HR-imi ineriartortitsinermi suleqatigisaq
Ataani piginnaasat ilaat misilittagaqarfigigukkit, qinnuteqaativit tigunissaa qilanaarissavarput.
Piginnaasanik aaqqissugaanermillu ineriartortitsinermut, suliassaqarfiillu assigiinngitsut aqqutigalugit aqutsinermut tunngasunut immikkoortortaqarfimmi pissanganartumi eqeersimaarfiusumilu sulerusuppit?
Namminersorlutik Oqartussat Qitiusumik allattoqarfiani sulisorpassuit pikkorissut, tamarmik sulianut tunngasutigut inuttullu assigiinngiiaartorpassuit naapikkusuppigit?
Aqutisunik ineriartortitseqataarusuppit suliffigissaanerlu suliarerusuppigit?
Uagut ilinnut neqeroorutigisinnaavarput immikkoortortaqarfik neriartorfiusoq sulisunillu ineriartornissamik periarfissiisoq.
Sulisunik piginnaanngorsaanermik allaffik aaqqissugaanikkut Naalakkersuisut Siulittaasuata Naalakkersuisoqarfiani inissisimavoq. Piginnaasanik ineriartortitsinermik, sulisussarsiortarnermik suliffigissaanermik Namminersorlutik Oqartussani tamarmi suliaqartarpugut. Allaffimmi suleqatigiit arfineq pingasut peqatigalugit HR-Ineriartortitsinermut tunngasunik Namminersorlutik Oqartussanut immikkoortortaqarfiup anguniagaasa anguneqarnissaannik suliaqartartussaassaatit.
Atorfinni aalajangersimasunik akisussaaffeqassaatit, kisiannili peqatigisaanik suliavit ilagissavaat suliffiup iluani aammalu naalakkersuisoqarfiit aqutsisoqarfiillu akimorlugit suleqatigisatsinnik sulianut tunngasutigut siunnersueqatigiittarnernik ikiorsiisarneq.
Pingaarnertut suliassatit:
Sulissutiginiakkanik Namminersorlutik Oqartussani sulisunik suliinnartitsiniarnermut qulakkeerinnissutaasunik pilersaarusiorneq ataqatigiissaarinerlu
Namminersorlutik Oqartussani naalakkersuisoqarfinni aqutsisoqarfinnilu allani HR-Partneritut sulineq
Sulisoqarnermut najoqqutassianik pilersaarutinillu ineriartortitsisarnerit, taakkununnga ilaallutik suliassaqarfiit assigiinngitsut aqqutigalugit aqutsineq aamma siunnerfilimmik politikkeqarneq
HR-ip ineriartortitsinermik suliassaanut, soorlu suliarisartagaanik ilisimannitsitsilerniarluni sulisussarsiorlunilu, ikiuunneq.
Illit piginnaasatit
Siunnerfilimmik misissueqqissaarnermik ataqatatigiissaarinermik oqaaseqaatiliorsinnaanermillu allannikkut oqaatsitigullu piginnaasalik.
Ajornanngippat Sulisoqarnermut ineriartortitsisarnertigut suliassanik misilittagaqarneq
Periutsinik amerlasuunik pitsaasunillu ilisimasaqarneq
Attaveqaqatigiilersitsisinnaassuseqarneq
Tatiginarlutillu saaffigiuminartuussaatit
Akisussaassuseqartoq
Aallarneerusussusilik
Sunniuteqarluartumik suleqateqallaqqissoq
Eqqortumik suleriuseqarnermik pingaartitsisoq
Tamanna iluaqutaassaqaaq, kisianni piumasaqaataanngilaq
Kalaallit kulturiannik ilisimasaqarluarneq aammalu kalaallinik inuiaqatigiinni kiisalu pisortaqarfiit suliffeqarfiutaannik
Kalaallisut/danskisut marluinnik oqaatsitigut piginnaasaqarneq
Pikkorissaanermik aaqqissuussinermilluunniit misilittagaqarneq.
Atorfinitsitsineq:
Ulloq 18. september 2022 qinnuteqarnissamut killigititaavoq
Oqaloqatigiinneq pissaaq ataavartumik
Kissaatigineqarpoq HR-imi ineriartortitsinermi suleqatissaq piaarnerpaamik atorfinissasoq.
Apeqqutit qinnuteqaallu:
Atorfik pillugu apeqqutissaqaruit tikilluaqquneqarputit attavigissallugu suliamut tunngasunik aqutsisoq Steen Lynge ugguuna stly@nanoq.gl, oqarasuaat. +299 346963.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.