Illuutinut Attaveqaqatigiinnermullu Naalakkersuisoqarfik aningaasaqarnermut immikkut siunnersortimik sanaartornermut immikkoortortaqarfimmut ujaasivoq
Namminersorlutik Oqartussat illuliornermut sanaartornermullu suliassaannik sunniuteqarluarnerulersitseqataarusuppit aammalu aningaasaqarnermik aqutsinermi ineriartortitseqataarusullutit?
Sanaartornermut immikkoortortaqarfik atituunik suliassaqarfeqarluni ulluinnarni ulapaarfiusarpoq, ilanngullugu Namminersorlutik Oqartussat Sanaartugassanut Iluarsagassanullu Aningaasaateqarfiata allaffissornikkut aqunneqarnera, tassungalu aningaasaqarnikkut immikkoortortaqarfimmi siunnersortimik sulisussarsiorpugut.
Sanaartornermut immikkoortortaqarfimmi suliassaqarfiit inissisimaffiillu assigiinngitsut isumagineqarput, taakkulu amerlanersaat aningaasaqarnermut tunngasuupput. Taakkununnga Aningaasaqarnermut HR-imullu suliassaqarfiit, Naalakkersuisoqarfimmut immikkoortortaqarfiusut, aammalu naatsorsuuserinermut, aningaasaqarnermik pilersaarusiornermut aningaasanillu inatsisiliornermut atatillugu suliassaqarfiit akimorlugit suliaqartut ilaapput.
Taakku saniatigut ulluinnarni Namminersorlutik Oqartussat Sanaartugassanut Iluarsagassanullu Aningaasaateqarfiata allaffissornikkut aqunneqarnera, kiisalu Aningaasanut Inatsimmi sanaartugassanut aningaasaliissutinik aqutsinissamut Prisme-mi modulimik ingerlaavartumik ineriartortitsineq, aammalu Namminersorlutik Oqartussat illuliassaataanut sanaartugassaataanullu tunngatillugu Aningaasanut Inatsisip suliarineqarnera ilaatinneqarput.
Naalakkersuisoqarfiup nammineq akisussaaffeqarfiisa saniatigut immikkoortortaqarfik illuliortiternermut sanaartornermullu suliassani aningaasaqarnikkut aqutsinermut atatillugu Naalakkersuisoqarfinni suliassaqarfinnut akisussaasuusuni ataqatigiissaarisarpoq ikiuuttarlunilu aammalu allaffissornikkut aqutsinerup taassuma ilaa annertooq isumagisaralugu.
Aningaasaqarnermut HR-imullu suliassaqarfimmi maannarpiaq sulisut tassaapput immikkoortortaqarfimmi pisortaq ataaseq, allaffimmi pisortaq ataaseq sulisullu pingasut.
Atorfik pillugu
Immikkoortortaqarfimmi aningaasaqarnermut immikkut siunnersortitut illuliornermut sanaartornermullu suliassaqarfimmi aningaasaqarnermik aqutsinermi, kiisalu suleriaatsinik ineriartortitsinermi, Aningaasaqarnermut Inatsimmi sanaartornermut aningaasaliissutit atuinerillu aqunneqarnerinik misissuisarnermi atortoqarnermilu siuttuussaatit.
Tamatuma kingunerisaanik Sanaartugassanut Iluarsagassanullu Aningaasaateqarfimmut naatsorsuuserineq ingerlatsinermilu aningaasaqarneq ulluinnarni isumagisarissavatit, kiisalu suliassani aningaasaqarnerup nakkutiginissaa aqunneqarneralu, taamatullu immikkoortortaqarfimmi sulisunut allanut nalunaarusiortarneq siunnersuisarnerlu qulakkiissallugit. Tamatuma saniatigut aningaasaateqarfimmi aningaasaqarnerup tamarmiusup paasisimaarilersinnissaa isumagisarissavat, kiisalu ukiumoortumik aningaasanut inatsisip suliarineqarnerata ingerlanerani aammalu suliassaqarfimmi Nunap karsianut naatsorsuutinut ukiumoortumik naammassinnittarnermut, ikiuuttassallutit.
