumik sivikinnerpaamillu immikkoortortaqarfiup suliariarisartagai suliarineqarnissaannut sullissineq pingaartipparput.
• Sullissinermi pitsaassutsimigut naammassisaqarsinnaaneq innuttaasuniit, suliffeqarfinniit aammalu pisortat sulisitsisuniit nalunaarutit eqqortuunissaannut.
• Sulisitsisuniit nalunaarsukkat naligiissaassallugit.
• Kreditsaldo-nik misissuineq, qallunaat nunaannut akileraarutinik nalunaaruteqar-neq aammalu akiligassartaanik isumaginninneq.
• Sulisitsisunut ilitsersuineq
• Sulisitsisutut nutaatut aammalu sulisitsisutut taamaatittut nalunaarsorneri.
• Ajornannginnerusumik eqaallisaaqataanissamillu qarasaasianut tunngasunut atorneqarnissaanik.
• Eletronisk-imik akileraarutit allagartaanik pilersitsiniarnermi peqataasarnissaq
• Suliassat nalinginnaasut saniatigut allanut suliassanut peqataasarnissaq, immikkoortortaqarfiillu allat akimortumik suleqatigisarnissai.

Immikkoortortami aqutsisoq aammalu allaffimmi pisortaq qaninnertut aqutsisorissavatit.

Piginnaasat:

• AU imaluunniit allaffimmiutut ilinniarsimasuussaatit, aammalu misilittagartuunissat.
• Qarasaasiatigut sullissinissamik pikkoriffeqassaatit
• Sullisserusussuseqarnissaq, namminersorlutit sulisinnaanissat, peqataalluartuunissat aalajaallutillu akisussaafeqarnissat aammalu suleqatikkuminartuunissat.
• Qiimasuunissaq avammullu attaveqarluartuuneq
• Allattariarsornikkut oqaluttariarsornikkullu pikkoriffeqarnissat, kalaallisut oqalussinnaaneq, qallunaatut tuluttullu iluaqutaassaaq.
• Ulapaarfinni sulianik tulleriiaarilluarsinnaasoq
• Suliassaqarfimmut, inatsisinut aammalu naatsorsuuseriaasermut nalunngisaqarnissaq
• Excel regneark, word il.il. nalunngisaqarnissaq

Atorfik pillugu saaffiginniffissaq:

Atorfik pillugu annertunerusumik paasissutissat Allaffimmi Aqutsisumut Karen Marie Petersen, oqarasuaat toqqaannartoq 34 65 48 / mail: kmap@nanoq.gl imaluunniit allaffimmi Pisortamut Charlotte R. Lyberth saaffigineqarsinnaapput, oqarasuaat toqqaannartoq 34 65 14, e-mail: cly@nanoq.gl

Qinnuteqaat:

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Piffissaq qinnuteqarfissarititaasoq kingulleq:

Qinnuteqaat Akileraartarnermut Aqutsisoqarfimmut kingusinnerpaamik tigoreersimassavarput 7. august 2024.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job