Inatsisartut Allattoqarfiata naatsorsuuserivianut allaffimmi fuldmægtigimik pissarsiorpugut
Inatsisartut Allattoqarfiata aningaasaqarnermut immikkoortortaanut allaffimmi fuldmægtigimik sapinngisamik piaartumik pissarsiorpugut.
Inatsisartut Allattoqarfiata aningaasaqarnermut immikkoortortaani ulluinnarni allaffimmi naatsorsuuserinermilu suliassanik isumaginnittussamik allaffimmi fuldmægtigimik nutaamik pissarsiorpugut. Atorfiup ulloq 15. januar 2025-mi inuttalerneqarnissaa kissaatigineqarpoq.
Qinnuteqarfissaq ulloq 5. januar 2025-mut killeqarpoq.
Aningaasaqarnermut immikkoortortami suliassat tassaapput:
- IRIS-imi kontulersuineq naatsorsuutinullu ilanngussuineq
- Inatsisartunut aningaasaliissutinik oqimaaqatigiissitsisarneq
- Aningaaserivinni kontunik naatsorsuuserineq naligiissitsisarnerlu
- Akiligassalinnik akiitsulinnillu pilersitsisarneq
- IRIS-imit aningaasanik tunniussisarnerit nuussisarnerillu
- Angalanernut ullormusianullu atatillugu naatsorsuinerit
- Akiligassiissusiornerit PM-imullu inissitsiterinerit
- Ataatsimiititaliat kontuinik naatsorsuusiortarneq
- Ullut 14-ikkaarlugit akissarsiat
- Akileraaruseriffimmut nalunaarutiginninnerit
- Pequtit allattorsimaffiannik aserfallatsaaliineq nutarterisarnerlu
- Ineqarnermut akiliutinik qulakkeerinninneq
- Suliassat ulluinnarni takkussinnaasut assigiinngitsut
Naatsorsuutigaarput:
- Naatsorsuuserinermik allaffimmiutut ilinniagaqarsimasutit
- Qarasaasiaqarnikkut periaatsinik ilisimasaqarluassasutit
- IRIS-imi naatsorsuusereriaatsimik PRISME-mi WEBTAS-imilu aqutsisunut paasissutissiisarnermik ulluinnarni atuisinnaasutit
- Suliassanik assigiinngiiaartunik ullormiit ullormut allanngorarsinnaasunik suliaqarnissamik nuannarisaqartutit
- Pitsaasunik piginnaasaqarneq suliassallu suliarineranni eqaatsumik suleriaaseqarnissamik piumasaqaammik paasinnittuusutit
- Aalajaatsuuneq, eqaatsumik suleriaaseqarneq suliassanillu sukumiisumik suliarinnissinnaassuseqartutit
- Oqaatsitigut kalaallisut danskisullu piginnaasaqartutit
Inatsisartoqarfik 31-nik sulisoqarpoq immikkoortortaqarfinnut tallimanut agguarneqarsimasunut. Immikkoortortami inissinneqarfimmi suliassanik annertuumik namminersorsinnaanissaq akisussaassuseqarnissarlu naatsorsuutigineqarput. Aningaasaqarnermut immikkoortortaqarfimmi sulisut pingasuupput, taakkulu suleqatigilissavatit Inatsisartoqarfimmi aningaasanik aqutsinermik suleqatigalugit. Suleqatinik ikiuillaqqissuseqarnissaq immikkut pingaartipparput.
Neqeroorutigaavut:
- Sulisilluni avatangiisit pitsaasut pissanganartullu
- Sulinermi atugassarititaasut orniginartut
- Suliassat pissanganartut
- Suleqatit pikkorissut tunniusimasullu.
Atorfeqarnermi atugassarititaasut:
Akissarsiat piginnaasat, misilittakkat isumaqatigiissutillu malillugit. Sapaatit akunneranut nal. ak. 40 suliffiupput. Atorfimmut atatillugu inissaqartitsisoqarsinnaavoq.
Paasissutissat sukumiinerusut aningaasaqarnermut immikkoortortami allaffimmi fuldmægtigimut Charlotte Kreutzmann - oqarasuaat 346111 – email: ckrp@ina.gl imaluunniit pisortaagallartumut Elly Hauge Pedersenimut - oqarasuaat: 345354 - email: ehp@ina.gl saaffiginnilluni pissarsiarineqarsinnaapput.