Innaallagissamut aamma kiassarnermut tunngasunik suleqatigiinni aqutsisoq - Aasiaat
Suleqatigiinni aqutsisumik pissarsiorpugut Nukissiorfiit Aasianni innaallagissamut aamma kiassarnermut tunngasunik ingerlatsinermut akisussaasuusussamik. Pineqarpoq aqutsisutut atorfik unamminartortalik suliffeqarfimmi nuna tamakkerlugu teknikimik pitsaalluinnartumik aamma inuiaqatigiinnut annertuumik akisussaaffeqartumik. Nukissiorfiit ineriartornerup pissanganartup qeqqaniippoq tassani pilersinneqarput aningaasartuutinik atorluaaneq aamma piujuartitsineq tunngavigalugu aaqqiinerit nuna tamakkerlugu iluaqutaasut. Tassunga ilanngullugit nukissiamik pilersuinermik ineriartortitseqqinneq aamma pitsaanerulersitsineq imermik imerneqartussamik pilersuineq qitiutillugu anguniaqarluarusunneq aamma atugassarititaasutigut killiussat unamminartut iluanni.
Suliassatit pingaarnerit tassaapput:
- Illoqarfiup kiassarnermik nioqqutissiorneranik aamma siaruarterinermi aammattaaq innaallagissamik siaruarterinermi ataqatigiissarinermiut akisussaanerpaaq
- Nukissiorfiit siunissamut iliuusissatut pilersaarutaasa eqqortinneqarnissaannut aamma suleqatigiinnik ulluinnarni aqutsinermut ilanngutsinneqarnissaannut peqataaneq
- Nunap Immikkoortuani nioqqutissiornerup aamma siaruarterinerup annertussusianik pitsanngorsaanermut siunnersuutissanik ineriartortitsineq illoqarfiit aamma nunaqarfiit allat suleqatigalugit
- Nukissiorfiit Corporate Social Responsibility/inuiaqatigiinnut akisussaaqataanerani anguniagaasa anguneqarnissaannut aamma ineriartortinneqarnissaannut peqataaneq
Sulinermi misilittakkatit, ilinniagaqarnermi tunngavigisatit aamma suliatigut soqutigisatit apeqqutaatillugit periarfissaqarputit atorfimmi suliassat sunniuteqarfiginissaannut.
Illit ujartorpatsigit tassaasutit:
- Teknikimut tunngasumik ilinniarsimasoq, soorlu maskinmesteritut, el-installatøritut imaluunniit assingusumik
- Atortunik teknikimut tunngasunik ingerlatsinermik aamma aserfallatsaaliuinermut ilisimasalik
- Piumassuseqartoq nammineerluni suliaqarsinnaasoq aamma ulapiffiusuni tamatigoortumik isiginnissinnaasoq
- IT-mik atuisutut ilisimasalik
- Kalaallisut aamma danskisut oqalussinnaasoq, piumasaqaataanngilarli
Illit suut naatsorsuutigisinnaavigit?
Illit innaallagissamik aamma kiassarnermik nioqqutissiornermi/siaruarterinermi suleqatigiinnut pikkorissunut aamma suliumatuunut peqataalissaatit. Suliffeqarfimmi pingaaruteqartumik inissisimassaatit, tassani iluatsitsineq pikkorissuseqarneq aamma pitsaasumik suleqatigiinneq aqqutigalugit pilersinneqartarpoq. Tamatumunnga ilutigalugu qilanaarisinnaavat suliffeqarfimmi sulisut annertuumik iluarisimaarinnittut akornanni suleqataalernissat – Kalaallit Nunaanni aamma Danmarkimi pitsaanerpaat akornanniippugut.
Atorfininnissaq sapinngisamik piaartumik imaluunniit isumaqatigiissuteqarneq tunngavigalugu
Atorfeqartitaanermi atugassarititaasut:
Aningaasarsiat aamma atorfinitsinneqarneq isumaqatigiissut attuumassuteqarfigisaq aamma attuuttoq naapertorlugu ingerlanneqassaaq. Qaammatit pingasut misilitsiffiupput. Atorfimmut atatillugu inissaq pequsersorneqanngitsoq neqeroorutigaarput maleruaqqusat atuuttut naapertorlugit. Namminersorlutik Oqartussani atorfeqartitaanerit aqqutigalugu atorfimmut atatillugu ineqartinneqaruit pisinnaatitaaffik taanna atuutiinnassaaq.
Atorfininnermut aamma suliunnaarnermut atatillugu angalanermut akiliussisoqassaaq maleruaqqusat atuuttut naapertorlugit.
Atorfimmut atatillugu inissamik innersuussisoqarsinnaavoqMalittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Distriktschef Ovenguaq Lyberth attavigineqarsinnaavoq emailikkut: OL@nukissiorfiit.gl imaluunniit oqarasuaammut : (+299) 89 48 47
Paasissutissat allat:Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: oktobarip 24.-at, 2024