Ilisimatusarfik IT Supporterissarsiorpoq
Ilisimatusarfiup illuutaanik isumaginninnermik aamma sulisut ilinniartullu IT-mik atuisinnaanissaannut qulakkeerinninnermik pingaarnertut akisussaassuseqartussamik Teknikkimut Immikkoortortaqarfimmut IT Supporterissarsiorpugut. Suleqatigiiuvugut pingasut Ilimmarfiup Ilinniarfissuallu illuutaani qarasaasialerinermik ingerlatsinermik aserfallatsaaliuinermillu suliallit.
Atorfik sapaatip-akunneranut 40 tiimit suliffiuvoq isumaqatigiinnikkullu atorfik piaartumik inuttalerneqassaaq.
Teknikimut Aqutsisoq qullersarissavat.
IT Supporteritut suliassatit pingaarnerit tassaassapput:
Level 1-mi aamma 2-mi sullissineq (Systemip ingerlannera, Ilisimatusarfiup IT-kkut attaveqarfiinik systemiinillu nakkutilliineq aamma aserfallatsaaliuineq, tamassumunnga ilanngullugit sullissineq aamma Ilisimatusarfimmi ilinniartitaanerup iluani suliatigut IT-kkut systeminik aserfallatsaaliuineq kiisalu Ilisimatusarfiup isumannaallisaanikkut atortuinik alapernaarsuutaanillu ingerlassineq, tamassumunnga ilanngullugit atuisut kontoi aamma isersinnaanissamut pisinnaatitaaffiit)
Aaqqissugaanerup qarasaasiatigut sullinnissaa, tamassumunnga ilanngullugit sulianik isumaginninneq salliussinerlu kiisalu atuisussanut videoliat ilitsersuutillu
Systemikkut allannguutinik aserfallatsaaliuinermilu ingerlassanik takussutissiorneq
IT-kkut aaqqiissutinut, systeminut attaveqaatinullu tunngatillugu Ilisimatusarfiup qarasaasiatigut pilersuisuinik avataaneersunik attaveqateqarneq
Suliassat takkuttut
Atuartunik, ilinniartunik sulisunittaaq kiisalu soqutiginnittutsinnik ingerlassalinnillu avataaneersunik assigiinngitsorpassuarnik ulluinnarni attaveqateqartassaatit, atorfimmullu tunngatillugu taamaattumik ilakkuminartuunissat attaveqatinillu pilersitsisinnaasuunissat pingaartipparput. Torersumik ataqatigiissunillu pilersaarusianik suliaqarsinnaanissat taakkuninngalu nammineerlutit suliaqarsinnaanissat naatsorsuutigaarput. Teknikkimut Immikkoortortaqarfimmi suleqataalissaatit.
Illit pillutit:
IT-lerinerup iluani naapertuuttumik ilinniagaqarputit imaluunniit sulinermi assingusumik misilittagaqarfigaat
IT Supporteritut imaluunniit atorfimmi assigisaani minnerpaamik ukiuni pingasuni sulinermik misilittagaqarputit
Office365-mik suliaqarsimavutit
Ilinniartoqarfinni qarasaasialerineq ilinniarfiillu systemiannik, soorlu Lectiomik, Wiseflowimik taakkualu assigisaat ilisimasaqarfigalugillu misilittagaqarfigaatit
Apple-p tunisassiai misilittagaqarfigaatit
Angusaqarnissamik toraagaqarlutit aamma torersumik sulisarputit suliassanillu naammassinnilluartarlutit
Aaqqissugaanerit aamma suliassaqarfiit assigiinngitsut akimorlugit suleqateqallaqqissuuvutit
Kalaallisut aamma qallunaatut attaveqateqarluarsinnaanissat paasinartumillu oqariartuuteqarsinnaanissat pingaartinneqarput, tuluttoorsinnaaguillu iluaqutaassaaq
Ilinniarfimmi ineriartortumi atorfik pissanganartuuvoq, atorfimmilu sunniuteqaqataanissamut periarfissaq aamma ilaavoq. Inuttut suliatigullu ineriartornissannut periarfissaqarlutillu pissanganartunik unammilligassaqassaatit aamma suleqatigiit pikkorissut, tunniusimasut, isumassarsiorfiusinnaasut nutaaliortullu suleqatigilissavatit, tamassumuunalu nuannersunik avatangiiseqarneq ulluinnarni ilaavoq.
Attavissat/paasissutissat
Atorfik pillugu paasisaqarnerorusukkuit Ilisimatusarfiup pisortaata Christine Tønnesenip attaviginissaanut tikilluaqqusaavutit emailimut uunga chrt@uni.gl
Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
Ilinniartitsinermik Ilisimatusarfik
Inuiaqatigiilerinermik, Aningaasaqarnermik Tusagassiornermillu Ilisimatusarfik
Kulturimik, Oqaatsinik Oqaluttuarisaanermillu Ilisimatusarfik
Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.