Ilisimatusarfimmi fuldmægtigi Naligiissitaanermut allaffimmi Kalaallit Nunaanni Namminersorlutik Oqartussat
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik qaffasissumik ilinniagalimmik naligiissitaanermut suliatigut pissutsinullu ilisimasaqarluartumik sulisussarsiorpoq.
Inunnik sullissineq nuannaraajuk aamma paasinnittariaatsit atuuttut nikerartinnissaannik piorsarsimassutsikkullu allanngortoqarnissaanik tunngavissiornissat nuannaraajuk? Naligiissitaanermut tunngasunik suliaqarnissat piukkunnartippiuk, naligiissitaanermut tunngasut oqallisigineqarnerulernissaannut peqataarusuppit aammalu nunatsinni naligiissitaaneq qulakkeerniarlugu tunaartaliinissamut peqataarusuppit? Taava imaasinnaavoq illit Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup Naligiissitaanermut allaffiani sulisussatut ujartoritsigit.
Atorfik pillugu
Naligiissitaanermut allaffik aaqqissuusaanermut inuiaqatigiinnilu naligiissitaanermut unammillernartunik ilisimasalimmik sulisussarsiorpoq. Ataatsimut anguniakkat suliniuteqarfiillu tulleriiaakkat tunngavigalugit suleriaatsinik nunatsinni naligiissitaanermut iluaqutaasussanik aallartitseqataasassaatit - piffissami qaninnermi ungasinnerusumilu. Sinaakkutissat pisortatigoortut pilersitaannik unammilligassat sulininni qitiussapput kisiannili aamma unammilligassat ulluinnarni inuunitsinnut attuumassuteqartut sammisassallugit. Siammasinnerusumik isigalugu naligiissitaanerup siuarsarnissaa sulissutigaarput. Taamaammat naalakkersuisoqarfiit akornanni naligiissitaanermut suliniutit ataqatigiissaarnissaat, paasissutissanik pissarsisarneq aalajangiinissamullu tunngavissiisarneq suliassaapput pingaarutillit.
Sulinermi immikkoortualuit ataatsimoortumillu ataqatigiinnerit malussariffigissavatit aaqqiissutinullu pilersitseqataassallutit. Inuttut akuersaartuuguit, inunnillu sullissineq nuannarigukku allannguinermilu suleriaatsinik nukittorsaasinnaaguit inissisimalluarputit.
Naligiissitaanermut allaffimmi sulisassaatit, allaffeqarfillu taanna naalakkersuisoqarfiup Inatsisit Atuutsinneqarnerannut Naligiissitaanermullu immikkoortortaqarfiup ataani inissisimalluni. Naligiissitaanermut allaffimmi illit allaffimmilu pisortaq sulisassaasi, taannalu ilinnut aqutsisuussalluni qaninneq.
Suliassatit ilaatigut tassaapput
suliassaqarfiit akimorlugit suliniutinut suleqataanissaq, taamatuttaarlu ilisimasanik avitseqatigiinnermut tunngassuteqartuni suleqatigiinnerni allani peqataaneq
paasissutissanik pissarsiniarneq, ilisimasanik katersuineq suliarinninnerlu aamma paasissutissanik misissueqqissaarutinillu oqaasinngortitsineq
Naalakkersuisup oqalugiaatissaanut ilanngussaqartarneq aammalu isummernissaanut tunngavissiornissaq
naalakkersuisoqarfiup saqqummersittagaani naligiissitaanermut tunngasunik ilanngussaqartarneq nassuiaanerlu
Arnanut qanorluunniit ittunik assigiinngisitsinerup atorunnaarsinneqarnissaa pillugu FN-imit isumaqatigiissummut (CEDAW-mut) nalunaarusiornerni ilanngussaqartarneq
politikikkut suliassanik isumaginninneq, tamatumani ilanngullugit tusarniaanerit aammalu § 37 tunngavigalugu apeqqutit
Pisariaqartitsineq naapertorlugu naalakkersuisoqarfimmi suliassanik allanik isumaginneqataaneq
Qulaani allaqqasut suliatigut suliarisassatut assersuutaapput, kisianni ilaatigut piginnaasatit aammalu allaffimmi pisariaqartinneqartut aallaavigalugit suliassatit aalajangersarneqarumaarput.
