ILINNIAGARTOOQ INUIT PISINNAATITAAFFIINIK NUNATSINNILU PISSUTSINIK ILISIMASALIK MISISSUEQQISSAARSINNAANERMUT NUKITTUFFILIK NUUMMI ALLAFFIMMI SULISUSSAQ
Inatsisilerinermut inuaqatigiilerinermullu tunngasumik tunuliaqutaqarpit, namminersorlutit sulisinnaavit inuillu pisinnaatitaaffii nunatsinnilu pissutsit ilsisimasaqarfigaagit? Taamaassappat nunatsinni inuit pisinnaatitaaffiinut tunngasut sunniuteqarfigeqataasinnaassavatit.
Danmarkimi nunatsinnilu inuit pisinnaatitaaffiinut tunngatillugu nakkutilliinissaq nalunaarusiornissarlu, arlaannaannulluunniillu attuumassuteqanngitsumik, ilaatigut Danmarkimi nunatsinnilu pisortanut, Naalagaaffinnut Peqatigiinnut, EU-mut Europamilu Siunnersuisoqatigiinnut siunnersuinissaq, Inuit Pisinnaatitaaffii pillugit Instituttip suliassarai.
Ilinniagartuumik nunatsinni najugaqartumik, naapertuuttumik ilinniagalimmik (inatsisilerineq/ inuaqatigiit pillugit ilisimatusarneq assigisaaluunniit) inuillu pisinnaatitaaffiinik nunatsinnilu pissutsinik ilisimasalimmik pissarsiorpugut. Suliniutinik aqutsinermik misilittagaqarneq iluaqutaassaaq.
Institutimi inatsisilerinermut immikkoortortap arfineq marlunnik sulisoqartup marlunnillu ilinniakkamut sammititamik ikiortitut sulisunik marlunnik sulisullip ataani sulilissaatit. Suleqatigiinneq, ilinniakkatigut siunersioqatigiinneq inuiaqatigiinnilu akuuneq pingaarteqaagut.
SULIFFIK
Suliassatit ilaatigut makkuussapput:
- Tusarniaassutinut akissussiorneq, Inatsisartunut Naalakkersuisunut, Folketingimut danskit naalakkersuisuinut kiisalu Naalagaaffiit Peqatigiit suliniaqatigiiffiinut, inuttut pisinnaatitaaffinnut tunngasunut naapertuuttunut - nammisorsuutigalugu allanillu suleqateqarlutit- nalunaarusiorneq.
- Inuit pisinnaatitaaffii pillugit sullissivinniit innersuussutinut naapertuuttunut malitseqartitseqataasinnaasunik, nunatsinni inuit pisinnaatitaaffii pillugit misissueqqissaarnerit isummersuinerillu.
- Nunatsinni inuttut pisinnaatitaaffiit ineriartornerannut malinnaaneq, tamatumunngalu atatillugu inatsisilerinermut tunngatillugu ajornartorsiutit pillugit Institutimi suleqatinik siunersioqateqarneq.
- Kalaallit Nunaanni Inuit Pisinnaatitaaffii pillugit Siunnersuisoqatigiinnik inuttullu pisinnaatitaffiit pillugit iliuuseqartussanik allanik naapertuuttunik- soorlu oqaaseqartartoqarfinnik suleqateqarneq.
ILLIT
Ilinniagaqassutsikkut nukittuujussaatit oqariartuuteqallaqqissuullutillu, sulianillu arlalinnik ataatsikkut ingerlataqarsinnaassallutit. Paasisassanut nutaanut inuttullu pisinnaatitaaffinnut tunngatillugu ajornartorsiutinik ingerlatitseqqiinermik pikkoriffeqarneq pingaaruteqarpoq. Tamatuma peqatigisaanik nunatsinni aammattaaq nunani tamalaaniusinnaasoq iliuuseqartussanik assigiinngitsorpassuarnik suleqateqarsinnaassaatit.
