Ilisimatusarfiup Ilisimatusarnermut Allaffeqarfianut pilersaarutinik ataqatigiissaarisoq
Atorfik pilersinneqaqqammerpoq ilisimatusarnermullu allaffeqarfimmi allaffissornikkut suliassanik ineriartortitseqataanissamut periarfissagissaartitsisuulluni.
Ilisimatusarneq soqutigisaraajuk? Peqqissaartumik aaqqissuulluakkamillu sulisarpit aamma suliassanik naammassinnittarpit?
Ilisimatusarfimmi Ilisimatusarnermut Allaffeqarfitta ineriartortinnissaanut suliassaq pissanganartoq aallartilerparput. Ilisimatusarnermut Allaffeqarfiup Ilisimatusarfimmi ilisimatuutut misissuisut ilisimatusarnerat tamaat ilisimasalittut ikiortassagaat anguniarneqarpoq. Siunnersuinermit, aningaasaliisussarsiornernut, siumoortunik missingersuusiornernut, suliniutit nassuiaataannik allannernut aamma nalunaarusiornernut tunngasuni.
Ilisimatusarnermut Allaffeqarfimmi sulisut tamarmik immikkut pingaarnertut akisussaaffeqassapput, kisianni akunnerminni suut suliassarinerlugit ilisimaarissagaat aammattaaq naatsorsuutigineqarpoq, taamaasillutik imminnut ikioqatigiissinnaallutillu isumasioqatigiissinnaanngussapput, piffissani ulapaarfiusuni akunnerminni oqilisaaffigisinnaanngussapput aamma ilisimatuutut misissuinermut suliassaqarfik tamaat nalinginnaasumik ilisimasaqarfigisinnaanngussavaat. Ilisimatusaatigalugu misissuinissamut qinnuteqaatit suliarineqarneranni Ilisimatusarnermut Allaffeqarfimmi sulisut tamarmik peqataasassapput makkununnga atatillugu: missingersuutit pitsaassusaannik qulakkeerinninneq, suliniutit nassuiarneri il.il.
Atorfik pillugu:
Pingaartumik UArcticimut tunngasunik allaffissornikkut ikiuuttartussamik Ilisimatusarfik Ilisimatusarnermut Allaffeqarfimminut pilersaarutinik ataqatigiissaarisussarsiorpoq.
UArctimi programminut marlunnut aningaasalersuineq Ilisimatusarfiup akisussaaffigilertussaavaa
North2North – nuuttarnernut programmi ilisimatusartut aamma ilinniartut angalanissaannut taakkununngalu atatillugu najugaqarnissaannut tapiissuteqarsinnaasoq
Sammisakkuutaarlugit attaveqatigiinnut tapiissuteqarneq - programmi Issittoq pillugu ilisimatusarnerup iluani attaveqatigiinnut tapiissuteqartartoq
Programmit taakkua Ilisimatusarfimmi illit pilersaarutinik ataqatigiissaarisutut nutaatut aqussavatit.
Siunissaq ungasinnerusoq isigalugu Ilisimatusarfiup tapiisarnerminut pilersaarutai amerlasuut aamma aningaasaatai agguaassassat allaffissornikkut ingerlanneqarnerat aammattaaq akisussaaffigilerumaarpatit.
Suliniutissatut qinnuteqartarnernut, Issittoq pillugu ilisimatusarnernut UArcticimilu attaveqatigiinnut tunngasut atorfimmi uani ilisimasaqarfigililluassavatit.
Tamatuma saniatigut Ilisimatusarnermut Allaffeqarfiup ingerlanneqarnerani suliassanut nalinginnaasunut aamma ikiuuttassaatit, assersuutigalugu tamatumunnga ilanngullugit:
suliniutissatut qinnuteqaatit pitsaassusaannik qulakkeerinninneq
aningaasaliisussarsiorneq
siumoortunik missingersuusiornerit
nalunaarusiornerit
ph.d.-nngorniarfimmut tunngasut
avataaniit ilisimatusariartortunut programmi
ilisimatuutut misissuineq pillugu najoqqutassiorneq
Ilisimatusarfiup iluanit avataaniillu saaffiginnissutit suliarineri
Naatsorsuutigaarput illit
Kandidatitut ilinniarsimasutit
Allaffissornikkut ingerlassinermik misilittagaqartutit
Nunat Avannarliit suleqatigiinnerannut tunngasunik misilittagaqartutit
Suliniutinut aamma aningaasaliisussarsiornernut tunngasut misilittagaqarfigigitit
Suleqateqarusussuseqartuusutit
Namminersorlutit sulisinnaasutit Ilisimatusarnermullu Allaffeqarfimmik ineriartortitseqataasinnaasutit
Ilisimatusarnermut Allaffeqarfik pillugu:
Ilisimatusarnermut Allaffeqarfik maannakkuugallartoq taamaallaat ilisimatusarnermik ataqatigiissaarisumik sulisoqarpoq. Allaffeqarfimmullu tassunga sulisussarsiorneq Ilisimatusarfiup maanna ingerlatileruttorpaa.
Ilisimatusarnermut Allaffeqarfik Ilisimatusarfiup pisortaanit aqunneqarpoq Ilisimatusarfiullu, tamakkiisumik isigalugu, ineriartornerata siuarsarnissaanut ulluinnarni suliassanik naammassinnittarneranut ikiuuttarluni.
Ilisimatusarnermut Allaffeqarfimmi sisamanik atorfinitsitsinissaq sulissutigineqarpoq, taamaasilluni ataatsimik aqutsisoqalissaaq, inatsisileritooqalissaaq ingerlatsisoqalerlunilu pilersaarutinik ataqatigiissaarisoqalissaaq. Tamatuma saniatigut aamma suliniutinik ataqatigiissaarisortaassaaq.
Atorfik pillugu apeqqutissaqaruit Ilisimatusarfiup pisortaata Christine Tønnesenip attaviginissaanut tikilluaqqusaangaarputit oqarasuaammut uunga +299 38 56 02 mailimulluunniit uunga chrt@uni.gl. www.uni.gl-imi uagut pilluta atuarnerugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut inissaqartitsisoqanngilaq. Namminersorlutillu Oqartussani atorfinnut atatillugu ineqartitaareersimaguit tigummiinnarsinnaassavat. Atorfeqarunnaarnermili inigisaq qimanneqartussaassaaq.
Qinnuteqaatit, CV, ilinniarsimanernut pikkorissarnernullu uppernarsaatit assingusullu nassiussinnaavatit ”Qinnuteqaat nassiuguk” toorlugu.
E-mailikkut qinnuteqaatinik tigusineq ajorpugut.