Inuit innarluutillit najugaqatigiiffiini sannaviannilu aqutsisoq PISOQ
Atorfik pillugu
Inuit innarluutillit najugaqarfiini najugaqarfinnilu attuumassuteqartumi siuttuusinnaasumik aqutsisumik tunniusimasumik pilersaarusiortumillu eqqarsarsinnaasumik ujarlerpugut, ineqartut timimikkut eqqarsartaatsimikkullusuussusersineqarnikut katillugit 34 missaaniipput. Tamatuma saniatigut inersimasunut innarluutilinnut sulliviit marluk kiisalu meeqqanut innarluutilinnut sunngiffimmi ornittagaq ataaseq akisussaaffiit ilaanniissapput.
Aqutsisutut ulluinnarni pitsaassutsip qaffasissuunissaa, sulisunik aqutsineq, najugaqartut pisariaqartitaannut naapertuuttumik neqeroorutinik inerisaanissaq kiisalu immikkoortumik politikkikkut anguniagaqarneq pingaarnertut askisussaaffigissavatit.
Pingaarnertut akisussaaffeqarfiit
- Pilersaarusiorluakkamik aqutsineq: Najugaqartut, qanigisaasut sulisullu qanimut suleqatigalugit immikkoortumi anguniakkanik takorluukkanillu atuutsitsilerneq inerisaanerlu.
- Ingerlatsineq pitsaassutsimillu qulakkeerinninneq: Najugaqarfinni sannavinnilu inatsip atuuttup pitsaassutsimullu piumasaqaatit malinneqarnersut qulakkeerlugu.
- Sulisunik aqutsineq: Sulisunik 100 missaanniittunik piginnaasatigut ineriartortitsinermik, atugarissaarnermik sulisoqarniarnermillu pingaarnertut akisussaaffeqarneq.
- Aningaasatigut aqutsineq: Missingersuutinik malinninneq, aqutsisunullu aningaasaqarnikkut nalunaarusiornerit.
- Attaveqaatinik suleqateqarneq: Kommunip ingerlatsivianik, avataani ingerlataqartunik qanigisaasunillu suleqateqarnerup nukittorsarnissaa.
- Atuisunik akuutitsineq: Najugaqartut ulluinnaannut siunissaannut tunngatillugu aalajangiiniarnermi najugaqartunik qanigisaannillu akuutitsinerup qulakkeernissaa.
Kinaavit?
Naatsorsuutigaarput:
- Isumaginninnermut, peqqinnissaqarnermut, perorsaanikkut imaluunniit inuiaqatigiilerinermut assingusumik ilinniagaqassasutit.
- Immikkoortuni assingusuni patajaatsumik aqutsinikkut misilittagaqassasutit.
- Attaveqarsinnaalluartuullutillu soqutigisaqaqatigiit assigiinngitsorpassuit pissusissamisoortumik suleqatigisinnaassagitit.
- Aningaasaqarnikkut ilisimasaqarlutillu missingersuutinik aqutsinermik misilittagaqartutit.
- Pilersaarusiukkamik suleriuseqarneq, ilutigalugulu ulluinnaat ineqartunut sulisunullu pitsaasumik ingerlanissaannik qulakkeerinninnissaq.
- Ineqartut sulisullu assigiinngissusaannik paasinnissinnaallunilu ataqqinnissusilik.
Neqeroorutigaarput
- Suliffik isumaqarluartoq unamminartorlu, inuit immikkut pisariaqartitsisut allannguiffigalugit.
- Sulisut tunniusimasut, ineriartornermillu ukkataqartut.
- Inuit innarluutillit immikkoortortaanni neqeroorutinut sunniuteqarnissamut ineriartortitsinissamullu periarfissat.
- Suliffik atugarissaarnermik, suliatigut siunnersueqatigiinnermik eqaatsuunissamillu ukkataqarfiuvoq.
Pinerluuteqarsimannginnermut aamma meeqqanut pinerliisimannginnermut uppernarsaat:
Atorfik pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarnissamik piumasaqaatitaqarpoq. Atorfinitsitsineq aatsaat uppernarsaatit attuumassuteqartut kommunimit pissarsiarineqareeriarpata pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaannut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput. Qaammatit pingasut misilitsiffiussapput.
Malittarisassat sukkulluunniit atuuttut malillugit akilerneqartussamik inissamik innersuussisoqarsinnaavoq.
Oqaloqatiginninnerit ingerlaavartumik ingerlanneqartarput. Atorfik 1. Marts 2025 isumaqatigiissuteqarnikkulluunniit sulilertoqassaaq.
Paasissutissat annertunerusut aamma qinnuteqaat:
Annertunerusumik paasissutissat pissarsiariniarlugit Pisortap tullia Annette Eriksen oqarasuaatikkut (+299) 867417, e-mail: aeri@qeqqata.gl imaluunniit Atugarissaarnermut pisortaaneq Paneeraq Olsen oqarasuaatikkut (+299) 86 73 03, e-mail: pnol@qeqqata.gl attavigineqassapput. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaat sulisitsisorisimasamillu oqaaseqaatit ilanngullugit PDF-filinngorlugit kommunip nittartagaatigut ikkunneqareersimassapput.
Qinnuteqarnissamut killissarititaasoq: februaarip 18.-at, 2025