Ilisimatusarnermik ingerlatsivimmut inatsisilerituumik pimoorussisumik
Ilisimatusarnermik ingerlatsivimmut inatsisilerituumik pimoorussisumik
(Allagarsiuteqqitaq)
Atorfik pillugu
Kalaallit Nunaanni ilisimatusarnerup ineriartorteqqinnissaanut kiisalu Ilisimatusarnermik ingerlatsivimmut inatsisitigut siunnersuisussamik, Naalagaaffinngornissamut Nunanullu allanut Naalakkersuisoqarfik inatsisilerituussarsiorpoq.
Aaqqissuussaanikkut atorfik Ilisimatusarnermik ingerlatsivimmi allaffimmi pisortap ataaniippoq. Kalaallit Nunaanni ilisimatusarnermut, Ilisimatusarnermik ingerlatsivik Naalakkersuisut oqartussaraat. Ilisimatusarnikkut oqartussatut, ineriartortitsinermillu suliassat Ilisimatusarnermik ingerlatsiviup qitiusumik suliassarai. Politikkikkut anguniagassatut akuersissutigineqarsimasut piviusunngortinneqarnissaannut tamatigoortumik isiginnissuseqartumik aaqqiissutissarniornissanut akisussaaqataassaatit. Nunatsinni Ilisimatusarnermut periusissiaq 2022-2030-mi anguniakkat atuutsilersinneqarnissaat, Ilisimatusarnermik ingerlatsivimmi ilaatigut ukkatarineqarpoq. Taassumap saniatigut ilisimaqqaakkat, najukkamilu ilisimasat ilisimatusarnermi eqqarsaatigineqarnerulernissaat, najukkamilu tunngaveqarnissaat, taamaalillunilu inuiaqatigiinnik piujuartussamik ineriartortitsinermut tapersiinissaat sulissutigineqarpoq.
Ilisimatusarnermik ingerlatsivimmi pingaarnertut inatsisilerituujussaatit, naalakkersuisoqarfimmilu aamma Namminersorlutik Oqartussani inatsisilerituunik allanik suleqateqassallutit. Pikkorissarnikkut, pilersaarusiukkamillu atorfimmi ineriartornikkut sulisut suliatigut ineriartornissaanni tapersersussallugit Naalakkersuisoqarfiup pingaartippaa. Naalakkersuisoqarfimmi suleqatigiinneq persuarsiunngitsumik suleqatigiinneruvoq, suliniutillu pingaartinneqarlutillu tapersersorneqartarlutik.
Ilaatigut suliassatit
Ineriartortitsineq, Kalaallit Nunaannilu ilisimatusarnermut inatsisitigut naleqqussaanissamut periarfissaasunut atatillugu inatsisitigut siunnersuinissaq pingaarnertut suliassarissavatit.
Taassumap saniatigut ilisimatusarnissamut qinnuteqaatinut atatillugu kiisalu ilisimatusarnermut atatillugu inatsisitigut suliassanut allanut suliaqarsinnaanissaq naatsorsuutigineqassaaq.
Taassumap saniatigut maani nunami, nunallu avataani suleqatigisanik isumaqatiginninniarnerni peqataasinnaassassaatit.
Atorfimmut atatillugu angalangaatsiartarnissaq naatsorsuutigineqassaaq.
Neqeroorutigaarput
- Annertuumik akisussaaffeqarneq, pitsaasumillu allanngueqataanissamut periarfissat.
- Suliatigut ineriartornissamut periarfissagissaarluni atorfik pissanganartoq.
- Immikkoortortaqarfik suliatigut ilisimasaqarluartoq, piginnaasaqarluartoq, nuannersumillu sulliviusoq.
- Ataqqinnilluni, tatiginnillunilu persuarsiunngitsumik, nuannersumillu suliffiulluni suliffik pilerinartoq.
- Nunagisaq, nunarsuarmioqataanerlu annertuumik ukkataralugit suliaqarfik tamatigoortoq, soqutiginartorlu.
Pingaartipparput
- Inatsisiliornermik aamma inatsisinik misissuinermik misilittagaqartutit,
- Bacheloritut imaluunniit kandidatitut inatsisilerituutut ilinniarsimasutit,
- Politikkikkut aqutami sulinermik misilittagaqarlutillu paasisimasaqartutit,
- Suliniutinik suliaqallaqqittutit, namminersorlutillu sulisinnaasutit,
- Kalaallit Nunaanni pissutsinik ilisimasaqartutit imaluunniit taakkua ilisimalernissaannut piumassuseqartutit.
Qinnuteqartunut ukiorpaalunni misilittagaqarnerminnik uppernarsaasinnaasunut, siumut isumaqatigiissuteqarnikkut immikkut siunnersortitut atorfinitsitsisoqarsinnaavoq.
Paasissutissat annertunerusut
Paasissutissanik annertunerusunik pisariaqartitsissaguit allaffimmi pisortaq Kunuk Holm, oqarasuaammut +299 345127-imut, e-mail: khol@nanoq.gl-imut attavigisinnaavat.
Akissarsianut, atorfeqartitaanermullu tunngasut
Akissarsiat atorfeqartitaanermilu atugassarititaasut, matumani atorfininnermi aamma suliunnaarnermi angalasinnaatitaanermi, pequtillu assartorneqarsinnaatitaanerini atorfininnerup nalaani Namminersorlutik Oqartussat, pineqartullu kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Ineqarneq
Atorfimmut atatillugu inissiamik pisatsersorneqanngitsumik, malittarisassat qaqugukkulluunniit atuuttut naapertorlugit atorfimmut atatillugu inissiamik innersuussisoqarsinnaavoq. Atorfimmut atatillugu inissiaqareersunut imaluunniit kommunip, Namminersorlutik Oqartussalluunniit inissiaataanni ineqareersunut inissiamik innersuussisoqarsinnaanngilaq. Inissiamut innersuunneqartumut ineqarnermut akiliutissat, qularnaveeqqusiussassarlu malittarisassat qaqugukkulluunniit atuuttut naapertorlugit akilerneqartassapput. Atorfimmut atatillugu inissiaq atorfimmut attuumassuteqarpoq, atorfiullu qimannerani qimanneqassalluni.
Inissiap qanoq pisoqaatiginera, piginnittuunermut tunngasut il.il. apeqqutaallutik ineqarnermut akiliutit, inissiallu qanoq-issusaa nikerarsinnaasarput. Atorfimmut atatillugu ataavartussamik inissiassamik innersuunneqarnissaq utaqqinarsinnaavoq, taamaattumillu utaqqiisigalugu inissiassamut, matumani aamma najugaqatigiiffinnut mikinerusunut imaluunniit akunnittarfiit inissiaataannut innersuussisoqarsinnaalluni, tassungalu akileraarusiisoqassalluni. Atorfimmut atatillugu inissiami imaluunniit utaqqiisigalugu inissiami anginerusunik, assersuutigalugu qimminik imaluunniit qitsunnik uumasuuteqartoqaqqusaanngilaq.
Qinnuteqarneq
Qinnuteqaat, CV, ilinniarsimanermut aamma pikkorissarsimanernut uppernarsaatit, kiisalu pappiaqqat attuumassuteqartut allat ”Qinnuteqaat nassiuguk” toorneratigut nassiutikkit.
Qinnuteqarnissamut ulloq killigititaq tassaavoq 6. februar 2025.
Qinnuteqaatinik mailikkut tigusineq ajorpugut.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job