Immikkoortortami aqutsisut Angerlarsimaffik Ivaneq
Immikkoortortami Aqutsisut marluk Angerlarsimaffik Ivaneq
Sulilerfissaq 15. oktober 2024, isumaqatgiissuteqarnikkulli ullua nikisissinnaalluni.
Angerlarsimaffik Ivaneq Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimavoq.
Inissat amerlassusaat aamma immikkoortortaqarfiit
Imikkoortortanut arfinilinnut agguataarsimasunut 34-inut inissaqarpoq. Ukioqatigiiaat 0-17 inut ukiulinnut inissisimavoq.
Siunertaq
Toqqissisimanartumik, angerlarsimaffippalaartumik aaqqissuussaasumillu avatangiiseqarluni patajaatsunik inissaqartitsisunillu inersimasortaqarluni meeqqat ilorrisimaarlutik ineriartorlutik ilinniartinneqarnerinik akisussaaffilinnik siunertaqarnissaq Ivaneq-rup neqeroorutigissallugu siunertaraa. Meeqqat inuit ataatsimoornerini takuneqarlutillu tusaaneqarnertik malugissavaat. Meeqqat inuit attaveqarfigisarnerini assigiinngitsunilu ataatsimoortarnerini attaveqartariaatsit ilinniarnissaat aamma siunertaapput pingaarutillit, paaqqinnittarfimmi inuuneq, atuartuuneq, sunngiffimmi inuuneq aamma ikinnguteqarneq ilinniagassaanut pingaartunut aamma ilaapput. Meeqqap angajoqqaaminnut imaluunniit qanigisaminnut allanut attaveqarsinnaatitaaneri najorteqarsinnaatitaanerilu Ivaneq-rup tapersersussallugit pingaartitarai. Meeqqat ulluinnarni suliassanik unamminartunillu ilinniartinneqarnissaat aamma siunertaavoq, taamaalillutik siunissami paaqqinnittarfimmiikkunnaarunik nammineerlutik inuuneqarlutik akisussaaffimmik tigusisinnaanngortillugit sungiusarneqassapput.
Inummik perorsaariaaseq
Ivaneq-rmi akuersaarluni, attaveqartarluni attaveqaqatigiittarlunilu tunngaviusumik perorsaasoqartarpoq. Inunnik allanik naapitsisarluni inooqateqarlunilu meeraq imminut paasiartulertarpoq, imminut naleqartikkiartulersarpoq aamma imminut tatigiartulertarpoq, soorlu aamma inuit allat inooqatigalugit meeqqap akuersineq tigooqqarlugulu tunniussornissaanut ilinniartartoq. Patajaatsunik akuutitsisunik akuersaartunillu inersimasunit tunngaviusumik attaveqartarluni meeraq ilorrisimaarluni inuulertarpoq namminerlu piginnaasami misilerarsinnaalersarpai. Perorsaasup pingaarnerup pingaarnerullu tulliata meeraq toqqissisimanartumik isumannaatsumillu talerarnissaanut inissisimaffiit tigummisarpai. Ivaneq-rmi sullissinermi suleqatigiinnermilu oqaatsit pingaarit allat tassaapput akuersaarneq, peqqissaarneq, akisussaassuseq aamma suliaq aallaavigalugu sullissineq.
Perorsaanermi suliatta pingaarutillit aamma ilagivaat
Toqqissisimasumik meeqqamut tunngavik - Pingaarnertut aappaattullu attaveqaatit atortinneqarneri
Sanarfineqarneq siumullu nalunanngitsoq - aaliangersimasumik ullup ingerlarnga immikkoortortani tamani
Ulloq sammisassaqarfiusoq - meeqqat ullut tamaasa neqeroorfigineqassapput sammisassanik ukiuinut naleqquttunik
Atugarissaarneq pillugu ataatsimoortumik isumaq - inooriaatsimut malitassat immikkoortortani tamani
Isumaginninnermut Aqutsisoqarfiup kommuninillu suleqatiginerisa saniatigut suleqatigisartakkat
Ivaneq-rup najukkami atuarfiit, peqqinnissaqarfik politiillu pitsaasumik suleqatigissallugit pingaartitarai. Tarnip pissusaanik immikkut ilisimasallit suliffeqarfiup avataaneersut atuartitsisartut aamma oqaloqatigiinneq atorlugu imaajaasartut suleqatigineqartarput.
Immikkut ittumik neqeroorutit/ atugassarititaasut
Ivaneq inunnik persorsaanermini pinngortitaq akuttunngitsumik atortarpaa, imaatigut angalaarneq illuaqqaniinnerlu matumani ilanngullugit atortarlugit.
Atorfik pillugu:
Immikkoortortaqarfimmi aqutisut akisussaaffigaai.
Sulisut sulinissaanut pilersaarusiorneq feeriarnissamut pilersaarutit aaqqissuullugit,taartinnik atuinera aqullugu,akunnernik nalunaarsorfiusimasut misissorlugit ingerlateqqillugillu.
Immikkoortortami sulisunik ataatsimiitsitsineq
Ataatsimut ingerlariaasissamik ilisarnartitsisumillu pilersitsilluni isumaqatigiissutinik aaliangersimasumillu suliassanik ataavartitsisunik
Paarlaannermi naapinnermi peqataalluni ullup ingerlanissa sulisunut ineqartunullu pilersitseqataasussatut.
Sulisunut nutaanut ilisarisitsineq Angerlarsimaffik Ivanermi suliassanut sinaakkutinullu.
Qulakkeerlugu attaveqaataasut saqqummiussassatik ineriartornermilu pilersaarusiat naammassisinnaanerannut naapeqatigiinnissamut piareersarnermi
Aaqqissuullugu meeqqat ilaqutaanut attaveqarneq, sullissisunut attaveqarneq suliffeqarfinnullu allanut attaveqarneq
Immikkoortortaqarfiup sinaakkutissaanik pilersitsilluni taakkulu ataavartillugit
Pisariaqartitsinermi aallaarsimaarnermi immikkulluunniit sammisaqarluni aallaarsimaarnermi peqataalluni.
Aqutisoqatigiit ataatsimiinneranni peqataasarneq, immikkoortortamilu ataatsimiisitsisarneq.
Sapaatip akunneranut ataasiarluni unnukkoortarneq qaammammullu ataasiarluni unnuarsiortarneq.
Illit:
Perorsaasutut ilinniarsimasaatit
Eqqumaariffigivat meeqqanut sullitiligassannut/ akisussaaffigiligassannut annertuumik pingaarutiqassagavit
Ilisimasaqarnissat sumiginnagaasimanerup kingunerisartagaanik
Ulluinnarni annikitsumik iluatsittut nuannaarutigisaritit
Akerleriittoqaraangat tigusinnaagitit
Ajunngitsussaq isiginiartarit aporfissat tunulliullugit
Piareersimasutit illup iluani ilinniaqatigiinnissamut peqataanissannut
Marlugiinnik oqaaseqartuusutit (kalaallisut qallunaatullu) taannali piumasaqaataanngilaq
Soqutiginnikkuit neqeroorutigisinnaavarput illup iluani immikkuullarissumik ineriartortitseqataasinnaaneq Angerlarsimaffik Ivanermi periarfissiisorlu suliamut pikkorissutsimut ineriartornissaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.