Igaffimmi pisortaq

Katuaq – Kalaallit Nunaanni Kulturip Illorsua igaffimmi pisortassamik aqutsisinnaalluartumik misilittagartuumik angusaqarumasuusumillu pissarsiorpoq.

Café- aamma Konferencechefi toqqammavigalugu iggaviup ulluinnarni ingerlanneqarnera akisussaaffigissavat tunngavigalugit iggavimmi sulilluarlutik sulisuusut, igaffimmiut arfinillit, igasutut ilinnniartut marluk kiisalu erruisut marluk.

Pisariaqartipparput pisortaq mikisualunnik takunnissinnaasoq, pitsaassutsimillu aalajaatsuutitsiumasuusoq. Kalaallit nerisassaataat sumiiffigisamilu nungusaataanngitsumik ingerlatsinissaq tunngavigalugit sulivugut aammattaarlu piniartunik attaveqarneq niueqateqarnerlu ingerlallugit.

Illit qanoq ittuunissat:

• Nutaaliortuussaatit isumassarsiortuullutillu, nunatta pissarititaanik nerisassioriaasianillu inerisaaqqinnissamik ingerlatitseqqittussaq.

• Igasutut ilinniarsimasuussaatit akisussaaffeqarnissaq aqutsinissarlu orniginartuutitarissallugit.

• Siornatigut assingusunik suliaqarsimassaatit, soorlu pisortamut tulliusimasuusinnaallutit.

• Misilittagartuujussaatit, iggavimilu paasissutissiiuarnissaq qulakkeersimassallugu.

• Aqutsineq misilittagaqarfigissavat isumannaarsinnaassallugulu sullissinerup ajunngitsumik pitsaassuseqqarnissaa.

• Ulapporissuussaatit.

• Akisussaaffigissavat iggavimmi nakkutilliisarnissamut programiliuussinissaq isumannassallugulu sulliviit avatangiisaannut malittarisassiaasut malinneqarnissaat.

• Aningaasanik aqutsisinnaasuussaatit, aamma iggavimmi angusassat ilisimaarissavatit kiisalu nerisassiat sananeriniit tunineqarnissaannut ilisimaarinnittuussallutit.

• Aqqissuussaalluartumik suleriaaseqassaatit pilersaarusiullaqqissuussallutillu, aamma sulisut nikittaanissaannik pilersaarusiortarnissat ulluinnarnilu ingerlatsinermi sulisussanik pisariaqartunik pilersaarusiuussisarnissat.

• Iggavimmi akuussaatit piffinnilu ulapaarfiusuni akuunissarnut piareersimassallutit.

Uagut neqeroorutigaagut:

• Suliffik soqutiginartoq ineriartortuaannartor allanngorarfiujuaannartorlu.

• Suleqatit pikkorissut imminnut ikioqatigiilluartut.

• Suliffimmi atugassarititaasut pitsaasut, iggavik nutaat atortuutillu pitsaasut.

• Menu-mut aaqqissuussinermilu akuuneq sunniuteqaqataanerlu.

• Piginnaanerit tunngavigalugit akissarsiaqartitaaneq.

Allanik paasisaqarusukkuit:

Atorfik pillugu apeqqutissaqaruit, tikilluaqqusaavutit uunga saaffiginninnissamut: Café- og konferencechef Arnarissoq Christensen, mobil +299 53 29 11 imal. mail konference@katuaq.gl

Qinnuteqarneq:

Atorfimmut piukkunnartuuit? Taamaappat CV-t atorfimmullu qinnuteqaammik nassitsivigisut kingusinnerpaamik 24. januar 2025, uunga ingerlatitsillutit: fung. Økonomi- og HR chef Anna Heilmann mail: anna@katuaq.gl 

Katuaq pillugu:

Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.