Ilulissani allaffissornermi aqutsisoq
Ilulissani suliffiup iluani aamma avataani atuisartunik pikkoriffigisatut isumaginninnermik ikiuisarsinnaanerminik tulluusimaaruteqartumik Nukissiornermik sullissisarfiup pisariaqartippaatit. EGT Ilulissanut tamarmut ataqatigiissaarisutut aamma aqutsisoqarfimmi inissisimaffeqassaatit, minnerunngitsumillu tassaavutit nunap immikkoortuata pisortaata ikiortaani pingaarnerpaaq, taamaattumillu sulisunut tunngasunik aamma suliassanik aqutsinerup qularnaarnissaanut suliaqarnermi qitiusumik sulisuussaatit.
Pingaarnertut akisussaaffigisatut suliassaqarfitit tassaapput:
• Aningaasarsianik nalunaaruteqartarnerit.
• EGT Ilulissanut aningaasarsianut missingersuusiornerit.
• Aningaasaqarnermut missingersuusiorneq.
• Nunap immikkoortuata missingersuutaanut, kiisalu nunap immikkoortuata pisortaata innersuussinerata kingornatigut aningaasaqarnerup allanngoriartorneranut tunngasunik nalunaarutinik suliaqarnerit.
• EGT Ilulissanut missingersuutinik malitseqartitsinernut tunngasunik ataatsimiinnernik ataqatigiissaarinerit.
• Missingersuutinik malitseqartitsinernut atatillugu nunap immikkoortuata pisortaanik ikiuineq.
• EGT Ilulissanut sulinngiffeqarnermut pilersaarutinik suliaqarnerit.
• Sumiiffimmi (suliffiup iluani aamma avataani) atuisartunik kiffartuussinermi suliaqarfigisatut peqataaneq, aamma tamatumunnga akisussaaffimmik tigusaqartarneq.
Suliassatit pingaarnerit tassaapput:
• Imermik pajuttuinermut allattuiffinnik naqiterinerit.
• Imermik pajuttuinermut ullorsiutinik nutaanik ilanngussuinerit, imermik pajuttuinermut allattuffinnik allataqarlunilu naatsorsuutinut inissiinerit.
• Toqqorsivimmik kisitsinernik ataqatigiissaarinerit, aamma malitseqartitsinerit – ukiuni ataasiakkaani tamani novembarip naanerani.
• Qaammatikkaartumik uuttortaatinik kisitsinernik ataqatigiissaarinerit, aamma malitseqartitsinerit.
• Aqutsisoqarfiup atugassaanik pisiassanik atugassanik pisiortornerit.
• Nal. akunnermusialinnut aamma qaammammusialinnut akiliuteqarnerit malitseqartinneri.
• Pisiortukkanut aamma toqqorsivimmut malitseqartitsisarnerup qularnaarnera.
• Atuisartunut paasissutissanik ilisimatitsinerit.
• Annikinnerusutut nutsigassatut suliassat.
• Ilanngussanik akuersissuteqarnernut, aamma nal. akunnerinut suliffiusunut akuersissuteqarnernut atatillugit suleqatigiinni aqutsisunut taartaasarneq.
Suut naatsorsuutigisinnaavigit?
Tassaalissaatit innaallagissamik pilersuinermut piujuartumut allanngoriartorfimmi ingerlanneqaleruttorfimmi nunap immikkoortuani pissanganartumi aqutsisoqarfiup ilaaniittoq. Suleqatitit misilittagartuullutillu pimoorussisuupput, taamatullu illit aamma innissat naatsorsuutigaarput. Taamaalisukkut suliffiup assut sulisunit iluarineqartup ilaalernissaa qilanaarisinnaavat – tassaavugut Kalaallit Nunaanni aamma Danmarkimi pitsaanerpaarpaat ilaat. Ukiup ingerlanerani ullualunnguit angalasarfissat naatsorsuutigineqarsinnaapput.
Sulianut tunngasutut piginnaasanik makkuninnga peqartutit ujarpatsigit:
• Aqutsisoqarfimmik pimoorussisoq, aammalu immikkuualuttortanik arajutsineq ajortoq.
• Attuumassutilimmik ilinniagaqartoq, imaluunniit atorfimmit assingusumit ukiuni arlalinni misilittagalik.
• Qarasaasialerinermik (IT-mik) piginnaasaqarluartoq.
• Kiffartuusserusuttoq, aamma suliat eqimattut killeqarfii qaangerlugit suleqatiginnillaqqissoq.
• Suliassanut iluarsaassatut attaveqartarnissaat pingaartuuvoq, aammalu namminersuutigisannik suliaqarsinnaassaatit.
• Arlalinnik aallutaqarsinnaassaatit, aammalu piffissat ilaat ulapaarfiugaangata nakkaannartassanak. Aammattaaq suleqat suleqatiginnillaqqissoq kissaatigaarput, taamatullu pikkoriffigisaminik, aamma kiffartuusserusussusilittut ileqqoqarnissaa kissaatigalutigu. Oqaatsit marluk piginnaaneqarfigissagukkit assut ilinnut iluaqutaassaaq, tamannali piumasaqaataanngilaq.
Inuttut makkuninnga piginnaanilik ujarpatsigit:
• Pimoorussisoq, aammalu imminik kaammattortuusoq.
• Aningaasaqarnerup tungaatigut sianisooq.
• Ilisimasanut nutaanut ammaffilik, aammalu akisussaaffimmik tigusisartoq.
Tamatigulli inunnik qanorluunniit ittunik, aammalu sulianut tunngasunik aallutalinnik attaveqaqatigiinnissinnaassaatit. Soqutigisalittut atuuffeqarputit, tamaanilu attaveqarfinnik pilersitsisinnaanerpit, aalajaassutsinnik takutitsisinnaanerpit, aammalu pimoorussinerpit inissisimaffivit iluatsittuunissaanut qularnaaripput.
Atorfinitsitaaneq sapinngisamik piaarnerpaamik, imaluunniit isumaqatigiissut malillugu.
Aningaasarsiat aamma atorfinitsitaanermut atugassarisat:
Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu atorfinitsitsisoqassaaq.
Atorfinitsitaaneq qaammatinik pingasunik misilitsinnermik ilaqartillugu pissaaq.
Atorfimmut sulisunut inissiamik innersuussisoqarsinnaavoq.
Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissaguit sulisunut inissiamut innersuussutaasumut tassunga pisinnaatitaaffik pigiinnarneqassaaq.
Atorfininneq sapinngisamik piaarnerpaami, imaluunniit isumaqatigiissut malillugu.
Atorfimmut tunngatillugu apeqqutissaqaruit attavissaq:
Nunap immikkoortuata pisortaa Niels Pedersen, e-mailikkut: npede@nukissiorfiit.gl imaluunniit oqarasuaatikkut saaffiginninneq, ukunatigut oq. (+299) 94 67 66/ (+299) 53 25 33.
Annertunermik paasissutissiissutit:
Apeqqutit nalinginnaanerit HR-imut immikkoortoqarfimmut saaffiginnissutaassapput, e-mailikkut ugguuna: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik aamma kiassarnermik pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut aamma kiassarnermut tunisinitta 70 %-ia nukissamit ataavartumit pivoq. 2030-p tungaanut nukissamik ataavartumik 100 %-imik pilersuisuulernissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: decembarip 30.-at, 2024