Ilinniarnermi aqqutissiuussisoq
Greenland Business School ilinniarnermi aqqutissiuussisumik pissarsiorpoq
Ilinniarnermi aqqutissiuussisoq ilinniarfimmut ilisimasaqarluartumut eqeersimaartumullu, ilinniakkanik siammasissunik arlalinnik inuussutissarsiutinut sammivilinnik neqeroorutilik. . Eqimattaavugut, nukittuut, nutaaliortut tunniusimasullu, tatiginninneq, qanimut suleqatigiinneq, nutaamik eqqarsartut aammalu qaffasissumik suliatigut piginnaasaqarneq ilinniarfimmi qitiutinneqarpoq. Aqqutissiuussineq soqutigisaqarpit? Ilinniartunik siunnersuinissamik, ilinniakkamillu toqqaanissaannik aqqutissiuussineq soqutigaajuk? Taava illiuvoq ujangarput.
Suliassatit…
linniartunut aqqutissiuussisutut suliassatit assigiinngiiaarput, taamaattumillu nammineersinnaassusermik aammalu suleqatit akimorlugit sulisinnaanermik pisariqartitsilluni, Ullormut ilinniartunik, ilinniartitsisunik, ilinniarnermut nakkutilliisunik, aqutsisunik aammalu avataani attaveqaatinik attaveqartassaatit. Aqqutissiuussisutut siullerpaamik akisussaaffigissavat, ilinniartut siunnersorlugillu aqqutissiuunnissai maani ilinniarfimmi. Aammalu qinnuteqartunik suliaqarnermi peqataasassaatit, minnerunngitsumillu ilinniarfiup ilinniakkat neqeroorutai pillugit avataaniik saaffiginnissutit suliarisassallugit. Majoriamik aammalu meeqqat atuarfiinnik attaveqaasiorneq salliutinneqarluni suliassaavoq. Suliassallu ilagaat atortut soorlu Lectio aammalu It-reg, kiisalu naatsorsueqqissaarnermut atortunik inerisaaneq. Sullissinermi pisariqarpoq, immikkoortortaqarfiit akimut suleqatiginissai, taassumalu saniatigut sulianik immikkut eqqumaffigisassanik tamamakkiisumik isiginnissinnaaneq. Allaffiup aqutsisua attaveqaatigissavat.
Kissaatigaarput…
- Naleqquttumik ilinniagaqarsimassasutit, saniatigut ilinniarnermut-, inuussutissarsiutinullu tunngasunik aammalu aqqutissiuusinermut tunngasunik ilinniagaqarsimassasutit / pikkorissarsimassasutit.
- Aqqutissiuussinermik nuannarisaqarpit misilittagaqarlutillu, ilisimasaqarpittaaq inuussutissarsiornermi ilinniakkanik, kiisalu nunatsinnit ilinniatitaaneq ilisimasaqarfigaajuk
- Nammineq sulinermik, torersumillu suleriaaseqarnermik piginnasaqarpit
- Qarasaasimut tunngasunik ilisimasaqarnissat aamma Office-pakke-mik atuilluarsinnaasoq.
- Kalaallisut qallunaatullu oqalulluarsinnaanissat piginnaasaqarnissat pingaaruteqarpoq.
- Pisuni tamani pinngaaruteqarpoq, suleqataalluarnissat, suleqatinut ilinniartunullu, ilinniarfimmi ingerlalluartumi aammalu ulapaarfiusumik peqataanissat.
Neqeroorutigaarput…
Inuussutissarsiornermi ilinniarfimmi ineriartorfiusumi tamakkiisumik suliffik, inuttullu ineriartornissamik, pikkorissarnerit aammalu ilinniaqqinnerit aqqutigalugit ineriartornissamut periarfissalik. Suliassat unamminartut pissaganartut, pikkorissunillu tunniusimalluartunik isumassarsiorluarfiusunik nutaaliortunillu suleqateqarneq, ulluinnarni sulinermi qiimaneq ilaalluinnarluni.
Sap.ak. suliffiusoq nal. ak. 40-upput, atorfiup inuttalerneqarnissaa 1. januar 2025 kissaatigineqarpoq, imaluunniit isumaqatigiissuteqarnikkut.
Paasissutissat allat
Ilinniartunik aqqutissiuussisutut maani atorfeqalernissat takorloorsinnaagukku allanillu atorfimmut tunngasunik paasisaqarusullutit, ilinniarnermi aqqutissiuussisoq Sonja Christensen oqarasuaat 34 25 72 atorlugu attaveqarsinnaavutit, imaluunniit soch@gbs.gl –imut mail-erlutit.
Greenland Business School pillugu paasissutissat uani www.ninuuk.gl atuakkit.
Qinnuteqaat
Qinnuteqarfissaq kingulleq 5. novemberl 2024. Qinnuteqartunik oqaloqatiginninnerit qinnuteqarneq naappat ingerlanneqassapput.
Tusarfiginissat qilanaaraalugu!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job