Imminut toquttarnerup pinaveersaartinneranik ilaqartumik, Inuuneritta III-mik atuutilersitsinermut atatillugu erninermut atatillugu paarlattaagallartussamik piffissami killilimmi atorfimmut Isumaginninnermut Aqutsisoqarfik pissarsiorpoq.
Peqqissutsimik, pitsaaliuinermik eqqarsartaatsikkullu peqqissutsimik siuarsaanissaq sulissutigerusuppiuk? Nunalu tamakkerlugu meeqqat ilaqutaasalu inuunerannik allanngueqataarusussuseqarpit?
Isumaginninnermut Aqutsisoqarfimmi pinaveersaartitsinermut immikkoortortami Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissaqarfiullu iluini peqqinnissaanermut pinaveersaartitsinermillu suliaqartarpugut. Suliaqarnerput inuit peqqissuunissaannut pilersaarummit Inuuneritta III-mit aallaaveqarpoq, aamma peqqissunissamik siuarsaanikkut pinaveersaartitsinikkullu suliniutit najukkani innuttaasut oqaloqatiginerisigut, kissaatiginerisigut aamma najukkami suliniutit aallartitsinissamik periarfissaqarneri aallaavigalugit inerisarneqartarlutik.
Paarisami erninermut atatillugu paarlattaagallartussatut immikkoortortamut ilaalissaatit, tassani immikkoortortamut pisortaqarlunilu aqqaneq-marlunnik sulisoqarpoq.
Suliniutit immikkoortortaqarfiit immikkoortui suleqatigalugit aamma najukkani innuttaasunik oqaloqatigiinnerit aqqutigalugit inerisarneqartarput, najukkani suut kissaatigineqarnersut, pingaartinneqarnersut aamma aallartinneqarnissaminnut periarfissaqarnersut.
Atorfimmi suliassaqarfik aallussiffiusussaq tassaavoq, suliaqartut pingaarutillit peqatigalugit suleqatigiinnernik pilersitsiniarnermik ingerlatsinermillu Paarisap sulineranut ilaalernissaq. Sulinermi suliassat ingaarnertut imminut toquttarnerup pinaveersaartinneqarneranut tunnganerussapput, Qamani – Imminut toqunnissamik pinaveersaartitsineq pillugu periusissamut 2023-2028 atatillugu atuutilersitsiniarnissamut piviusunngortitsinissaq, kisianni taamatuttaaq Paarisap pingaarnertut suliassaasa ataanni suliassaqarfinni allani suliniutinik peqartarumaarpoq.
Naatsorsuutigaarput, illit makkuninnga pisinnaasaqarlutillu piginnaasaqassasutit:
Kandidatitut qaffasissusilimmik naleqquttumik ilisimatusarsimassasutit
Allallutit paasititsillaqqissuusutit.
Atuutilersitsiniarluni suliaqarnermik misilittagaqartutit.
Ilinniagaq aallaavigalugu suleqatigiit aamma immikkoortortat immikkoortuisa oqaloqatigiinnerannik pilersitsisinnaasutit aamma suleqatigiinneq aqqutigalugu angusaqarsinnaasutit.
Suliniutinik ineriartortitsinermillu suliaqarnermik misilittagaqartutit.
Inussiarnersuusutit, alapernaatsuullutit ammasuullutillu.
Inuiaqatigiinnik kalaallinik aamma kalaallit kulturiannik ilisimasaqarluartutit.
Marluinnik oqaaseqartuusutit, kalaallisut danskisullu - piumasaqaataanngilarli
Illit suliassatit ilaatigut makkuussapput:
Suliaqarfimmi suleqatit pingasut suleqatigalugit imminut toquttarnerup pinaveersaartinneranut Qamani-periuseq suleriutsini, suliniutinik nutaanik atuutilersitsineq.
Suliaqarfimmi suliniutit nutaat inerisarneqarnerini innuttaasunik peqataatitsinissap qulakkeernera.
Suliaqarfimmi suliniutit pilersinneqareersut aallartinneqareersullu ingerlaannarlutik malinnaavigineri, pisariaqartitsisoqarneranilu taakku naleqqussarneri.
Imminnut toquttarnerup pinaveersaartinneranut suliassaqarfimmi kommunit, peqqinnissaqarfik, politiit, ilinniarfeqarfiit aamma oqartussat allat oqaloqatigineqarnerannik pilersitsineq suleqateqarnerlu.
Suliaqarfimmi suliamut attuumassutilimmik ilisimasanik pissarsiorneq katersinerlu.
Ilinnut makkua neqeroorutigisinnaavavut:
Immikkoortortaqarfimmut, ingerlaavartumik ineriartortuartumut ilaalissaatit
Suleqatigiit tunniusimasut aamma suliaminnut pikkorilluartut isumasioqatigisinnaasatillu suleqatigilissavatit
Suliffeqarfik kiffaanngissuseqarfiuvoq sulisullu pitsaasunik atugaqarnissaannik pingaartitsisuuvoq
Atorfik suliatigut inuttullu ineriartornissamut periarfissagissaartoq
Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisut ataanni aqutsiveqarfiuvoq arfineq-marlunnik tulleriinnik immikkoortortaqarfilik: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu inissitsiterinermullu immikkoortortaqarfik, Innuttaasunut immikkortortaqarfik, Meeqqat ineriartornerannut immikkoortortaqarfik aamma Allattoqarfik.
Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.
Akissarsianut atorfininnermilu pissutsit
Atorfik ullu naallugu, erninermut atatillugu paarlattaagallartussatut, suliffiuvoq Ulloq 31.12.2025 tungaanut.
Ulloq atorfiniffissaq:
Atorfik 1. marsip 2025 imaluunniit isumaqatigiissuteqarnikkut inuttalerneqarniarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat allat
Atorfik pillugu paasissutissat sukumiinerusut pissarsiarerusukkikkit, Immikkoortortaqarfimmi pisortaq Mikkel Cuarteros-Hansen, mikch@nanoq.gl-kut attavigisinnaavat.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.