Immikkoortortami pisortaq – Inatsisilerinermut immikkoortortaq
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi inatsisilerinermut immikkoortortaq misilittagalimmik pimoorussisumillu Immikkoortortami pisortassarsiorpoq.
Immikkoortortami pisortatut toqqaannartumik Naalakkersuisoqarfimmi pisortap ataaniillutit aqutsisooqatigiit akornanniissaatit.
Naalakkersuisoqarfik 35 missaani sulisoqarpoq, tassani suleqatigiissinnaaneq sulianullu pikkorissuseq qaffasissoq pingaartitarineqarluni. Ileqqorisassatut ammasunik eqaatsumillu sulisinnaaneq pingaartinneqarpoq, matumani Naalakkersuisoqarfimmi suliassanut tunngatillugu kikkut tamarmik isiginnittaatsinik nutaanik aaqqiissutissarsiornermilu nutaaliornernik tapertaaqataanissaat inissaqartinneqarpoq.
Immikkoortortaq illillu akisussaaffiit pillugit
Immikkoortortaq Naalakkersuisoqarfiup iluani kiffartuussinermik suliaqarfiuvoq, tassanilu Naalakkersuisoqarfiup pisortaanut maannamullu immikkoortortanut sisamanut suliaqarfinnut inatsisitigut suliaqarnikkut patajaallisaasuulluni, immikkoortortat sisamat tassaapput Isumaginninnermut- aamma ilaqutariinnut immikkoortortaq, Suliffeqarnermut immikkoortortaq, Nunamut Namminermut immikkoortortaq kiisalu Nakkutilliisoqarfik. Immikkoortortami pisortatut maannamut inatsisilerinermi atorfilinnut pingasuusunut inatsisitigullu suliaqarnermi ilinniartutut sulisumut akisussaasuussaatit.
Immikkoortortamut ataani taakkartorneqartunut sulianut akisussaasumut akisussaasuussaatit:
- Inatsisissatut missingiutinik suliaqarneq,
- Inatsisit atuuttut nalunaarutinik inatsisissatullu nalunaarutinik suliaraqarnikkut nalimmassaaviginissaat,
- Naalakkersuisoqarfimmi immikkoortortanut allanut inatsisitigut apeqquteqaatit qulakkeerinniffiginissaat,
- Naalakkersuisoqarfimmi immikkoortortat suliaqarfiit allat siunnersuinikkut isumasioqatigiinnikkut inatsisitigut ikorfartornissaat,
- Tusarniaanermi akissuteqaatinik suliaqarneq,
- Isumaqatigiissutinik atuutilersitsinermi isumaqatiginninniarnerillu pillugit isumasioqatigiinneq,
- Naalakkersuisoqarfiup suliassaqarfiani sukumiisumik inatsisitigut suliaqarneq,
- Suliassat allat inatsisilerinermut immikkoortortami suliassaasinnaasut.
Kinaavit?
Cand.jur.-tut ilinniarsimasuuvutit politikkimillu suliaqarfimmit aqutsinermut misilittagaqarnerit uppernarsaateqarfigalugu. Pisortani politikkikkut inatsisilerinermilu sulineq soqutigisaqarfigaat Naalakkersuisoqarfiullu suliassaqarfiani inatsisilerinermik suliaqarnissamik immikkut soqutigisaqarlutit, matumani isumaginninnermut inatsisit, sulinermut kommuunit ingerlanneqarneri, ingerlatsinissamullu inatsisit pillugit.
Pisortatut aqutsillaqqinnerit inoqatinnullu ataqqinnissuseqarnerit aallaavigalugu sulisut pikkorissut sulisitsisuuffigalugit Naalakkersuisoqarfimmi immikkoortortap ingerlanissaa isumagissavat.
Qinnuteqaat
Atorfimmut eqqortuusoriguit taava qinnuteqaatippit nassiunnissaa tunuarsimaarfigissanngilat.
Oqaloqatiginninnerit ingerlaavartumik tiguneqartassapput, taamaattorli atorfinitsitsineq pissaaq qinnuteqarfissatut killigititaasoq qaangiutereersimalerpat.
Qinnuteqarnissamut killigititaq tallimanngorneq 29. februaari 2025 nal. 23:59 kalaallit nunaata nalunaaqutaa malillugu.
Atorfininnissaq 1. apriili 2025 imaluunniit isumaqatigiissutigineqartoq malillugu.
Kingusinnerpaamik sapaatip akunnerani 9-mi oqaloqatiginninnerit tamaasa ingerlassimalernissaat naatsorsuutigaarput.
Qinnuteqaatit, CV, ilinniarnermut- aamma pikkorissarnermut uppernarsaatitit allallu atorfimmut pisariaqarsinnaasut ilanngullugit "qinnuteqaat nassiuguk” toorlugu nassiutikkit. E-mailikkut qinnuteqaatit tiguneq ajorpagut.
Paasissutissat allat
Atorfik imaluunniit Naalakkersuisoqarfik pillugu sukumiinerusumik paasisaqarusukkuit
Naalakkersuisoqarfiup pisortaa, Martha Abelsen attavigisinnaavat oqarasuaat +299 556139 imaluunniit abma@nanoq.gl. Nalunaaquttat nikinganeri eqqumaffigikkit (GL = DK – 3 tiimit).
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.
Apriilip aallaqqaataani 2022-mi LR 38-mi akissarsiat isumaqatigiissutigineqartut tapit aalajangersimasut ilanngullugit qaammammut 56.910 koruuniupput ukiumoortumillu 682.930 koruuniullutik. Pisortat pillugit isumaqatigiissut nutaaq isumaqatigiinniutigineqarpoq qanittumilu naammassineqartussatut naatsorsuutigineqarluni.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartorlu tjenestemanditut atorfeqareersimaguni Nunatsinni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job