Imminut Pilersornermut Immikkoortortaqarfimmi AC-fuldmægtigi, najukkami inuussutissanik tunisassiornermik inuiaqatigiillu tunngavigalugit inuussutissarsiornikkut ineriartortitsinermik soqutigisalik
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Imminut Pilersornermut Immikkoortortaqarfimmi AC-fuldmægtigi, najukkami inuussutissanik tunisassiornermik inuiaqatigiillu tunngavigalugit inuussutissarsiornikkut ineriartortitsinermik soqutigisalik
Ulloq atorfiniffissaq: 1. novembari 2024-mi imaluunniit isumaqatigiissuteqarnikkut piaartumik atorfinitsinikkut.
Kalaallit Nunaanni imminut pilersornerunissap nukittorsarnissaanut suliaqarneq nuannaraajuk?
Suliassatit tassaapput
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Imminut Pilersornermut Immikkoortortaqarfimmi suleqataassaatit. Kalaallit Nunaanni inuussutissiornermut aaqqissuussinernut tunngatillugu imminut pilersornermi piujuartitsinermilu suliassanut nukittorsaaqataaneq pingaarnertut akisussaaffigissavat.
Atorfik assigiinngitsorpassuarnik aallaavilik pineqarpoq, aammalu immikkoortortaqarfimmi sulisut akornanni ikioqatigiittarpugut. Suleqatillu marluullusi ikioqatigiissutigisassasi tassaapput ingerlatsinermi suliassat kiisalu ineriartortitsinermut pitsanngorsaalluni suliassat ingerlasut isumaginissaat:
’Imminut pilersornerup ineriartortinnissaanut tapiissutinik’ suliarinninneq, tassunga ilaallutik qinnuteqaatinik suliarinninneq, tapiissutit pillugit isumaqatigiissutinik suliaqarneq, aningaasaqarnermik missingersuutinillu aqutsineq aammalu tapiissuteqartarnermut aaqqissuussinerup saqquminerulersinnissaa.
Innuttaasunik, tunisassiortunik, nunalerisunik, pisiniarfissuarnik pisortanilu sullissivinnik suleqateqarneq oqaloqateqartarnerlu.
Kalaallit Nunaanni nioqqutissanik pilersuinermut tunngatillugu KNI A/S-imut sullissinissamik isumaqatigiissutip isumagineqarnera.
Neqi A/S-imik suleqateqarneq, kiisalu Namminersorlutik Oqartussat ingerlatseqatigiiffimmut tassunga sullissinissamik isumaqatigiissutaata isumagineqarnera.
Naalakkersuisut Imminut pilersornermut periusissiaanni namminersorluni inuussutissarsiornermut tunngatillugu anguniakkanik anguniakkallu immikkoortuisa ilaannik aallartisaaneq naammassinninnerlu.
Imminut pilersornermut atasumik inuiaqatigiit aningaasaqarnerannut ingerlatsinermullu tunngatillugu naatsorsuinerit.
Innuttaasut saaffiginnissutaasa akissuteqarfigineri.
Attaveqaqatigiinnikkut suliniutinik, innuttaasunik ataatsimiititsinernik, paasititsiniaanernik allanillu piareersaanerit.
Tamatuma saniatigut suliassannut naalakkersuinikkut sammisat apeqqutaassapput, aammalu ingerlatsinermi ineriartortitsinermilu suliassat iluanni assigiinngitsorpassuarnut tunngasuussapput:
Naalakkersuinikkut pingaarnersiukkat anguniakkallu naammassinissaannut ikiuunneq.
Naalakkersuinikkut sulialinnut sullissineq, taakkununnga aalajangiinissamut tunngavissanik, inassuteqaatinik, § 37 naapertorlugu apeqquteqaatinut akissuteqartarnermut, tunngavissatut allakkianik il.il. suliaqartarnerit ilanngullugit.
Immikkoortortaqarfiup oqartussaaffiisa iluanni tusarniaanernut akissuteqartarnerit.
Suliassaqarfiit apeqqutaatillugu ineriartortitsinermi suliassat attuumassutillit aqunneqarnissaannut akisussaaffeqarneq, soorlu nunalerinermi suliassaqarfimmi isumaginninnermut ikiorsiisarneq.
Piginnaaneqarfiit
Imminut pilersorneq naalakkersuinikkut suliassaqarfiuvoq nutaajungaatsiartoq, taamaattumillu suleqatissatsinnik nutaaliornermik eqqarsarsinnaasumik, aammalu isumassarsianik suliniutinillu nutaanik Kalaallit Nunaanni pissutsinut naleqqussakkanik ineriartortitsinermi pilersitsisinnaanermilu ikiuussinnaasumik pissarsiorpugut. Piujuartitsineq, inuussutissarsiutitigut ineriartortitsineq kulturilu pillugit suliaqassallutit nuannarissavat suliassaqarfimmilu suliaqarsinnaaneq ilisimaarissallugu.
Suliassanut unammillernartunut kaajungerisaqartuussaatit, pisussaaffinnik naammassinnissinnaassaatit, tatiginartuussaatitpitsaasumillu isiginnittaaseqassallutit. Namminersorsinnnassuussaatit suliassanut sungiussiasoq , pisunut nutaanut pulapallassinnaasoqaaqqiissutinullu attassineqpiginnaaneqarfigissallugu.
Siulliusinnaanermut suliassallu naammassinissaannut malinnaasinnaanermut, aammalu aqutsisunut sapinngisamik pitsaanerpaamik tapertaasinnaanermut piginnaaneqarnissat pingaaruteqarpoq. Suliassat aalajangersimasumik killilerlugit naammassisassat tunngavigalugit sulisarnissat naatsorsuutigissavat, taamaattumillu suliannut ilisimaarinnittuuneq suliavillu akornanni ingerlaavartumik tulleriiaarisinnaaneq piginnaaneqarfigissavatit.
