Inunnik Isumaginnittoqarfik meeqqanik inuusuttunillu ajoquserneqarsimasunik katsorsaasussarsiorpoq nutaamik pilersitsisussami Nunatsinni Katsorsaavimmi Siunnersuisarfimmilu
Ilisimasanik peqarluarpit, nukissaqarluarlutit aamma meeqqat inuusuttuaqqallu ikiornissaat pingaartillugit, nakuuserfigitissimasut, kinguaassiutitigut atornerlunneqarsimasut, imaaluunniit sakkortuumik nalaataqarsimasut soorlu qanigisamik annaasaqarnikkut imaluunniit imminut toqunnissamik eqqarsaatinut tunngasut? Taava illiusimassaaq ujartugarput.
Atorfik pillugu: Sulianut nuannarinnittunik aamma tunniusimasunik suleqatitaarnissannut periarfissaq neqeroorutigaarput, meeqqat aamma inuusuttuaqqat sullitarissavatit, siunissamik qaamanerusumut siunertallit, oqimaattunilli misigisimasamikkut nammatallit. Inuusuttortagut sullinneqartut peqqissiartornissaannut katsorsaanissamut piginnaasatit atornissaat periarfissarissavat, tapersersuinikkut ilitsersuinikkullu.
Suliassatit tassaapput:
Sakkortuumik misigisaqarnermut tunngasunik inunnik ataasiakkaanik oqaloqateqarneq, eqimattakkaaralunilu oqaloqatiginnilluni katsorsaanermut ingerlatsineq.
Katsorsaanermut pilersaarutinik ineriartortitsiuarnerit sullinneqartullu ataasiakkaat pisariaqartitaat aamma nalaassimasaat naapertorlugit naleqqussaasinnaaneq.
Angajoqqaanik, atuarfeqarfinnik aamma susassaqartunik allanik suleqateqarneq, meeqqanut aamma inuusuttuaqqanut ataatsimut isiginneriaaseqalernissaq tapersersuinerlu pilersinniarlugit.
Siunersiuinermi peqataaneq, saqqummiinerit aamma suliarinninnermi pitsaassuseq qaffasissoq qulakkeerumallugu suliamut ingerlaavartumik ineriartortitsineq.
Suleqatissarput tassaassaaq:
Tarnip pissusaanik ilisimasalik imaluunniit tarnikkut katsorsaasut, sakkortuumik nalaataqarsimasunut katsorsaasutulluuniit ilinniagaqarsimasoq misilittagaqartorlu, imaluunniit assigisaannik sakkortuumik pisoqarsimatillugu aamma upalungaarsimasutut nukinginartumik katsorsaaneq.
Meeqqat inuusuttuaqqallu sakkortuumik nalaataqarsimasunut pitsaasumik tatiginartumillu attaveqartitsisinnaasoq.
Pisuni ajornakusoorfiusuni tusarnaarlunilu tapersersuisinnaasoq, misiginneqatiginnissinnaassusilillu.
Meeqqat inuusuttuaqqallu sakkortuumik misigisaqarsimasut oqaloqatiginissaanut periuutsinillu ilusilersukkanik aaqqissuussanik ilisimasalik.
Uagut neqeroorutigaavut:
Suliffeqarfik ikorfartuisoq, pimoorussisoq, ilisimaarinnilluartoq uummaarissorlu, suliamik ilinniarfigisimasami ineriartornissamik periarfissalik.
Suliffeqarfik inissaqartitsilluartoq, sulisullu iluarisimaarnissaanik pingaartitsingaatsiartoq.
Immikkoortortaqarfik inerisarneqarluartoq peqataaffigilissavat.
Suleqatitaassaatit ilinniarluarsimasunik avitseqatigilluarsinnaasanillu.
Atorfik suliat tungaatigut inuttullu ineriartorfigissaartoq.
Meeqqat inuusuttullu inuuniarnermikkut atugarliortut inuunerinik allanngueqataanissamik periarfissaqarneq.
Ajornartorsiornerup kingunerlutsitsinerillu iluini pikkorissarsinnaanermut aamma ataavartumik oqaloqatigiinnikkut imaajarneqartarnermik periarfissalik.
Atorfik qitiusumik katsorsaavimmi inissisimassaaq, siornatigut Immikkoortortaqarfik Inulerinermut Immikkoortortaqarfimmi, Isumaginninnermut Aqutsisoqarfimmiittut sulisui peqatigalugit. Katsorsaavimmi sullissivimmi atorfilittut illit Innuttaasut Immikkoortortaqarfianniissaatit, taamaattumik aamma Meeqqanik katsorsaasut angalasartut katsorsaasut pisortaanut aammalu Inulerinermut Immikkoortortaqarfiata pisortaanut attaveqartassaatit. Inulerinermut Immikkoortortaqarfik nuna tamakkerlugu katsorsaanerit assigiinngitsut isumagisarpaat.
Atorfik pillugu paasissutissat
Atorfik tamakkiisuuvoq (sapaatip akunneranut akunnerit 40-t) Nuummilu inissisimalluni. Atorfimmut atatillugu angalangaatsiartarnissaq naatsorsuutigineqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Qinnuteqaat:
Meerartatsinnut inuusuttortatsinnullu toqqissisimanartumik sinaakkusersueqataanissamut, tapeeqataanissannullu suliamullu isumalimmut kivitseqataanissannut piareersimavit?
Qinnuteqaatit aamma imminut ilisaritinneq (CV) nassiutikkit kingusinnerpaamik 17.december 2024.
Paasissutissat annertunerusut
Atorfik inuttalerneqarusuppoq 1.februari 2025, imaluunniit isumaqatigiissuseqarnikkut.
Ingerlaavartumik qinnuteqartunik oqaloqateqartoqartassaaq.
Allagarsiussaq pillugu alapernaaseruit sukumiinerusunillu apeqqutissaqaruit taava una attavigiuk:
Immikkoortortaqarfimmi pisortaq Naja Lund Kielsen, mail: nalk@nanoq.gl, imaluunniit oqarasuaat +299562627
Qinnuteqaat, imminut ilisaritinneq (CV), ilinniarsimanermut aamma pikkorissarsimanermut uppernarsaatit, pappiaqqallu attuumassutillit "Qinnuteqaat nassiuguk" toorlugu nassiutikkit.
E-mail aqqutigalugu qinnuteqaatit nassiussat tiguneq ajorpagut.
Tusarfiginissat qilanaaraarput!