Inuili – Food College Greenland Faglærerimik pissarsiorpoq pikkorissartitsinissamik Ilitsersuisutut ukkatarinnittussamik.
INUILI – Food College Greenland Narsami, Faglærerimik pissarsiorpoq pikkorissartitsinissamik ilitsersuisutut ukkatarinnittussamik.
Inuilimi suliamik ilinniarsimasumik nutaamik Pikkorissartitsinissamik Ilitsersuisussamik pissarsiorpugut.
Inuilimi pikkorissartitsinissamik Ilitsersuisussatut, pikkorissartitsinermik pilersaarusiornermik suliaqartunut ilanngutissaatit.
Suliassatut pingaaruteqarnerusut ilaatigut makkuuniarput:
Piginnaaneqarfigisariaqakkat:
Makkua ilaatigut piginnaaneqarfigissallugit.:
- Atorfimmut suliatigut ilinniarsimasuunissaq, ajornanngippat ilinniartitaanermik qaffasinnerusumik ingerlaqqittumillu ilassuteqarsimalluni, s.a. aamma pædagogiskimik tunngaviusumik pikkorissarsimanissaq.
- Atorfimmut assingusumut misilittaqareernissaq.
- Qarasaasiatigut aaqqissukkanut allaffissornermoortunut ilisimasaqarluarnissaq.
- Inatsisinut nalunaarutinullu naleqquttunut ilisimasaqarluarnissaq.
- Aalajaatsuunissaq ilinniartunillu sukumiisumik ukkatarinninnissaq. Suliassanut assingusunut misilittagaqareerneq, suleqatiginnillaqqissuunerlu. Ineriartortitsinermut aamma inerniliilluarluni angusaqarnissakkullu sammisunik uppernarsarneqartunik misilittagaqarneq. Allannguisoqarnissaannut piareersimanissaq, piareersaanikkut sukumiisumik pilersaarusiortarnissaq saneqqunneqarsinnaanngitsumik piumasaqaataavoq.
- Sullissinermik suliaqarnissamik piginnaanilik tamannalu ulluinnarni sulininni pingaartingaatsiarlugu.
Kalaallisut qallunaatullu oqaaseqarsinnaavoq.
- Atuisartunut attaveqarneq pikkorissartitsinermillu tuniniaanermik allaffissornermik suleqatigiinnut peqataanissaq
- Pikkorissartitsinissaq sioqqullugu, pikkorissartitsinerullu nalaani kingornalu allaffissornikkut suliassaasut suliarissallugit
- Pikkorissartitsinermik suliaqartut eqimattat peqataaffigissallugit, atuagarsornikkut tigussaasumillu atuartitsinerannut peqataassalluni aamma pikkorissartitsinermik tunngasutigut piareersaataasussat suliarissallugit
Naatsorsuutigivarput illit :
- Aalajaatsuullutillu peqqissaartuusutit
- Sullissinermik piginnaaneqartutit
Piffissaq atorfiniffigineqartoq: 15 novemberip 2024 imaluunniit isumaqatigiissuteqarnikkut.
Paasissutissanik ersarinnerusunik pissarsisinnaavutit Ilinniarfiup pisortaa forstanderi Poul Christensen, poch@inuili.gl oqarasuaatikkullunniit +299-661313 saaffigalugu.
Qinnuteqaatit ilinniarsimanermik siusinnerusukkullu sumi sulisimanermik paasissutissartalik, soraarummeernermik uppernarsaatinik oqaaseqaatinillu ilanngussiffigalugu una atorlugu nassiussinnaavoq https://naalakkersuisut.gl/job kingusinnerpaamik november-ip ulluisa 12-ni 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job