Immikkoortortaqarfimmi aqutsisoq, Senior netværkitut piginnaasalik
Nunarsuarmi, minnerunngitsumillu Nunatsinni ullumikkut atortulersuutit oqarasuaatitigullu attaveqaqatigiinneq pingaarutilimmik inissisimapput, taamaattumik Tusassip kiffartuussinernik qaffasissumik pitsaassusilinnik pilersuinissaq qitiutippaa. Tamanna ukkataralugu Netværkimut immikkoortortaqarfimmi aqutsisussamik ujarlerpugut, Netværkimut immikkoortoraqarfimmi attavinnik ingerlatsinermut ineriartortitsinermullu akisussaasussamik.
Immikkoortortaqarfimmi aqutsisumut naatsorsuussat
Sulisut ingerlatsisut ulluinnarni aqutsisuuffiginissaat akisussaaffigissavat kajumissaarisuussallutillu. Ikiorsiinermik suliat pillugit aaqqiissutinut peqataasassaatit, minnerunngitsumillu Tusassimi immikkoortorttaqarfinni allani suliat attavinnut tunngasut peqataaffigisassallugit. Naatsorsuutigaarput ujartuillaqqissuunissat siulliusinnaassuseqarnissat, anguniakkallu tunniussinissamullu killissarititaasut isumaqatigiissutaareersut naammassisinnaassallugit. Aaqqissuulluakkamik suleriuseqassaatit, pitsanngorsaanissamillu anguniagaqarlutit misissuillaqqissuussallutit.
Piginnaasatit takorluukkagut:
Ingeniøritut assigisaanilluunniit, IP-mut attaviit ukkatarallugit ilinniagalik
Minnerpaamik CCNA aama CCNP Switching and routingimut ilisimasalik
Cisco platforme, pingaartumik ASR9K-mut ilisimasaqarluartoq. ASR1K.
Aqutsinermik misilittagalik immikkoortortaqarfimmilu sulisunut, ilisimasanik paarlaasseqatigiinnermik pingaartitsisunut mentori
Qulaani allassimasuni minn. ukiuni 5-10-ni misilittagalik.
IT-mut aaqqiissutit paasiuminaatsut pisariitsumik paasiuminartumillu nassuiarsinnaassavatit.
Qallunaatut tuluttullu pikkorissuussaatit. Iluaqutaassaaq kalaallisut oqalussinnaaguit.
Suleqatigiit iluini ingerlatseqatigiiffillu, inernernik iluatsitsinernillu pingaartitsisoq tamakkerlugu suleqatigiissinnaassuseq pilersissinnaassavat.
Naatsorsuutigisinnaavat
Piginnaasaqaruit unammilligassallu sapiiserfigerusukkukkit, suleqatissaqartippatsigit pitsaasunik, suliaminnut immikkut ilisimasallit, suliffeqarfik qeratavallaanngitsoq, ersarissumik periusissialik sutigullu tamatigut siumut ingerlaartoq. Inuttut suliffimmullu tunngatillugu ineriartornissamut periarfissaqarluarpoq. Atorfimmut inuttassaq eqqortoq piginnaasat naapertorlugit akissarsiaqartinneqassaaq.
Apeqqutit:
Soqutiginnikkuit paasisaqarusullutillu, Kim Hammond Zinck tlf. +299 389494.
Qinnuteqaatit oqaloqatiginninnerulli
Qinnuteqaatit, CV-t allagartallu attuumassutillit qupperneq una aqqutigalugu nassiutikkit. Tusassip qinnuteqaatit takkuttut tulleriiaarlugit suliarisassavai, qinnuteqarnissamullu killissarititaq nallertinnagu oqaloqatiginninnernik aggersaasinnaalluni.
Tusass
Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Kalaallit Nunaat tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.
Uani paasisaqarnerusinnaavutit: www.tusass.gl