Illiua Aalborgimi VSA-mut tunngasunik ataqatigiissaarisussarput?
Royal Arctic Line Aalborgimi suleqatissarsiorpoq.
Suliassatit
VSA-mut tunngasunik Ataqatigiissaarisutut VSA-mut tunngasunik Suleqatigiit suleqatigalugit assartukkat uppernarsaatissallu tamaasa Nunatta avataani nunat tamalaat umiarsualiviini eqqortumik suliarineqarnissaat qulakkeerinneqataaffigissavat.
Nunani tamalaani umiarsualivigisatsinni usit nassiussallu malinnaavigisassavatit VSA-mullu tunngasunik Suleqatigiit peqatigalugit eqqortumik ingerlanneqarnissaat isumagissavat. Suliassat suliarineqarnissaannut suliniartuulluarnikkut angusatit ingerlaannaq takusinnaassavatit sullitanut iluaqutaasussamik.
Ingerlatseqatigiiffiup aaqqissuussaanertut eqiingalluartutut kiffartuussinermillu pingaartitsisutut saqqumilaartuunissaata qulakkeernissaa akisussaaffigissavat. Atorfimmi pingaartillugu suliniutigineqartussaq tassaassaaq qaffasissumik pitsaassusilimmik suliaqarnikkut piffissaq eqqorlugu angusarnissap suleqataaffiginissaa.
Suliassat aalajangersimasut ilaatigut tassaassapput:
- Umiarsuit aqqusaannginnerini uppernarsaatissat eqqortut tamatigut pissarsiarineqarnissaannik qulakkeerinneqataanissaq.
- Suleriaatsinut uppernarsaasiornermut atassuteqartunut suleriaatsinik periusissanillu ineriartortitsineq.
- Suliffeqarfiup avataani suleqatigisat pitsaasumik attaveqarfiginissaannik qulakkeerinninnissaq attassinissarlu, Nunatsinnut tamarmut ilaqutaasussamik.
- Uppernarsaatissat pisariaqartut tigusisussamut eqqortumut apuunneqarnissaannik qulakkeerinninneq, paasissutissat eqqortut pisariaqartullu tamanit pigineqarniassammata.
- VSA-mut tunngatillugu pigaartoqarnermut aaqqissuussinermi suleqataaneq.
Ilinnut naatsorsuutigisagut:
- Naleqquttumik ilinniagaqarnissat, assersuutigalugu Shippingip aamma/imaluunniit assartugalerinerup iluani.
- Oqaatsitigut piginnaasaqarluarneq, danskit tuluillu oqaasiinik atuilluartussaassagavit.
- LIMA-mik atuinermik misilittagaqarneq LIMA Tabletsimillu qaffasissumik atuisinnaaneq.
- Excelimik, PowerPointimik Officemeersunillu allanik atuinermik sungiusimasaqarneq.
- Unammilligassaqarneq ajorineqanngilaq, angusaqarnissarlu pissusissamisoortinneqarluni.
- Pitsaassutsimik pingaartitsilluartoq qaffasissunillu piumasaqaateqartitsisoq.
Neqeroorutigaarput:
- Suliffeqarfimmi pitsaasumi, soqutiginartumi suleqatigiiffiulluartumi - suleqatigiit aallussisut akornanni soqutiginartunillu unammilligassartalimmi atorfinitsinneqarneq.
- Suliffeqarfik niuernermi pissutsit malillugit akissarsiaqartitsisarpoq suliffimmullu kiisalu piginnaasannut naapertuuttunik aamma atugassaqartitsiffiulluni.
- Suliffeqarfimmi nukittuumi sulisunik ineriartortitsinermik pikkorissaanermillu ukkataqartumi atorfininneq.
Qinnuteqaat
Qinnuteqaatit ingerlaavartumik suliarineqassapput.
Pinerlussimannginnermut allagartaq
Noqqaassutigineqarpat qinnuteqartut tamarmik pinerlussimannginnermut allagartamik naammaginartumik takutitsisinnaassapput.
Paasissutissat sukumiinerusut:
Atorfik pillugu paasisaqarnerorusukkuit Head og International Ports, Kennie Peter Hansen, mailikkut: kph@ral.gl-imut oqarasuaatikkulluunniit: +299 349128-mut saaffigineqarsinnaavoq.
Qinnuteqarnissamut killissarititaasoq: oktobarip 18.-at, 2024