Immikkut siunnersorti Nalunaarasuartaateqarnermi Aqutsisuni Radioqarnermi aamma nalunaarasuartaateqarnermi ineriartorneq qularnaassallugu ilaarusuppit?

Nalunaarsuartaateqarnermi Aqutsisut teknikkimi jura-milu immikkoortortaqarfimmi immikkut siunnersortissarsiorput, nalunaarasuartaateqarnermi aamma radioqarnermi ineriartortitsinermi qularnaarseqataasussamik.

Nalunaarasuartaateqarnermi Aqutsisut pisortani oqartussaavoq, nalunaarasuartaateqarnermi radioqarnermilu inatsisit malinneqarnissaannik qularnaarisuulluni. Nalunaarsuartaateqarnermi Aqutsisut sammisap iluani suliani nalunngisanik ilanngussisarpoq, frekevensinik atuilluarnissaq pitsaasoq isumagisarpaa, aammalu navianartorsiornerni annaassiniarnernilu immami nunamilu ilaaffigisarpai.

Nalunaarasuartaateqarnermi Aqutsisut isumagisassaai makkuupput:

• Pitsaanerpaamik siunnersuinissaq, aammalu tunngaviatigut pissutsit innutaasunut suliffinnut pisortanullu isumannaassallugit
• Frekvensinik atuilluarnissaq pitsaasoq isumannaassallugu, sammisamik pitsaasumik suliaqarnikkut aammalu nakkutilliinikkut. Tamanna pisariaqarpoq frekevensinik akornusersuineq nuna tamakkerlugu pinaveersaartitsinikkut.
• Qularnaassallugu radiukkut atortut iluamik nalunaarsussallugit, navianartorsiornermi annaassiniarnernilu atortakkat.
• Qularnaassallugu atuisut radiukkut atortunut periaatsinullu qaffasissumik sapinngisaqarnissaat, Nalunaarasuartaateqarnermi Aqutsisut radiukkut atuisinnaanermik akuersissutinik tunniussigaangata

Nalunaarsuartaateqarnermi Aqutsisut marlunnik immikkoortortaqarput, tassalu ingerlatsineq aamma aningaasanik aqutsineq, aammalu teknik juramullu tunngasut. Teknikkimut juramullu immikkoortortaqarfik nalunaarasuartaateqarnermi inatsisip malinneqarnissaa, aammalu nalunaarasuartaateqarnermi akuersissutit nakkutigai, aammalu frekvensinik atuilluaanissaq pitsaasumillu atuinissaq qularnaartarpaa, tamakkulu nakkutigisarlugit.

Atorfiup nassuiaataa

Attaveqaqatigiinnermut Aqutsisoqarfiup frekvensplanimik ataqatigiissaarisinnaasumik suliaqarnissaq aallartittariaqarpaa, taanna atuisunut, suliffeqarfinnut oqartussanullu allanut frekvensit ataasiakkaat pillugit maleruagassanik paasissutissiissaaq kiisalu akuersissutinik tunniunneqarsimasunik nassuiaateqassaaq.

Tamatuma saniatigut immikkut ilisimasalittut siunnersortip suleqatini peqatigalugit akuersissutit ukununnga frekvensinik qinnuteqaatit suliarisariaqarpai: Timmisartuussinermik sullissineq, Aallakaatitsinermik sullissineq, Fast sullissineq, Nunap iluani mobilimik sullissineq, Imaatigut sullissineq: radiocertifikatit, Mobilimik sullissineq, Radiomik sumiiffimmik aalajangersaaneq aamma Ilisimatusarnermik sullissineq.

Immikkut ilisimasalittut siunnersortip aamma naatsorsuutigisinnaavaa telemik sullissisunit kisitsisit atorlugit atortussanik katersuiniarnermut aningaasaliissuteqartariaqalerluni, tamannalu ilisimasanut iluaqutaasumut allanngortinniarlugu.

Taamaattumik suliamik nukittuumik suleqatissarsiorpugut, suliamik eqqortumik suliarinninnermik kiisalu telemik sullissisunit paasissutissanik katersuinermik suliarinninnermillu qulakkeerisinnaasumik.

Naatsorsuutigaarput

• inuiaqatigiilerinermik ilinniagaqarpoq,
• suliamik nukittuujuvoq aammalu misissueqqissaarnermik tunngaveqarpoq,
• pisortat ingerlatsivianniit akuersissutinik suliassanik suliaqarnermik misilittagaqarpoq,
• oqaatsitigut aamma oqaatsitigut attaveqaqatigiissinnaalluarpoq,
• atortussanik ajornakusoortunik ajornanngitsumik paasinartumillu tunniussisinnaavoq,
• Kalaallit Nunaanni atugassarititaasut pillugit ilisimasaqarpoq – imaatigut, timmisartuussinermi, fast aamma mobilimik telekommunationip iluani sullissineq, aallakaatitassiorneq,
• missingersuutinik misilittagaqarluartut aamma IRIS-imi akuersissummik tunniussinermut atatillugu akileraarutinik nassiussisarneq,
• F2 aamma emply ilisimasarigit. Suliassat projektitut amerlanertigut aaqqissuunneqartassapput, tamaattumik nammineersinnaaneq pilersitsisinnaanerlu pisariaqarout.

Paasissutissat sukumiinerusut

Nalunaarasuartaateqarnermi Aqutsisoqarfik qungujunnartunik nuannarisaqarfiuvoq, suleqatinullu inussiarnisaarfiulluni, unamminartunillu sammisaqarfiulluni.

Atassuteqaqatigiinneq toqqaannartuuvoq ammasuullunilu, pingaartipparput ineriartortuassasutit.

Tusarfiginissat eriningaarput apeqqutissaqaruillu saaffigiinnassuatsigut. Atorfik pillugu annerusumik paasissutissanik pisariaqartitsiguit allaffimmi pisortaq Louise Restorff Jacobsen saaffigisinnaavat, telefon +299 346909 immaluunnit loja@nanoq.gl-ikkut

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job