Naatsorsuutigaarput
Naleqquttumik ingerlaqqiffiusumik ilinniagaqarsimasutit
Naligiissitaanermut suliassaqarfik ilisimasaqarfigigit, soqutigilluarit aammalu kikkunnut tamanut assigiimmik atugassaqarnissaq soqutigigit
Akimortumik suliaqarnermik misilittagaqartutit, suleriaaserlu taanna nuannarigit
Suleqatigiilluarneq sulinermilu avatangiisit pitsaanissaanut pingaartitsisutit tamatumunngalu iliuuseqartartutit
Akisussaassuseqartumik sulisinnaasutit, siuttuusutit angusaqarnissarlu qitiutillugu namminersortumik sulisinnaasutit.
Aaqqissuusamik sulisinnaasutit, sulerusussuseqartutit, inuttut eqeersimaartuusutit, pimoorussisuusutit, ineriartortitserusussuseqartuullutillu
Pilersaarusiorluakkamik, misissueqqissaartumillu eqqarsarsinnaasutit, aporfiit uniffiginagit periarfissanik ujartuisartutit
Ulluinnarni suliarisartakkani suliassanilu imaannaannginnerusut akornanni nuuttaarsinnaasutit tamakkiisumillu isiginnittariaaseqarsinnaallutit
Qanorluunniit tunuliaqutalinnik suleqateqarsinnaassutit inussiarnersumillu peqataasinnaallutit
Suliffeqarfimmi politikikkut aqunneqartumi suliaqarnissamik ilisimasaqarnissat
Kalaallisut danskisullu allattariarsornikkut oqaatsitigullu attaveqaqatigiilluarsinnaasutit nassuiaalluarsinnaallutillu, tuluttut aamma taamatut piginnaasaqarnissaq iluaqutaassaaq
Kalaallit kulturiannik inuiaqatigiillu atugaannik ilisimasaqartuuvutit
Uagut neqeroorutigisinnaavarput
Atorfik aqqutigalugu nunatsinni naligiissitaanermut tunngasunik ineriartornermi sunniuteqarnissat
Pingaarnernut anguniakkat tungaatigut annertuumik oqartussaaqataaneq
Suliffeqarfimmut sulianik tunngaveqarnermik, sullerissuunissamik attaveqaqatigiinnermillu pingaartitsisumut ilanngunnissat pingaartinneqarpoq
Suleqatigiinnut tatiginninnermik pingaartitsisumut, utertitsivigeqatigiinneq isumassarsianillu piviusunngortitseratarsinnaasumut ilanngunnissat
Suliassat assigiinngiiaartut akimortullu, sulinermilu piginnaasatit pingaartinneqarnissaat
Attaveqariaaseq qeratanngitsoq, isumassarsianut nutaanut inissaqartitsisoq
Naalakkersuisoqarfik pillugu
Naalakkersuisoqarfik qitiusumik allaffeqarfimmut ilaavoq, taannalu Naalakkersuisut ataanni inissisimalluni. Naalakkersuisoqarfik immikkoortortaqarfinni assigiinngitsuni inissisimasuni, tassaallutik Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq sullisissallugu siunnersuussallugulu aammalu politikkikkut anguniakkat ataqatigiissaarnerannut atatillugu pingaarnerut suliassaraavut. Uuma ataani naligiissitaanermut politikkikkut anguniakkat piviusunngortinnissaat akisussaaffigivagut.
Paasissutissat sukumiinerusut
Atorfik pillugu paasissutissat sukumiinerusut allaffimmi pisortamut Ivalu Nørreslet Rex-imut saaffiginnilluni pissarsiarineqarsinnaapput, mailimut: irex@nanoq.gl. Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik pillugu maani paasisaqarnerusinnaavutit.
Ulloq qinnuteqarfissaq kingulleq
Qinnuteqarfissap kingulleq tassaavoq ulloq 21. Januar 2025. Qinnuteqartut piukkunneqartut oqaloqatiginissaat, qinnuteqarfiup piffissarititaata qaangiunneranit pisinnaanerat ilimagineqarpoq.
Ulloq atorfiniffissaq tassaavoq ulloq 1. marts 2025 imaluunniit isumaqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.