Naalakkersuisumut, innuttaasunut, tunisassiorfinnut niuertarfinnullu attaveqarneq suliassavit pingaarnerit ilagissammagit, ileqqorissaartuunissat, kiffartuussinermik ilisimaarinninnissat aammalu oqaasiliornermut attaveqaqateqarnermullu piginnaaneqarnissat pisariaqarpoq. Tamatuma saniatigut pissarsiarineqarsinnaassaatit, erngertumik iliuuseqarfigisassanik nukingiussassanik suliassaqarsinnaasarmat.
Suliassanut tunngatillugu suliat naammassisatit naalakkersuinikkut eqqumaffigineqarnerat pitsaasutut isigissavat, iluaqutaassaarlu naalakkersuinikkut aaqqissuussaasumik suliaqarnermi misilittagaqarnissat. Sivisuumik sulinermik inuunermillu misilittagaqarluartunit qinnuteqaatinik tiguserusulluarsinnaavugut.
Tamatuma saniatigut naatsorsuutigaarput:
ilinniagartuutut ingerlaqqiffiusumik aningaasaqarnermut ilisimatuussutsikkut ilinniagaqarsimassasutit, inuiaqatigiit pillugit ilisimasaqassasutit aamma ajornanngippat inatsisilerinermut tunngasunik
kalaallit inuussutissalerinermi, nukissiornermi aamma/imaluunniit sanaartornermi suliassaqarfiinik ilisimasaqassasutit
naalakkersuinermi aalajangiisarnermi suliat ingerlasarnerinik paasisimaarinnissasutit misilittagaqassasutillu, ajornanngippat atorfimmit assingusumit
pisortat namminersortulluunniit aaqqissuussineranni assingusunik suliaqarnermik misilittagaqassasutit
allakkianik, isummernissamut tunngavissianik assigisaannillu – amerlanertigut piffissap sivikitsup iluani – allannissamik nuannarisaqassasutit
oqaasiliullaqqissuseqassasutit allassinnaassuseqarluassasutillu
oqaatsitigut piginnaaneqarluassasutit – ajornanngippat kalaallisut, danskisut tuluttullu
inuiaqatigiit kalaallit aamma kulturiat pillugu ilisimasaqassasutit
suliffeqarfimmut arlalinnik kultureqarfiusumut paasinnittuussasutit
namminersorlutit sulisinnaassasutit nammineerlutillu suliniuteqarsinnaassasutit
suliassanik aaqqiinissamut akisussaaffimmik misigisimaninnik sakkortuumik takutitsisinnaassasutit
ulluinnaat ulapaarfiusut, taarseraattunik sammisaqarfiusut suliassaqarfiusullu nuannarissagitit
aaqqissuussamik sulisassasutit aammalu killiliussat malinnissaannut qulakkeerinissamut piginnaaneqarluassasutit
angusaqarnissamut piginnaaneqarluassasutit
isumalluartuussasutit aamma suliffiup nuannersumik silaannaqarnissaanut akuussasutit
inuit assigiinngitsorpassuit assigiinngitsunillu suliallit suleqatigisinnaassagitit
Kikkuuvugut?
Suliffeqarfimmut nuannersunik suleqateqarfiusumut, persuarsiornanngitsumik pissusilersorfiusumut aammalu toqqissisimanissamik ineriartornissamillu pingaartitsiviusumut ilaalissaatit. Naalakkersuisoqarfimmi sulisut 45-t missaanniipput, taakkulu immikkoortortaqarfinnut sisamanut agguarsimapput (Imminut Pilersornermut, Aningaasaqarnermut Sulisoqarnermullu Immikkoortortaqarfik, Pinngortitamut Immikkoortortaqarfik, Avatangiisinut Upalungaarsimanermullu Immikkoortortaqarfik aamma Nunalerinermut, Nukissiutinut Silallu Pissusianut Immikkoortortaqarfik). Aamma Aatsitassaqarnermi Avatangiisinut Aqutsisoqarfik, Pinngortitaleriffik, Asiaq, Nukissiorfiit aamma KNI Naalakkersuisoqarfimmut immikkoortortaqarfittut inissisimapput.
Annertunerusunik paasisaqarusuppit?
Atorfik pillugu paasissutissanik annertunerusunik pissarserusukkuit, immikkoortortaqarfimmi pisortaq Paninnguaq Kristiansen, oqarasuaatikkut +299 34 54 16-imut, e-mailikkut pcni@nanoq.gl-imut saaffigalugu pissarsisinnaavutit.
Qinnuteqaat
Qinnuteqaat, CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput. E-mailikkut qinnuteqaatinik tigusineq ajorpugut.
Qinnuteqarnissamut killigititaq: 23. oktobari 2024
Qinnuteqartunik oqaloqateqarnerit ingerlaavartumik ingerlanneqassapput.
Naalakkersuisut pillugit
Unammillernartunik ujartuiguit aammalu sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.
Annertuumik akisussaassuseqarnissat aammalu suliatigut piginnaaneqarnissamik pingaartitsinissat, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnaat ilusilersornissaannut piginnaaneqarnissat sulianillu paasisimaarinnittuunissat pingaartipparput.
Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffissuup Naalakkersuisut naalakkersuinikkut aalajangiinissamut tunngavissaqarluarnissaannik, kiisalu naalakkersuinikkut aalajangiinerit piviusunngortinneqarnissaannik qulakkeerinissaq suliassaraa.
Namminersorlutik Oqartussat pillugit annertunerusumik uani atuarsinnaavatit: https://naalakkersuisut.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq