Ingerlatsinermut aserfallatsaaliinermullu imikkoortortaqarfiup aamma Aningaasaqarnermut Sulisoqarnermullu Aqutsisoqarfiup allaffiani pisortaq
Namminersorlutik Oqartussat Pisiortortarnermut Ineqartitsigallartarnermullu Allaffiata ineriartortinneqarneranut siuttoorusuppit? aamma aqutsinermik misilittagaqarluarpit? – Taava immaqa allaffimmi pisortarilersinnaavatsigit.
Aqutsinermik misilittagaqartumik immaqalu Pisiortortarnermik aamma ineqartitsigallarnermik aqutsinermik ilisimasaqartumik allaffimmi pisortassarsiorpugut. Inatsisilerinermut tunngasut ilisimasaqarfigaagit? Paasissutissanik misissuillaqqippit aamma paragraffinik ilisimasaqarpit?
Inatsisilerituumik økonomimilluunniit sulisussarsiorpugut. Ulluinnaat pissanganarsinnaasut tamatigoortullu suliffigisassavatit. Aaqqissuisinnaassuseqarnissat, suliumatuujunissat nammineersinnaassuseqarnissallu kissaatigaarput, tamatumalu saniatigut suliffeqarfimmi sullitatsinnut pitsaanerpaamik kiffartuussiffiusumi sulerusussaatit. Ataatsimut siunertaraarput akileraartartut aningaasaataat sapinngisamik pitsaanerpaamik atornissaat tassani qulakkiissallugu, pilersuisullu namminersortut imminnut unammilleqatigiinnerat tamanut naapertuuttumik paasiuminartumillu tunngaveqarnissaa.
Immikkoortortani marlunni mikinerusuni, Pisiortortarnermut Ineqartitsigallartarnermullu Allaffimmi, assigiinngitsunik suliassaqarfiusuni pisortanngussaatit.
Pisiortortarnermut Allaffik ASA-mi inissisimavoq. Immikkoortortaqarfik Namminersorlutik Oqartussat tamarmiusut sinnerlugit pisiortortarnermik ingerlatsisuullunilu ineriartortitsisuuvoq, qulakkeertussaallugulu pisiortortarneq pillugu isumaqatigiissutit pilerinartut anguniarlugit Namminersorlutik Oqartussani amerlassutsit tamarmiusut atorsinnaallugit sunniuteqarluartumik pisiortortarnissaq.
Ineqartitsigallartarnermut allaffimmit Nuummi inissaagallartinneqartut 50-it missaanniittut aqunneqarput, sulisullu inissaannik innersuussisarneq kiisalu suliassaqarfimmi immikkoortortanik siunnersuisarneq ingerlattarlugu.
Allaffiit Aningaasaqarnermut Sulisoqarnermullu Aqutsisoqarfimmi Ingerlatsinermut aserfallatsaaliinermullu immikkoortortaqarfimmut ilaapput. Suliffik soqutiginartoq inussiarnersumik suleqatigiiffiusoq persuarsiorpalunngitsorlu neqeroorutigisinnaavarput aammalu assigiinngitsorpassuarnik sulialik.
Suleqatigiinni ilaassaatit, matumanilu sulianik isumaginnilluartarneq kiisalu suleqatit pimoorussisut, isumagissaartut sullisserusuttullu pingaartippagut. Allaffik mikisuuvoq, tassanilu suliassat amerlapput ikioqatigiillutalu sulisarluta. Aammattaaq illumi allaffiit allat qanimut suleqatigisarpavut taannalu aqqutigalugu isumasioqatigiilluarnissaq qitiutinneqartarpoq.
Ilinniakkat misilittakkatillu
Illit inatsisilerinerup tungaatigut kandidatitut ilinniarsimasoq aammalu/imaluunniit aningaasalerinerup tungaatigut tunuliaqutaqartuusutit (ass. cand.merc.jur, cand.jur, cand.merc, cand.scient.pol. imaluunniit kandidatitut ilinniagaq alla attuumassusilik) ajornanngippallu pisortatigut neqerooruteqarnermi misilittagaqareersimasinnaasutit ujartorpatsigit. Toqqagassat allanik ilinniarnerup tungaatigut tunuliaqutallit atassutilinnik misilittagaqareersut, aammalu ilinniakkaminnik naammassinnerlaat naleqquttumik piginnaasallit aamma isiginiarneqarput
Allaffimmi sulisunik aqutsineq suliassatigullu aaqqissuussisarneq pingaarnertut suliassaraatit. Pitsaassutsip qaffassarneqarnerani aamma immikkoortortanik tamakkiisumik nakkutiginninnermi suliatigullu tapersersuinermi qitiusumik inissisimassaatit.
Pisiortortarnermut Ineqartitsigallartarnermullu Allaffik tallimanik sulisoqarpoq. Allaffimmi pisortaq Immikkoortortaqarfiup pisortaanut nalunaartartussaavoq.
Aningaasaqarnermut Sulisoqarnermullu Aqutsisoqarfimmi allaffinni immikkoortortanilu pisortat allat qanimut suleqatigilissavatit oqaloqatigisalissallugillu.
Ilinnut neqeroorutigisinnaasavut:
• Suliaqarfik soqutiginarluni unamminartoq
• Suleqatit pitsaasut
• Suleqatit pikkorissut aallussilluartullu
• Suliassatigut ilisimannilluarfiusoq qaffasissumillu akisussaaffeqarfiusoq
• Akisussaassuseqartumik kiffaanngissuseqarneq
Kalaallisut oqalussinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassaaq piumasaqaataananili
Ulloq atorfiniffissaq: 1. April 2025 isumaqatigiissuteqarnikkulluunniit
Paasissutissat sukumiinerusut:
Apeqqutissaqaruit tikilluaqquneqarputit attavigissallugu immikkoortortaqarfimmi pisortaq Susie Kristiansen mailikkut susi@nanoq.gl imaluunniit oqarasuaatikkut +299 34 58 02.
ASA pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. Maannakkut ASA 110-t missaannik sulisoqarpoq ilaatigut naatsorsuutit saqqummiunneqartarnerannut, pisiortornermi, isumaqatiginninniarnernut tunngasunut, aningaasarsiaqarnermut sulisoqarnermullu politikimut, nutserisoqarnermut kiisalu illuutit ingerlanneqarnerannut akisussaasuulluni.
ASA-mi anguniagaq tassaavoq isumalluutinik Kalaallit Nunaanni inuiaqatigiit ineriartortinnerinut atorneqarsinnaanngortitsinissaq.
ASA-mi makku ataqqineqaatsitut ilisarnaatigerusuppavut:
• Ataatsimut isiginnilluni aaqqiissuteqartarneq
• Pisariunngitsumik aaqqiissuteqartarneq
• Tatiginnilersitsineq
Akissarsiat atorfeqartitaanermilu atugassarititaasut:
Atorfik akissarsiat sinaakkutaannut 36-mut massakkut akissaateqartinneqarpoq/ aalajangersimasumik akissaateqartinneqarpoq.
Akissarsiat sinaakkutaannut 36-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2022-mi qaammammut 50.291 Kr-niupput ukiumullu 603.492 kr-niullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimallugu aaparisaanut / inooqatigisaanulluunniit aamma atuupput.
Aallaaviusumik sapaatip akunnerani suliffiuvoq akunnerit 40-t, suliartoqquneqaratarsinnaanermut ukiumoortumut akunnerit 320-upput, qaammatinullu pingasunut avillugit 80-it, taamaattoq ulloq sulinngiffiusussaasoq annaagaani ajunngitsorsiassaqarfiunngilaq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.