Inulerinermut immikkoortotaqarfik aqutsisutut isumaginninnermut siunnersortimik katsorsaanermillu ilisimasaqarluartumik pissarsiorpoq
Isumaginninnermut Aqutsisoqarfik, Inulerinermut Immikkoortortaqarfimmi isumaginninnermut aqutsisumik, qaavatigullu katsorsaanermik misilittagalimmik pissarsiorpoq, taamatulluunniit suliaqarnissamik soqutigisalimmik pissarsiorpoq. Psykoterapeuti katsorsaanikkut suliaqarfimmi pitsaasumik allannguerusussuseqarluartumik pissarsiorpugut. Atorfik Isumaginninnermut Aqutsisoqarfik Inulerinermut Immikkoortortaqarfimmi aalajangersimasumik inissisimavoq, tassani suleqatigiit suliaminnut pikkorilluartut suleqatigilernissaannut periarfissaqarpoq, taamaalillunilu aamma suliassat atorfimmut tunngatitat ineriartortinnissaannut atuutilersinnissaannullu periarfissaqarluni.
Neqeroortutigaarput atorfik pissanganartoq unammillernartorlu. Pikkorissunik suleqatitaassaatit, aamma suleqatit suliaqarfimmik pimoorussisut akornanniilissaatit. Tamatta akisussaaqataaffigisatsinnik pitsaasumik allanngorartumillu ulluinnaqarnissaq pingaartipparput. Uagutsinni inuttut sulisutullu qiimasuuneq assigiinngitsuunerlu inissaqartippavut, suleqatigiinnermilu ammasumik pitsaasumillu attaveqatigiittarneq pingaartillutigu.
Ataasiakkaatut eqimattatulluunniit ingerlanermi aqqutissiuunneqarnissaq periarfissat pitsaapput.
Suliassat
Assersuutigalugu suliassat makkununnga tunngasinnaapput: Katsorsaanermi neqeroorummut attuumassuteqartumik innuttaasoq peqatigalugu naliliilluni oqaloqatigiinneq aamma oqaloqatigiinnikkut katsorsaaneq (kisimiitillugu imaluunniit aappariiutillugit). Tamatuma saniatigut katsorsarneqartoq, aappaqarsimassappat, aappaasup katsorsarneqarnissaanik neqerooruteqartarpugut. Una atorfik Inersimsunut Katsorsaasunut attuumasuuvoq, taamaattumik sineriammi katsorsaalluni angalanissamut ilaalluni.
Sulineq aamma makkununnga tunngassuteqarsinnaavoq: Tarneq pillugu ilinniartitsineq, innuttaasut ataatsimiisinneqarneri, aqqutissiuussineq, siunnersuinikkut oqaloqatiginninnerit ataatsimiinnerillu assigiinngitsut.
Aammattaaq sapaatip akunnerani ullormi ataatsimi allaffissornikkut sulianik suliarinninnissamut piffissaliisarnissaq naatsorsuutigineqassaaq. Tamatumani innersuussinerit, paasititsinianermi atuartitsinermilu paasissutissanik ineriartortitsineq, sulinianik avitseqateqarneq ilaalu ilanngullugit. Piffinni ataasiakkaani allaffissornikkut suliassat ulapputigineqarnerulersinnaasarput.
Sullinneqartut angalanikkut katsorsaaneq ingerlanneqartassaaq aammattaaq oqarasuaatikkut ingerlanneqartarlutik – matumani Teams internetsikkut, oqarasuaatit atorneqartarlutik.
Takorluugaq
Inulerinermut immikkoortortaqarfiup psykoterapeutimik aalajangersimasumik atorfinititsinissaq kissaatigaa, immikkoortortaqarfimmi katsorsaasartut taamaalillutik suleqatigiinnut ataasiakkaanut immikkoortortamullu tamakkiisumik nukittuumik suleqatigiinneq ineriartornikkullu attaveqarfeqarneq pigiumallugit. Taamaattumik sulinikkut unammillernartut immikkoortortaqarfimmi suleqatitit qanimut suleqatiginerisigut kivitseqataaffigikkajuttarumaarpatit, aammattaaq ingammik suleqatigiit attuumassutillit peqatigalugit.
Suleqammik ujarlerpugut
Immikkoortortami suliap aaqqiivigineqartup suliatigut pitsaassusaanik ataqatigiissaarineq, tapersiineq qulakkeerinninnerlu
Angalasinnaanissamut periarfissalik
Aqutsisinnaasumik misilittagaqarneq
Pikkorissumik oqimaaqatigiissaarillaqqissumik
Namminersorsinnaasumik pisariaqaraangallu eqimattami sulisinnaasumik,
ataatsimut isigalugu isumalluartumik, nukittuffiminik sanngiiffimminillu ilisimaarinnittumik
Aaqqissuussamik sulisinnaasumik aamma misigeqataasumik,
tarnikkut ajornartorsiutit pillugit inunnik sullissinermik siammasissumik misilittagalimmik
tulluartillugu imaluunniit pisariaqartillugu nalunaarsinnaasumik imaluunniit killiliisinnaasumik,
unammillernartunik nutaanik pissanganartunillu suliaqarnissamut tunuarsimaanngitsumik innuttaasunullu ataasiakkaanut sunniuteqaqataarusuttumik, ataatsimullu isigalugu inuiaqatigiinnut sunniuteqaqataarusuttumik suleqatissarsiorpugut
Psykoterapeuti immikkut akuerisamik allagartalik
Kalaallisut oqalussinnaanissat orniginartinneqarneruvoq. Tamannali piumasaqaataanngilaq.
Uagut neqeroorutigisinnaavavut
suliffik pingaarutilik isumaqarluartorlu
suliassat pissanganartut assigiinngisitaartullu
illit suliassannut atatillugu namminersuutigalugu sunneeqataanissamut periarfissat
qaffasissumik suliaqarsinnaassuseq aamma suleqatit ataqatigiilluartut
sulinikkut atugassat pitsaasut aamma suleqatit persuarsiorpalaanngitsut akornanniissinnaaneq
sulinikkut ineriartornermik pingaartitsineq ataavartumik oqaloqatigiinnikkut aqqutissiuunneqarnissamik ilalik
siunnerfilimmik piginnaasanik ineriartortitsineq aamma
illit uagutsinnut tulluussarumallutit kissaatigisinnaasatit pisariaqartitatillu ajornanngippata ammaffigaavut.
Isumaginninnermut Aqutsisoqarfik pillugu ugguuna annertunerusumik atuagaqarsinnaavutit www.socialstyrelsen.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Allagarsiussaq pillugu alapernaaseruit sukumiinerusunillu apeqqutissaqaruit taava una attavigiuk:
Katsorsaanermut akisussaasoq, Pilunguak Poulsen mail: pilp@nanoq.gl oqarasuaat: 522430
Immikkoortortaqarfimmi pisortaq Naja Lund Kielsen, mail: nalk@nanoq.gl, oqarasuaat 346054
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.