Ingerlatsinermut siunnersorti
Nuummi Qullersaqarfimmi tunisassiornermik sullissisarfittut immikkoortoqarfik innaallagissamik siammarterinermut nuussiffimmilu ingerlatsinermut siunnersortissarsiorpoq, tassanilu immikkut sammineqarpoq biilinut innaallagissamik immersuisarfittut aaqqiissutitta ”Nukissalik”-up ineriartortinnissaa. Tunisassiornermik sullissisarfiup Kalaallit Nunaat tamaat sullitarisarpaa, peqataaffigilissavallu immikkoortoqarfik suleqatitsialannik sulianut tunngasunut ilisimasaqarluartunik piginnaasaqarluartunillu inuttalik. Aaqqissuussiffimmi ilisimasaqarluinnartutut inissisimaffeqassaatit, tamaanilu uagut pikkoriffigisatsinnik, pitsaasumillu suleqatigiinnerput aqqutigalugu iluatsitsineq pilersittarparput. Taamaalisukkut suliffeqarfiup minguitsumut nuukkiartornermik pimoorussisup, atugarissaarnermillu assut pingaartitsisup ilaaffigilernissaa qilanaariisassaavoq, tamaaniippullu sulisunut aaqqissuussat, aammalu sulinerup nalaani timigissarnermik neqeroorutit.
Suliassat pingaarnerit tassaassapput:
- Innaallagissamik siammarterinermut aamma nuussisarnermut, kiisalu Nukissalimmut tunngatillugit oqartussaasunut attaveqartarnernut akisussaasoq.
- Innaallagissamik siammarterinermut aamma nuussisarnermut ingerlatsivinnut najoqqutassat, ingerlatseriaatsit aamma ilitsersuutit suliarisarnissaannut akisussaasoq.
- Nukissiorfiit tunisassiornermik ingerlatsivianik, ilanngullugu ingammik Nukissiorfiiup biilinut innaallagissamik immersuiffiata ”Nukissalik”-up teknologiimut tunngasutigut ineriartortitsiuarnerinut peqataaqataaneq. Siunissami atuutilertussamut ADMS-imik taagutilimmut sulisuni qitiussaatit.
- Innaallagissamik nuussinermut napparutini aqqutinik 132 & 60 kV-inik pilersaarusiukkatut misissuinissanik ataqatigiissaarinerit.
- Aserfallatsaaliuisarfittut aaqqiissutitsinni Sertica’mi innaallagissamik siammarterisarfittut ingerlatsivitta atuutsilernissaannik aamma aserfallatsaaliugaanissaannik qulakkeerinninnerit.
- Nukissiorfiit ingerlatsinermut sulisuinik sulianut tunngasutut ineriartortitsiuarnissamut peqataaqataaneq.
- Nukissiorfiit iluani isumannaallisaanermik suliaqarnermik ineriartortitsiuarnermut/pitsaanerpaanngorsaajuarnermut peqataaqataaneq.
- Illoqarfinnut aamma inoqarfinnut mikinerusunut teknikkip tungaatigut ikiuisarnerit, tassani avataaniit pisutut, aammali ingammik atorfimmut atatillugu angalanertigut pisutut.
- Sanaartugassatut suliniutinut tunngasunik allagaatinik aamma businesscasenik teknikkimut tunngasunik oqaasertalersuinerit aamma pitsaassusissaannik qulakkeerisarnerit.
- Pisortatut aaqqiissummik ineriartortitsinermik aamma atuutsitsinermik attassinissamut aamma ataqatigiissaarinermut peqataaqataaneq.
- Piffissamut ungasissumut suliffiup iluani KLS-auditeringimi ilaalernissaq.
- Ataavartumik ingerlatsinissamut pilersaarusiornermut aaqqissuutip ineriartortinneranut minnerunngitsumillu atuutileriartortinnissaanut suleqataassaatit.
Atorfeqarninnit misilittakkatit, ilinniagaqarsimanitit aamma soqutigisaqarnerit apeqqutaallutik atorfippit imarisaata sunniiffiginissaannut assut periarfissaqarputit.
Atorfik taama ikkami tamatigoortuuvoq, tassanimi ingerlatsineq alaatsinaatarissavat, aammali periusissialikkatut ineriartortitsinermut ilalersuisinnaassaatit.
Makkuninnga piginnaasaqartutit ujarpatsigit:
- Innaallagisserinermik teknikkip tungaatigut suliassaqarfiup iluani nangitamik ilinniagaqarsimaneq (el-installatøri, el-ingeniøri, maskinmesteri, assingusorluunniit).
- Nukissamik pilersuisarfittut ingerlatsivinnik ingerlatsisarnermut annertuumik ilisimasalik
- IT-mik aaqqiissutinik assut teknikkip tungaatigut paasisaqartuusoq piginnaasaqartorlu.
- Inunnut tamakkununnga ilinniagaqarsimanngitsunut aamma teknikerinut attaveqaqatigiinnikkut aamma paasisitsiniaasarnikkut piginnaasaqarluarnerit.
- Atorfimmut pissanganartumut sapiissuseqartoq, suliassat sarfaliuummit ingerlatsinermit atuisartuni uuttortaasarfiit tungaannut aqqutigisami tamarmi pisassartalik.
- Minguitsumut nuukkiartornermik soqutigisaqartoq aamma pimoorussaqartoq.
Aamma oqaatsit marluk, kalaallisut aamma danskisut oqaatsit atorsinnaassagukkit iluaqutaassaaq, tamannali piumasaqaataanngilaq.
Paasissutissat allat:
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Kikkuuvugut?
Nukissiorfiit tassaavoq Kalaallit Nunaanni illoqarfinnut 17-inut, aamma inoqarfinnut mikinerusunut 53-inut 388-inik sulisoqarluni imermik, kiassarnermik aamma innaallagissamik pilersuisutut suliffeqarfik pilersuisarfiusoq. Kalaallit Nunaanni pilersuisarfittut suliffeqarfiit annersaattut nunami tamarmi atuisartunut nukissamik qulakkeerinissaq akisussaaffigaarput. Siunissaq minguinnerusoq sulissutigaarput, tamaani nukissamik najoqqutassat atajuartut tassaallutik pingaarnerpaat, aammalu tamaani imeq imigassaq mingoqanngitsoq kikkunnit tamanit pissarsiarineqarsinnaassalluni.
Nukissiorfiit iluani atorfilittut Kalaallit Nunaanni tamarmiusumi agguataarsimasumi sulianut tunngasutut ataatsimoorfigisaq ilaaffigilissavat. Tamaani sumiiffikkaani pilersuineq suliaqarfigaarput, aammalu nunamik pituttueqataavugut. Tamatigut ineriartorneq akuuffigaarput, aammalu siunissami Kalaallit Nunaannut tunngavissanik pitsaanerpaanik tamakkuninnga pilersitsinissaq anguniagaralutigu, tassani nukissamik atajuartumik immitsinnut pilersugarissalluta, aammalu ikummatissat uumassusilinnit pilerfeqartut atornagit anguniagassarput angusinnaassallutigu.
Qinnuteqarnissamut killissarititaasoq: decembarip 6.-at, 2024