Nunatsinni inuttut pisinnaatitaaffinnut tunngatillugu pisussaaffiit ilisimaarilluarnerat, inuttullu pisinnaatitaaffiit pillugit aaqqissuussinernut nalunaarusiortarnerup ilisimanera iluaqutassaaq.
Ilinniakkat akimorlugit suleqatigiinneq nuannarissavat suliamillu isumassarsinermiit naammassinissaata tungaanut aqutsineq nuannarissallugu.
Namminersorlutit aaqqissuussamillu suleriaaseqarnissat pingaartipparput. Suliassanik misissueqqissartuussaatit, inuillu pisinnaatitaaffii pillugit suliaqarneq pissanganartutut isigalugu.
Pingaartipparput:
- Kandidatitut naapertuuttumik ilinniagaqarnissat
- Nunatsinni pissutsinik ilisimasaqarluarnissat
- Misissueqqissaarsinnaanermut kakkattuunissat
- Ingerlatitseqqiisinaalluarnissat
- Ukiuni arlalinni suliffinni naapertuuttuni misilittagaqarnissat
- Namminersorluni sulinermik angusaqarusussuseqarnermillu nuannarinninnissat
- Ilinniakkat akimorlugugit suleqatigiinnermik misilittagaqarnissat
- Suliniutinik aqutsinermik misilittagaqarnissat
Kalaallisut, danskisut tuluttullu oqaatsitigut piginnaaneqarneq iluaqutaassaaq.
AKISSARSIAT ATORFININNERMILU ATUGASSARITITAASUT
Tunngaviusumik fuldmægtigitut atorfinitsinneqassaatit.
Atorfik piffissaq suliffiusartoq tamakkerlugu sap. ak. agguaqatigiissillugit nal. ak. 40-it suliffiussaaq. Akissarsiat atorfeqarnermilu atugassarititaasut, Finansministeriap kattuffiullu isumaqatiginninniarsinnaatitaasup naapertuuttup akornanni isumaqatigiissut atuuttoq naapertorlugu aalajangersagaapput.
Piumasaqaataasut piginnaasatillu naapertorlugit tapisiaqarnissaq isumaqatiginninniutaasinnaavoq.
Suliffik Nuummiippoq. Suliffimmut atatillugu inissamik neqeroortoqanngilaq.
QINNUTEQRAFISSAQ KINGULLEQ ATORFINIFFISSARLU
Qinnuteqarfissaq kingulleq: 06.12.2024. Qinnuteqartunik oqaloqateqarnerit sap. ak. 50-51 ingerlanneqarnissaat internetsikkullu ingerlanneqarsinnaanissaat naatsorsuutigineqarpoq. Atorfiniffissaq: sapinngisamik piaarnerpaamik.
Qinnuteqaat CV soraarummeernermullu uppernarsaatit, bachelorinngornermi kandidatinngornermilu karakterit ilanngullugit, attavissaq quppernermi matumaniittoq atorlugu nassiunneqassapput. Qinnuteqaatit ilannguteqqusanik ilaqanngitsut ilanngunneqassanngillat.
ATTAVISSAQ
Atorfik pillugu apequtissaqaruit inatsisilerinermut immikkoortortami pisortaq Marya Akhtar mailikkut: maak@humanrights.dk imal. oqarasuaatikkut:+45 91325761 attavigissavat.
Inuit Pisinnaatitaffiinut Instituti; Danmarkimi, nunatsinni nunanilu allani inuit pisinnaatitaaffiinik assigiimmillu pineqarnissamik siuarsaasuuvoq illersuisuullunilu. Pitsannguutinik ataavartussanik qulakkeerinissaq suliniutigaarput. Suleqatigiinnikkut oqaloqatigiinnikkullu angusaqartarpugut. Naatsumik oqaatigalugu: Inuit taakkulu pisinnaatitaaffii sorsuutigaagut.