Inatsisileritooq peqqissutsimut tunngallugu inatsisilerinermik soqutigisalik
Inatsisilerinermi ajornartorsiutit pillugit politikikkut allaffissornikkullu siunnersuisarnerit kiffartuussisarnerillu soqutigisaraagit? Ulluinnarni allanngorarfiusumik sulinissamut sulianullu tunngasutigut unammillernartulik inuttullu ineriartornissamut periarfissalik sapiuffiginngiliuk? Tusagassiutinit annertuumik malinnaaffigineqartumi sulissallutit iluarisimaarsinnaassaviuk? Taamaassimappat atorfik una ilinnut tulluartuuvoq.
Naalakkersuisoqarfimmi inatsisilerinermut immikkoortortaqarfik nutaamik inatsisiliortussamik, inatsiseqarnikkut suliassanik isumaginnittussamik inatsisitigullu ajornartorsiutinik iluarsiisartussamik inatsisilerituussarsiorpoq. Apeqqutinut peqqinnissamut attuumassuteqartut pillugit peqqinnissakkut allaffissornikkullu suliaqartartunik suleqateqalissaatit.
Uagut pilluta
Peqqissutsimut tunngasuni Peqqinnissamut Naalakkersuisoqarfik qullersaalluni oqartussaasuuvoq. Pingaarnertut suliassarput tassaavoq nunarput tamakkerlugu innuttaasut peqqissusaannik iluaqusiisussanik peqqissutsimut tunngasutigut suliniutit ineriartortinneqarnissaannut tunngatillugu Naalakkersuisut (Kalaallit Nunaanni naalakkersuisut) aalajangiinissaannut pitsaasumik tunngavissinneqarnissaannik qulakkeerinninnissaq. Suleqatigiit tamatigoortut 22-iuvugut, tassaalluta inatsisilerituut, peqqinnissamut sulianut tunngasutigut siunnersortit, oqalutsi, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinitsinni inissaqartitsisumik persuarsiunngitsumillu avatangiiseqarpugut ulluinnarni sulisarnernik aaqqissuussinissamut periarfissaqarluarpoq. Kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiinissamut periarfissiisumik kultureqarpugut.
Nalinginnaasumik Naalakkersuisoqarfik tusagassiutinit, najukkami aviisinit tusagassiuutinillu annertuumik malinnaaffigineqarpoq. Taamaammat suliffimmi innuttaasunit aamma politikerinit eqqumaffigineqartumi sulinissannut piareersimassaatit.
Peqqissutsimut tunngasutigut soqutiginnikkuit misilittagaqaruilluunniit iluaqutaangaassaaq. Nutaanik ilikkagaqarnissamut alapernaatsuunerit suleqatiginnikkusuttuunerillu pingaarnerpaapput.
Inatsisilerinermut immikkoortortaqarfik ukuninnga inuttaqarpoq: inatsisilerituut marluk oqartussaqarfik suliassallu pillugit ilisimasaqarluartut misilittagaqarluartullu. Immikkoortortaqarfimmi inatsisilerinermut tunngatillug ajornartorsiutit soqutiginartut pillugit suleqatigiilluarneq siunersiuinissarlu pingaartippavut.
Inatsisilerituutut makkuninnga suliaqartassaatit:
- Naalakkersuisumik sullissisarneq,
- Peqqinnissamut tunngasutigut inatsisiliornernik piareersaasarnerit suliarinnittarnerillu,
- Peqqinnissaqarfimmi inatsisitigut aaqqiissutissat periarfissallu tungaatigut ineriartornermik tapersersuisarnerit,
- Suliffeqarfimmi namminermi taassumalu avataani inatsisilerituutut siunnersuisarneq,
- Akissuteqaasiortarnerit, naalakkersuinikkut akissuteqaasiortarnerit nassuiaasiortarnerillu,
- Nuna tamakkerlugu nunanilu tamalaani oqartussaqarfinnik arlalinnik suleqateqarnerit
- Aqutsisunik inatsisitigut siunnersuisarneq ilitsersuisarnerlu, kiisalu
- Nakkutilliinermi suliassat.
Naatsorsuutigaarput illit:
- Cand.jur.-itut ilinniarsimasuusutit.
- Peqqissaartuusutit sulerusussuseqarluartutillu, aamma ulapaarfimmi.
- Suliassaqarfiit assigiinngitsut akornanni suliniutitut isikkulinnik suliaqarsinnaassasutit.
- Nammineerlutit suleqatigiinnilu sulisinnaassuseqarluartutit.
- Suliassanik iluarsiiniarnermi aaqqissuussaasumik suleriaaseqartutit, pitsaassutsinik ilisimaarinnilluartuusutit akisussaassuseqarluartumillu takutitsisinnaassuseqartutit.
- Tamatuma saniatigut politikkikkut aqunneqartumi inatsisilerituutut sulinermik misilittagaqaruit iluaqutaassaaq.
Uagut neqeroorutigaavut:
- Piginnaasanik ineriartortitsineq, Nunani Avannarlerni Ministerit Siunnersuisoqatigiivisa paarlaasseqatigiittarnermut aaqqissuussinera aqqutigalugu nunani avannarlerni paarlaasseqatigiinnissamut periarfissaqarpoq
- Nammineq suliassat aaqqissuunnissaannut periarfissaqarluarpoq
- Kalaallit Nunaanni Peqqinnissaqarfimmik allanngueqataanissamut periarfissaqarpoq
- Danskit ministeriaqarfiinik naalakkersuisoqarfiullu ataani aqutsisoqarfinnik qanimut suleqateqarneq
- Sulinermi avatangiisit isumassarsiorfiulluartut, suliassaqarfiit assigiinngitsut akornanni suliaqarfiusumi nutaaliorfiusumilu pikkorissunik tunniusimasunillu suleqateqarneq
Qinnuteqartoq eqqortunik piginnaasaqarpat, atorfik immikkut ittumik siunnersortitut imaluunniit siunnersortit pisortaattut inuttalerneqarsinnaavoq.
Suliffissarsiortunik ingerlaavartumik oqaloqatiginnittoqarumaarpoq, taamaalilluni qinnuteqarfissaq qaangiunniariartoq inuk toqqarneqartoq akissutisiumaarluni.
Atorfimmik inuttassarsiuineq pillugu apeqqutissaqaruit attavigisinnaavat Managing Partner Jan Mørch Pedersen jan@jobs.gl-imut imaluunniit oqarasuaatikkut +299 538 708/+45 5431 0600-imut.
Atortimmik saqqummiussinermut tunngatillugu apeqqutissaqaruit imaluunniit Naalakkersuisut sullinnissaannut alapernaakkuit immikkoortortaqarfimmi pisortaq Martin Pedersenimut oqarasuaat +299 34 66 18-imut sianernissannut tikilluaqqusaavutit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job