Innaallagissamik siaruarterinermut formandi Nukissiorfiit Qaqortumut
Innaallagialerisumik misilittagalimmik sulisussarsiorpugut, taassuma Nukissiorfiit Qaqortumi innaallagissamik siaruarterinermik aamma imermit nukissiorfimmit illoqarfiup tungaanut innaallagissap aqqutaanik ingerlatsineq akisussaaqataaffigissavaa. Nuna tamakkerlugu suliffeqarfimmi tekniskiusumik suliatigut pikkoriffeqartumi inuiaqatigiinnullu annertuumik akisussaaffeqartumi atorfik unamminartortalik pineqarpoq. Nukissiorfiit maanna niuernikkut pissanganartorsiornerup nalaaniipput, aningaasartuutinik atorluaaneq sullitatsinnullu iluaqutaasumik ataavartumik aaqqiissutissarsisoqarluni. Tassunga ilanngullugit ataavartumik nukissiamik pilersuinermik ineriartortitseqqinneq aamma pitsaanerulersitsineq imermik imerneqartussamik pilersuineq qitiutillugu anguniaqarluarusunneq aamma atugassarititaasutigut killiussat unamminartut iluanni.
Atorfik
Atorfimmi innaallagissamik siaruarterinermut aamma imermut Teamlederimut akisussaaffeqassaatit, Qaqortumilu ingerlatsinermut suleqatigiinnut ilaassallutit. Innaallagissamik siaruarterinermut formandi maannakkut suliatigut aqutsisuuvoq sulisumut ataatsimut ilinniartumullu ataatsimut, suliassatillu pingaarnerit ilaatigut makkuussapput:
- Ingerlatsinerup pilersaarusiorneqartarnera aamma malitseqartitsisarneq ingerlatsinermit aamma aserfallatsaaliuisarnermit datanik nalunaarusiortarnikkut
- Nukissiorfiit innaallagissamik siaruarterinermut aamma Qaqortumi illoqarfiup tungaanut innaallagissap aqqutaanut atortumik ingerlatsineq aamma aserfallatsaaliuisarneq
- Isumannaallisaanermut aamma oqartussaasut piumasaqaataasa eqquutsittarnissaat
- Akisussaaffigisamut tunngasut piginnaanerit isumagisarnissaannut aamma ineriartortinnissaannut peqataaneq illoqarfiup aamma nunaqarfiup immikkoorutai mianeralugit
- Sulisut akisussaaffigisat innaallagissamut ikkussukkat aamma atortut pillugit suliatigut kiisalu atortunik sakkunillu taakkununnga attuumassuteqartunik ilinniartittarnissaat
- Sulisunik nutaanik pigaartuulinnginneranni ilinniartitsinermi peqataasarneq
- Suliassat takkuteriasaartut innaallagissamik siaruarterinermut teamlederip innersuussaanik suliaqartarneq
- Ilisimasanik sulisunut ingerlatitseqqittarnermi aamma sulerusussuseqalernissaannut peqataaneq
- Najukkani periusissanik, ilitsersuutinik innersuussutinillu suliaqartarnermut peqataaneq
- Qorlortorsuarmi imermit nukissiorfimmik aserfallatsaaliuisarnermut peqataaneq.
Innaallagissamik siaruarterinermi formanditut aammattaaq suliffiup iluani suleqatigiissitani suliniutinullu suleqatigiinni peqataasassaatit, soorlu aamma illit Nukissiorfiit sinnerlugit suliffiup avataani arlaannik pisoqartillugu peqataasassasutit. Immikkut ittunik piginnaaneqaruit tamakku atorluarneqarsinnaassapput, tassa suliffeqarfiup nunallu immikkoortortani niuernermik ineriartortitsinermi periarfissaqarluassammat illit atorfiup imarisaanut sunniuteqarsinnaanissat.
Piginnaasat
Atorfimmi illillu iluatsitsilluarnissannut arlalinnik periarfissaqarpoq, kisianni pingaartuutinneqarpoq illit nukissiornermi tekniskiusumik ingerlatsinermik misilittagaqarluartuunissat SRO atortumik illisimasaqartoq kiisalu innaallagissamik siaruarterinermi ingerlatsinermik aamma aserfallatsaaliuisarnermik misilittagaqartuunissat. Tassunga ilanngullugu naatsorsuutaavoq illit sarfamut sakkukitsumut atortumik misilittagaqartuunissat, tassunga ilanngullugu PLC, datanik nakkutilliisarneq il.il. Taakku saniatigut pingaartipparput illit:
- Innaallagialerisutut ilinniagaqarsimasuunissat suliatigut innaallagissamik siaruarterinermi 0,4, 10 og 60 KV.-mik misilittagaqartuusoq
- Suleriaaseqartuusutit aaqqissuussilluartartoq mikisualuit pingaaruteqarnerannik paasinnilluartartoq, allaffissornermi pikkorissoq aamma aningaasaqarnermut tunngasunik paasinnilluartartoq
- IT-mik atuisinnaanermut pitsaasunik piginnaaneqartoq aamma biilersinnaanermut allagartaqartoq
- Assaat atorlugit suliaqarluarsinnaassuseqartoq
- Nutaaliorsinnaanermut piginnaanilik niuernermi ataatsimoortumik takunnissinnaanermut killiussat iluanni.
Iluaqutaalluassaaq illit kalaallit inuiaqatigiit ilisimasaqarluarfigigukkit aamma marluinnik oqaaseqartuuguit, kalaallisut qallunaatullu.
Atorfeqartitaanermi atugassarititaasut
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.
Inissaq
Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.
Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.
Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu
Suli paasisaqarnerorusuppit?
Atorfik pillugu paasissutissat annertunerusut pissarsiarineqassapput Suleqatigiinni aqutsisoq ingerlatsinermut akisussaasoq Kjell Bergmann saaffigalugu +299 647806. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.
Qinnuteqarnissamut killissarititaasoq: oktobarip 2.-at, 2024