Ilinniartitaanermut siunnersorti
Kalaallit Nunaanni Namminersorlutik Oqartussat
Akileraartarnermut Aqutsisoqarfik
ingerlatsinermi aqutsisumik/akiliisitsiniartartumik
Akileraartarnermut Aqutsisoqarfimmi ingerlatsinermi aqutsisutut/akiliisitsiniartartutut atorfik ulloq 1. november 2024-imiit imaluunniit isumaqatigiissuteqarnikkut inuttassarsiuunneqarpoq.
Aaqqissuussaanikkut atorfik akiliisitsiniartarnermut immikkoortortaqarfinni sinnerissap ilaani inissisimassalluni.
Suliassat:
Pingaarnertut akiliisitsiniartarfimmi sulisut ulluinnarnilu akiliisitsiniarnermi sulianut suleqatigisat ilitsersuunneqartarnissaannik akisussaaffik. Saniatigut allaffimmi pisortaq aammalu ingerlatsinermi aqutsisup aappaa, immikkoortortamilu pisortaq suleqatigalugit. Akiliisinnaajunnaarnermi suliassat, inatsisinik paasisitsiniaaneq, suliassanillu oqimaannerusunik suliaqarneq. Taamaattumillu nammineerluni suliassanik suliarinnissin-naanissamut piginnaasaqarnissaq naatsorsuutigineqarluni, aammalu ajornanngippat akiliisitsiniar-tarnermi inatsisinut attuumassutilinnut ilisimasaqarnissaq, naatsorsuusiornermullu paasinnissin-naaneq, kiisalu pitsaasumik oqaasiliorsinnaanermut isumaqatigiissuteqarniarsinnaanermullu piginnaasaqarnissaq.
Taamatuttaaq akiliisitsiniartarnermi suliassanut tamanut peqataasassaatit, akileraartarnermut Aqutsisoqarfimmi immikkoortortaqarfiit allat suleqatigalugit.
Saaffiginnittunik sullisserusuttuussaatit. Nutaanik ilinniagaqassallutit soqutigisarissavat, suliassa-nillu nutaanik suliaqassallutit akunnattoorfigissanagu. Atorfinititsinermut atatillugu suliassanut qulaani taaneqartunut ilinniartinneqassaatit.
Akiliisitsiniartarnermi immikkoortortaqarfimmi pisortanut akiitsunik tamanik akiliisitsiniaaneq ingerlanneqartarpoq.
Akiliisitsiniartarnermi immikkoortortaqarfik katillugit 28-inik sulisoqarpoq. Illoqarfinnilu ukunani inissisimallutik: Nuuk, Qaqortoq, Maniitsoq, Sisimiut aammalu Ilulissat. Taakkunanngalu qulit suliffeqarfinnut tunngatillugu akiliisitsiniaasarlutik.
Akiliisitsiniarnermi allaffimmi pisortaq qaninnertut aqutsisorissavat.
Piginnaasat:
Naatsorsuutigineqarpoq allaffimmiutut assigisaanilluunniit ilinniagaqarsimanissat, assingusumillu misilittagaqareersimanissaq, kiisalu qarasaasiamik atuisinnaanissat, namminersorlutillu sulisinnaa-nissat, peqataalluartuunissat, aalajaallutillu akisussaaffeqarluartumik sulisinnaanissat.
Kalaallisut/qallunaatut/tuluttullu piginnaasaqartuunissaq iluaqutaassaaq.
Kalaallit kulturannik inuiaqatigiinnilu pissutsinik ilisimasaqarnissaq piumasarineqarpoq.
Atorfimmut ilisimasaqareerneq, inatsisitigut naatsorsuuserinermut paasinnilluarsinnaaneq.
Atorfik pillugu saaffiginniffissaq:
Atorfik pillugu apeqquteqartoqarsinnaavoq uunga allaffimmi pisortaq Anne H. Heilmann oqarasuaat toqqaannartoq +299 34 55 13 / mail: annh@nanoq.gl
Qinnuteqaat ilinniarsimanermut paasissutissat, siusinnerusukkut suliffigisimasat soraarummeersimanermullu uppernarsaatit nuutinneri ilanngullugit nassiunneqassapput:
Namminersorlutik Oqartussat
Akileraartarnermut Aqutsisoqarfik
Postbox 1605, 3900 Nuuk
Imaluunniit nittartagaq www.naalakkersuisut.gl aqqutigalugu
Piffissaq qinnuteqarfissarititaasoq kingulleq:
Qinnuteqaatit Akileraartarnermut Aqutsisoqarfiup kingusinnerpaamik tigoreersimassavaa 18. Oktober 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.