Qinnuteqartoq piukkunnartoq
Qinnuteqartoq piukkunnartoq allaffissornerup/aningaasaqarnerup iluanni ilinniarsimasuuvoq. Pisortani aamma/imaluunniit politikkikkut allaffissornikkut aqutsinerup iluanni misilittagaqarneq iluaqutaassaaq, kisianni piumasaqaataanngilaq.
Prisme imaluunniit taamatuttaaq aningaasaqarnermi periaaseq assingusoq misilittagaqarfigilluarpat ilisimasaqarfigalugu
Excel-i piginnaaneqarfigilluarpat
cBrain F2 misilittagaqarfigilluarpat
Illuliornerup sanaartornerullu iluanni suliassami aningaasaqarnermut misilittagaqarneq imaluunniit ilisimasaqarneq iluaqutaassaaq
Tulleriissaartumik periaaseqarlutit sulisarputit aammalu ilisimasassat paasilertorsinnaavatit aammalu najoqqutassat paasiuminartumik paasissutissiissutigisinnaallugit
Anguniagaqallaqqissuuvutit – akisussaaffimmik tigusinissaq suliniuteqarnissarlu piumassuseqarfigalugu piginnaaneqarfigaat.
Nammineerlutit sulisarputit, kisianni qaqugu immikkoortortaqarfimmi suleqatitit allat isumasioqatigissanerlugit aamma nalunagu.
Kalaallit oqaasii inuiaqatigiinnilu pissutsit ilisimasaqarfigigukkit annertuumik iluaqutaassaaq. Tamatuma saniatigut IT atorlugu sakkussanut patajaatsumik ilisimasaqaruit iluaqutaassaaq, ilanngullugit cBrain F2, Outlook aamma Microsofts Officepakke.
Ilinniarsimasatigut qaffasissumik inissisimanerup saniatigut naatsorsuutigaarput inuttut arlalinnik piginnaasaqarfeqartutit, ilanngullugu atituumik paasisimaarinninnerup aammalu sukumiisortanik paasinnittarnerup akornanni oqimaaqatigiissitsisarlutit, namminersorneq ataatsimooqateqarnerlu akuleriissinneqarnerat iluaqutaasutut takusinnaagit, kiisalu oqaasissanik oqimaalutaallaqqissutit, oqaloqatikkuminartuusutit aammalu ullup suliffiusup ingerlanerani illaqataalluarsinnaasutit.
Neqeroorutigaagut
Sanaartornermut immikkoortortaqarfimmi sulineq avatangiisini pissanganartuni suliatigullu unammillernartuni ingerlanneqarpoq, sulinerup nuannarinera akisussaaffeqarnerlu angusaqarfiulluartumik ingiaqatigiilluarlutik, aammalu ineriartornissamut akisussaaffeqarnissaq suliatigullu ineriartoqqinnissaq periarfissaqarluarfiulluni.
Suliffik nutaaliornermik nutaanillu eqqarsarnermik ukkatarinniffiusoq
Naalakkersuisoqarfimmi politikkikkut aalajangiinissanut suliat ingerlaneri qanillugit suliffiusoq
Tunniusimalluartumik suleqateqarluni suliffimmilu avatangiisit oqaloqatikkuminartut ammasullu
Inuttut suliatigullu pissanganartunik unammilligassaqarfiusoq
Imminnut oqaluuteriaaseq persuarsiorfiunngitsumik ingerlasarpoq, aammalu ulluinnarni ulapaarfiusuni qiimanartumik isumagissaarneq malunnartarpoq, kisianni aamma sulinerup ilaqutariittullu inuunerup ataqatigiittussaanerat ataqqineqarluni.
Atorfininnissap ullua
Ulloq 1. qaammat imaluunniit erseqqinnerusumik isumaqatigiissuteqarneq malillugu.
Soqutiginnippit?
Apeqqutissaqaruit attaveqarfigisinnaavat Allaffimmi pisortaq Malene J. Kieler, malk@nanoq.gl, +299 34 52 50
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.