Inatsisileritooq Naalagaaffinngornissamut immikkoortortaqarfimmut
Inatsisileritooq Naalagaaffinngornissamut immikkoortortaqarfimmut
Inatsit Tunngaviusussaq nunattalu naalagaaffinngornissaa pillugit suliaqarusukkuit aamma naalagaaffinngornissarput pillugu pitsaanerpaamik piareersarniarlugu inatsisilerinermut qulaajaallutillu piareersaasiorusukkuit, taava imaassinnaavoq illit immikkoortortaqarfitsinni suleqatigileritsigit.
Suliassatit
Naalagaaffinngornissamut inatsisilerinermi suliassat assigiinngitsorpassuupput: Inuiaat inatsisaat, naalagaaffiit inatsisaat, naalagaaffiit namminersortut akornanni suleqatigeeriaatsitigut misilittakkat pillugit nunanit allanit paasissutissanik pissarsiniarneq il.il. Taamaammat inatsisilerinermi sulisutut tamatigoortunik suliaqarnissat aammalu Namminersorlutik Oqartussani soqutigisaqaqatinillu qanimut suleqateqarnissat naatsorsuutigissavat. Suliassatit makkuupput:
• Naalakkersuisoqarfimmi qullersanik suleqateqarlutit inatsisilerinerup tungaatigut qinikkanut siunnersuineq
• oqaaseqaatinik, Naalakkersuisuni aalajangigassanik allagaqaasiorneq, Inatsisartut ataatsimiinnerisa nalaanni Inatsisartut nalunaarusiassaannik, inatsisissaannik, nassuiaatissaannik, akissutissanik il.il. siunnersuusiorneq
• allaffissornermi inatsisitigut suleqatinut ilitsersuineq
• Naalagaaffinngornissaq il.il. pillugit pisortaqarfinnik allanik suleqateqarneq.
Piginnaasatit
Cand. jur.-itut ilinniagaqarpugit, politikkikkut suliffeqarfiusumi misilittagaqarsinnaallutit.
Aamma naatsorsuutigaarput illit:
• Kalaallit Nunaanni politikikkikkut ineriartorneq, oqaluttuarisaaneq kiisalu piorsarsimassuseq ilisimasaqarfigilluaritit
• kalaallisut, qallunaatut aamma tuluttut piginnaasaqarluartutit
• aaqqissuussaasumik misissueqqissaarillutillu sulisinnaasutit
• allattariarsornikkut piginnaasaqarluartutit
• sammisassanik suliassanillu assigiinngisitaartunik suliaqarneq nuannarigit
• suliassat tungaatigut tunniussinissamut killissarititaasunik malinnissinnaasutit.
Neqeroorutigaagut
• suliassaqarfiup ineriartortup iluani atorfik pissanganartoq politikkikkullu eqqummaariffigineqartoq
• suleqatigissaarluni suliffik ulapaarfiusoq aammali ilumoorsaarpallaarani oqaloqatigiiffiusinnaasoq
• suliassaqarfitsigut akimmiffeqartilluni aamma suleqatigiissinnaassuseqarluni angusaqarluarsinnaanermik naatsorsuuteqarneq
• suliffeqarfik avatangiisitigut tarnikkullu atugarissaarfiusoq.
Naalagaaffinngornissamut immikkoortortaqarfik
Naalagaaffinngornissamut immikkoortortaqarfimmi Namminersorneq pillugu inatsit aamma Inatsit Tunngaviusussaq pillugu Isumalioqatigiissitat isumaliutissiissutaat suliassatut ukkatarineqarput.
Kalaallit Nunaata namminiilivinnissaa aamma Inatsit Tunngaviusussamut missingiut inuiaqatigiinni ukiorpaalunni oqallisaasimapput, kingullertigullu Namminersorneq pillugu inatsimmi § 21 naapertorlugu Kaalaallit Nunaata namminiilivinnissaanut periarfissat nalunaarusiarineqarnissaat Inatsisartut Inatsisinut Ataatsimiititaaliaannit Naalakkersuisunut peqqussutigineqarpoq. Taamaammat inuiaat inatsisaat aamma inatsisit tunngaviusut pillugit apeqqutit immikkoortortaqarfiup suliassaqarfiani qulaajagassaapput. Taamaattumillu aamma inatsiseqarnerup tungaatigut suliaqarluarsinnaasumik immikkoortortaqarfimmi atorfinitsitsinissaq pingaartinneqarpoq.
Inatsit Tunngaviusussaq pillugu Isumalioqatigiissitat Inatsit Tunngaviusussaq pillugu missingiutaat immikkoortortaqarfimmi suliatigut ukkatarineqarpoq, ilaatigullu innuttaasut, qinikkat soqutigisaqaqatigiillu Inatsit Tunngaviusussaq pillugu isummersortillugillu akuutinniarneqassapput.
Naalagaaffinngornissamut immikkoortortaqarfik Naalagaaffinngornissamut Nunanullu allanut Naalakkersuisoqarfiup ataani inissisimaavoq. Naalakkersuisoqarfimmiipput Naalagaaffinngornissamut immikkoortortaqarfik, Ilisimatusarnermut Ingerlatsivik aamma Nunanut allanut immikkoortortaqarfik katillugit 30-nik tunniusimasunik aammali ilumoorsaarpallaarani oqaloqatigiissinnaasunik sulisoqartoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat allat
Atorfik pillugu paasisaqarnerorusukkuit immikkoortortaqarfimmi pisortaq Káte Hansen attavigisinnaavat, oqarasuaat +299 34 51 26 imaluunniit khan@nanoq.gl
2024-mi decembarip 1-ani imaluunniit isumaqatigiissuteqarneq naapertorlugu atorfinittoqassaaq. 2024-mi oktobarip 23-at qinnuteqaasiornissamut killeqarpoq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job