Immikkoortortami aqutsisoq MI Tasiilami Suliniutinik Ingerlatsivimmut
Kommuneqarfik Sermersooq pikkorissumik tunniusimasumillu immikkoortortami aqutsisumik (afdelingsleder) Suliniutinik ingerlatsivimmut MI Tasiilami – Meeqqanut Ilaqutariinnullu Immikkoortortaqarfiup ataani 01.02.2025 kingusinnerusukkulluunniit piaartumik sulilersinnaasumik pissarsiorpoq.
MI Tasiilami aaqqissuusseqqinneq ingerlanneqarpoq, tassanilu aaliangiunneqarluni suliniutinik ingerlatsiviit tamarmik ataatsimut immikkoortortaqalissasut. Immikkoortortami sulisut 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10, inuusuttuaqqanut siunnersortit 4 aamma ilaqutariinnut paarsisartunut siunnersortit 3.
MI Tasiilami suliniutinik ingerlatsivimmi sullinneqarput meeqqat ilaqutariillu tapersersorneqarnissamik pisariaqartitsisut, pisortat oqartussaaffeqarsiani sullissisunik (sagsbehandlere) innersuunneqarsimasut. Børnehusimut tunngatillugu politiit aamma innersuussisinnaasarput, tassanilu videoafhøringit pineqarnerusarlutik.
Atorfik ulloq naallugu atorfiuvoq, aatsaallu pilersinneqarluni. MI Tasiilami fagchef qaninnertut pisortaassaaq.
Atorfiup imarisaa:
Misilittagaqartumik immikkoortortami aqutsisutut suleqatissarsiorpugut, tulluartumik ilinniakkatigut tunuliaqutalimmik, MI Tasiilami aqutsisoqatigiit suleqatigilluarlugit Suliniutinik immikkoortortaqarfimmi sulisunut aqutsisutut akisussaaffeqarluarluni peqataalluarsinnaasumik ataanilu makkunannga suliaqarluarsinnaasumik pissarsiorpugut:
∙Sulisut pillugit sulianik akisussaasoq, atorfinitsitsinerit, suliunnaartut, Sulisut Ineriartornissaq pillugu oqaloqatigineqartarnerat aammalu sulinermik nalunaarsuutinik isumaginnittoq
∙Sulisunik ineriartortitseqqinnermik pilersaarusiorneq isumaginninnerlu Myndighedsafdelingemi afdelingsleder peqatigalugu
∙Suliniutinik ingerlatsivimmi immikkoortortat tamarmik ukiumut pilersaarusiorsimanissaanik akisussaasoq
∙Suliffeqarfiit akimorlugit suleqatinik suleqateqarluarnissamik akisussaaneq
∙Suliniutinik ingerlatsivimmi aaqqissuussinerit ineriartortitseqqinnerillu akisussaaffingalugit, myndighedsområdemiit sumiiffimmut tulluartumik pisariaqartinneqartut oqariartuutigineqartut tunngavingalugit.
∙Aqutsinikkut malinnaaneq aammalu immikkoortortaqarfimmi aningaasatigut aqutsinikkut akisussaasuuneq
∙Meeqqat ilaqutariillu tapersersortariaqartut pillugit politikkikkut anguniakkat aammalu ingerlatsiviup pingaartitaasa immikkoortortaqarfimmut eqqunneqarnissaat akisussaaffingalugu
∙MI Tasiilami aqutsisoqatigiit aammalu qullersaqarfimmiit aaliangiussat pillugit sulisunut apuussisarnissaq akisussaaffingalugu
∙Sulisut ataatsimiisinneqartarnissaat akisussaaffingalugu
∙Suliarinasuarneqarsinnaasullu iallat fagchef isumaqatingalugu (Ad hoc)
Suliassat MI Tasiilami sulisut allat kiisalu qanittumik suleqatit attuumassuteqarsinnaasut peqatigilluinnarlugit suliat ingerlanneqartassapput.
Qinnuteqartunut naatsorsuutigisat:
∙Isumaginninnerup iluani ilinniagaqarsimaneq, soorlu Rådgiver i socialarbejde, socialrådgiver, pædagog imaluunniit assigusumik qullasinnerusumik ilinniarsimasoq.
∙Atorfimmi assigusumi misilittangaqartoq, ajornanngippallu aqutsisutut ilinniarsimasoq
∙Meeqqanik sullissinerup iluani ilisimasaqartoq misilittagaqartorlu
∙Aqutsisoq sulinermini ineriartortitsinermik, oqaloqatiginninnermillu tunngaveqarluni sulisunik peqataatitsilluarsinnaasoq, aammalu allanngortitsisinnaanermut soqutiginnittoq.
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
∙Uippakajaarani arlariinnik suliaqarsinnaasoq
∙Erseqqissumik tappissumillu allattariarsorlunilu oqaluttariarsorsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Kisitsisilerillaqqissoq
∙Atituumik suleqateqarluarsinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Gerda Fleischer, oqarasuaat +299 36 72 79 imaluunniit e-mail: gfle@gmail.com
Qinnuteqaat:
Qinnuteqaat qulequtserlugu Atorfiup ilisarnaataa 1253-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 31.-at, 2024