Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilaatigut Ilinniartitaanermut Siunnersuisoqatigiit pilersinneqarnissaannut atatillugu AC-Fuldmægtigimik imaluunniit Immikkut siunnersortimik inuttassarsiorneq
Piaartumik atorfinitsitsisoqassaaq
Kalaallit Nunaanni ilinniarfinnik pitsaanerusunik pilersitseqataarusuppit? Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfik ilaatigut Ilinniartitaanermut Siunnersuisoqatigiinnik pilersitseqataasussamik, taassumunngalu allattoqarfimmiusut sullissisussamik ilaatigullu ingerlaqqiffiusumik ilinniartitaanerni angusat ineriartortinnissaannut, angusanik pissarsiniartartussamik patajaallisaaqataasussamik nutaamik suleqatissarsiorpoq.
Atorfiup imaa:
Kalaallit Nunaanni Ilinniarnermut Siunnersuisoqatigiit:
Siunnersuisoqatigiit pilersinneqarnerat, ineriartorneq taamatullu attaveqarfissanik pilersitsineq, suleqatigiinneq suleriusissarlu, siunnersuinermik sullissinermik ukkataqartumik suliaqarneq, ataatsimiinnissanik aaqqissuussineq, saqqummiineq il.il. taamatullu misissueqqissaarnissanik nalunaarusiornissanullu aaqqissuussineq.
Ingerlaqqiffiusumik ilinniarnerit:
Suliassanik, saaffiginnissutinik, tusarniaassutinillu suliarinninneq, aammalu Inatsisartut ataatsimiititaliallu Naalakkersuisoqarfimmut suliakkiissutaannik suliaqarneq tamatumalu saniatigut paasissutissanik katersineq, suliaqarneq misissuinerlu kiisalu ingerlaqqiffiusumik ilinniartitaanernik ataqatigiissaarineq.
Pingaarnertut suliassatut akisussaaffigisassat ukuupput:
Kalaallit Nunaanni Ilinniartitaanermut Siunnersuisoqatigiinnut ingerlaqqiffiusumillu ilinniartitaanernut tunngasut suliarinerat.
Naalakkersuinikkut sullissineq, soorlu allakkialiorneq, nassuiaasiorneq, nalunaarusiorneq, nalunaarusiorneq, oqalugiaasiorneq, tusagassiorfinnullu nalunaarutissanik suliaqarneq
Sulisitsisuni, ataatsimiititaliani, suleqatigiinni siunnersuisooqatigiinnilu ataatsimiinnerni peqataanerit
Suliassaqarfinni assigiinngitsuni ineriartortitsinermi suliniutinik peqataaneq
Paasissutissanik katersuineq, suliaqarneq paasissutissanillu misissueqqissaarneq
Naalakkersuisut Inatsisartullu suliassaanik qulakkeerinninneq
Ilinniartitaanermut tunngasuni suliassat takkussuuttut malillugit suliaqarneq
Inuttut pisinnaasatit
AC-fuldmægtigissarsiorpugut/immikkut siunnersortissarsiorpugut, suliamut tunngatillugu soqutiginnittumik, suleqatigiinnut suleqatigiilluinnartunut ilanngunnissamut piumassuseqarlunilu piginnaaneqarluartoq, ineriartortitsinermik qaffasissumik pingaartitsisoq. Peqatigitillugu pissarsiariniarparput suliamut tunngatillugu isumannaatsumik sulinissaminut tulluusimaarutiginnittoq aaqqissuussamillu suliassaminnut pulasinnaasut. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.
Kissaatigaarput, illit:
Kandidatitut qaffasissusilimmik attuumassutilimmik ilinniagaqartutit.
Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
Aningaasaqarnermik naatsorsueqqissaarnermilu suliaqartarnermik ilisimasaqartutit.
Ataatsimut isiginnittariaatsimik pitsaasumik piginnaaseqartutit ulapaarfimmilu sulisinnaalluartutit.
Kalaallit Nunaanni inuiaqatigiit pillugit sukumiisumik ilisimasaqassasutit
Ajornanngippat kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit.
Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
Naalakkersuisoqarfik aamma ilinniartitaanermut immikkoortortaq pillugit
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassai amerlaqaat - Naalakkersuisumik sullissinermit oqartussaaffimmik aqutsineq ilanngullugu. Ataatsimut isigalugu suliassaqarfimmi inuiaqatigiinni ilinniarsimassuseq qaffassarniarlugu kulturikkullu nukittorsaalluni sulisoqarpoq. Naalakkersuisoqarfimmi 35-t missaat atorfeqarput, taakkunani qulit missaat ilinniarnermut immikkoortortaqarfimmiillutik.
Akissarsianut atorfininnermilu pissutsit
Atorfik AC-Fuldmægtigtut inissisimavoq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq. Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiillu isumaqatiginninniarsinnaatitaasup akornanni isumaqatigiissutit/isumaqatigiissut atorfininnerup nalaani atuuttut naapertorlugit pissapput.
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.
Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. E-mail aqqutigalugu qinnuteqaatit nassiussat tiguneq ajorpagut.
Qinnuteqarnissamut piffissaliussaq: 22. september 2024, attaveqarfissaq: Immikkoortortami pisortaq Trine Egede, oqarasuaat 559147