Inatsisitigut Siunnersuisarfik Namminersortitaq IKIU marlunnik oqaasilimmik (kalaallisut/danskisut) Allattoqarfimmi pisortassarsiorpoq
Inatsisitigut Siunnersuisarfik Namminersortitaq IKIU allattoqarfimmi pisortassamik marlunnik oqaasilimmik (kalaallisut/danskisut) ingerlaannaq sulilersinnaasumik. IKIU-p Kalaallit Nunaanni akeqanngitsumik sullinneqarnissamut piumasaqaatinik naammassinnittunut tamanut akeqanngitsumik inatsisitigut siunnersuisarneq siunertaraa.
IKIU tunngaviusumik siulersuisunit suliamut attuumassuteqanngitsunit aqunneqarpoq, kiisalu ulluinnarni aqutsineq allattoqarfimmi pisortamit isumagineqarluni. Inatsisitigut siunnersuisartut sulisorineqarput, taakkulu tamarmik inatsisilerituutut aamma eqqartuussissuserisunut fuldmægtigitut / eqqartuussissuserisutut ilinniarsimasuupput.
Atorfik pillugu:
IKIU-p siulersuisuini siulittaasoq qullersarisassat suleqatigalugu suliassatit pingaarnerit tassaassapput, Kalaallit Nunaat tamakkerlugu saaffiugiuminartunngortinnissaa. Suliaqarnerup ilagaa aalajaatsuuneq aammattaaq illit nammineerlutit IKIU ineriartortinnissaanut periarfissaqarluarputit. Suliassat makkuupput:
- Aqutsineq pilersaarusiornerlu
- Nammineerluni takkulluni, oqarasuaatikkut e-mail-ikkullu saaffiginnissutinik suliaqarneq
- Sulianik nalunaarsuineq
- Naatsorsuuserinermi nalunaarsuisarneq missingersuusiornerlu
- Sullitat saaffiginnissutaannik kalaallisuumiit danskisuumut nutserisarneq
- Nuna tamakkerlugu siunnersuilluni angalaneq
Atorfiup inuttalerneqarnerani uku pingaartinneqassapput:
- Tulluarsaanissamut nutarsaanissamullu piumassuseqarneq
- Allakkatigut oqaluinnarnikkullu kalaallit danskillu oqaasiinut piginnaasaqarneq
- Ajornanngippat siunnersuinermi ilitsersuinermilu misilittagaqarneq
- Ajornanngippat pisortat aammalu ajornanngippat eqqartuussiveqarfiup sullisseriaasiinik ilisimasaqarneq
- • IKIU-p nittartagaanik nutarterisarnermut ilinniarnissamut ammasuuneq
- • Nammineerluni aalajangiisinnaanermut piginnaaneqarneq
- • Kiffartuussinissamik ineriartornissamillu ilisimaarinninneq
- • IT-mik ilisimasaqarluarneq
Akissarsiat atorfininnermilu atugassarititaasut:
Namminersorlutik Oqartussat aamma Atorfillit Kattuffiata akornanni isumaqatigiissut tunngavigalugu immikkut isumaqatigiissuteqarnikkut atorfinitsitsisoqassaaq.
Paasissutissat annertunerusut IKIU-mi Siulersuiuni siulittaasoq, Thor Suhr telefon 58 01 00-mut sianerfigalugu imaluunniit e-mailikkut uunga ts@nuna-law.gl
Qinnuteqaat uunga nassiunneqassaaq: Uku qinnuteqaammut ilanngullugit
nassiunneqassapput:
Siulersuisuni siulittaasoq Thor Suhr Ilinniakkamut uppernarsaat, CV ajornanngippallu
Inatsisitigut siunnersuisarfik Namminersortuutitaq IKIU oqaaseqaatit.
E-mailikkut: ts@nuna-law.gl
Atorfinitsitsiniarnermut oqaloqateqarnerit ataavartumik ingerlanneqassapput, kaammattuutigaarput soqutiginnittut tamarmik qinnuteqarnissaanut.