Inissiarsuarni nakkutilliisut – INI NUUK & NUUSSUAQ

Nuummi Qapiarfiusaami kiisalu Nuussuarmi inissialeriffitsinni suleqatissarsiorpugut.

Inuiaqatigiinnut akisussaaqataanermut tunngalluinnartumik suliaqaqataanissamut periarfissaqalerputit

Inissiarsuarni nakkutilliisutut akisussaassuseqartumik sulissaatit, ulapaarfinnilu tamakkiisumik isiginnissinnaassallutit.

Suleqatitit suleqatigilluinnarlugit najugaqartunut sullissineq inissialerinermillu ingerlatsineq suliassanni pingaarnerussapput. Sapaatip akunneranut 40 tiimit sulisassallutit, ukulu akisussaaffigissavatit:

• Pilersaarusiorneq najugaqarfiullu immikkoortortaani suliassat isumagineqarnissaat nakkutigalugit
• Iserterfissat misissorlugit, amigaatinut allattuiffimmiittut isumagalugit
• Nutserfiit misissorlugit, nalunaarusiorlutit, iluarsagassat aallartisarlugit Nakkutilliisup isumaqatigiissuteqarfiginera malillugu
• Teknikkimut atortut ulluinnarni nakkutigalugit, nalinginnaasumik aserfallatsaaliuineq najugaqarfiillu eqqaani saligaatsuutitsinissaq
• Iluarsagassat minnerit aserfallatsaaliugassallu minnerit isumagalugit
• Suliassanngortut tamalaat

Suliassaq suugaluarpat pimoorussineq akisussaassuseqarnerlu

Nakkutilliisutut sullissillaqqissuussaatit. Iluarsagassanut misilittagaqassaatit. Tunuarsimaarnak ineqartunut avataanilu suleqatitsinnut, minnerunngitsumillu ulluinnarni suleqatitsinnut attaveqarsinnaalluassaatit. Assassorluni suliamik allaffimmiutulluunniit ilinniagaqarsinnaavutit, inissiallu aserfallatsaaliorneqarnissaannut ilisimasaqassallutit. Aammattaaq:

• IT-mik atuisinnaalluassuseqassaatit, inissianut isertertitsinerit nuuttoqarneranilu suleriuseq digitalimik ingerlanneqartarmat
• Ammasussaatit tamanillu inussiarnersumik torersumillu attaveqatiginnissinnaassallutit
• Namminersorlaqqillutillu iliuuseqallaqqissuussaatit, suleqatikkuminarlutillu
• Suleqatinut, ineqartut saaffiginnissutaannik, ulluinnarnilu sulianik suliakkersuisinnaassuseqassaatit
• Pilersaarusiullaqqissuussaatit suliassallu nangillugit ingerlateqqittarlugit
• Biilernermut allagartaqassaatit

Uagutsinnut ilanngugit

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

Atorfimmi atugassarititat:

Naalakkersuisut aamma SSK imaluunniit SIK akunnerminni isumaqatigiissutaat atuuttoq naapertorlugu inissialerisumut atorfinitsitineq pissaaq. Atorfimmut atatillugu inissaqartitsisoqanngilaq.

Sulilerfissaq:

Isumaqatigiissutit aallaavigalugit.

Atorfik soqutigaajuk?

Atorfik pillugu annerusumik paasisaqarsinnaavutit Ingerlatsinermut aqutsisoq Morten Holm attavigalugu uunga +299 86 11 15.

Qinnuteqaatit CV-it pappilissallu attuumassuteqarsinnasut, pineqaatissinneqarsimannginnermik uppernarsaat ilanngullugu, allakkatigut mailikkulluunniit tigoreersimassavagut 23. oktober 2024.

Tusarnissat qilanaaraarput, qinnuteqaatit uunga nassiutissavat:

INI

HR-afdelingen

Postboks 1020

3911 Sisimiut

E-mail: job@ini.gl