GUX Nuummi piffissami killilimmi allaffissornermi suleqatissatut atorfik
GUX Nuummi allaffeqarfimmi oktobarip 1-iani 2024-mi aallartittumik imaluunniit isumaqatigiissuteqarnikkut allaffissornermi suleqatitut atorfik inuttaarutissaaq. Pineqarpoq piffissap ilaani sapaatit akunnerannut nal. akunnerini 13,5-ini suliffiusoq atorfik, aggustip 31-anut 2025-mut killilimmik atorfiusoq.
GUX Nuuk Kalaallit Nunaanni ilinniarnertuunngorniarfiit annersaraat ukiumilu atuarfiusumi utaami 500-t miss. atuartoqarluni atuarfiusuni ukiuni pingasuusuni arfineq-pingasunik immikkut ingerlaveqartuusoq, ilinniartitsisunit 50-it miss. atuartitsisoqarluni aamma 15-it miss. PAM-init. Atuartuutivut ilinniakkatigut aamma inuttut atugarisatigut assigiinngitsorujussuupput, ataatsimulli takorluugaqartuullutik, tassalu ilinniarnertuunngornissaq.
Atuarfimmut atasunik arlalinnik kollegiaqarpoq, aamma atuartussarsiortarneq pisarpoq kangiani Tasiilamiit kitaani kujataanut Paamiunut, atuartulli amerlanerpaartaat Nuummeersuullutik. Atuarfimmi oqaatsit marluiit atorlugit atuartitsisarpugut aamma atuartitsineq kulturimik aallaaveqarluni atuartunillu qitiutitsineq atuarfiup ingerlanneqarnerani pingaartinneqartuuvoq.
Allaffimmi suleqatissarsiorpugut suliartornissaminut aalajaatsuusumik isumagissaartumillu, ulluinnarni ilaannikkut ulapaarfiusuni tamanik malinnaasinnaassuseqartumik. Suleqatissaq atuarfimmi atuartunut suleqatinullu ikiuerusussuseqartuussaaq, aaqqissuussilluarluni aamma namminersorluni suleqatit qanimut suleqatigalugit sulisinnaasumik.
Suleqatitaassarput attaveqaqatigisarpassuaqartassaaq suliassarpassuarnillu assigiinngitsunik suliaqartassalluni, taamaammat pingaartuuvoq illit suliassat allanngorartuusunut malinnaasinnaanissat piffissarlu suliffigisat aaqqissortarsinnaanissaa, taamatut suliassat naammassinissaasa tungaannut malinnaaffigisinnaallugit.
Suliassatit pingaarnerit allaffimmi suleqataasut allat peqatigalugit makkuussapput:
Atuartunit, suleqatinit aamma avataanit telefonikkut mailikkullu saaffiginnissutinik misissuisarnissaq suliaqartarnissarlu
Atuartut, atorfillit aamma avataaneersut angalanissaannik inniminniisarnissaq
Allakkanik agguaassisarneq
Ilinniarnertuunngorniarfiup soraarummeerutaanut atatillugu allaffissornermi suliassanik suliaqartarneq, tassunga ilanngullugit soraarummeernermi uppernarsaatit aamma karakterit Lectiomut allattortarnissaat
Suliassat takkuteriasaartut
Naatsorsuutigaarput illit tassaasutit:
Allaffissornermi tulluartumik ilinniagaqartuunissat, aamma allaffissornermi suliassanut assingusunik misilittagaqartuunissat
Soorlu assersuutigalugu Excelimik, Wordimik ilisimasaqarluartuunissat, aamma ulluinnarni IT-mut tunngasunik atortunik assigiinngitsorpassuarnik suliaqartarsinnaanissat, pisariaqartinneqarpat uagut ilinniartitsissaagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut Ilinniartitaanermut Aqutsisumut Maureen Hendrikximut telefon +299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.
Ingerlaavartumik oqaloqatiginnittoqartassaaq.
Qinnuteqaatit CV ilanngullugu aamma soraarummeersimanermut uppernarsaatit nassiutikkit kingusinnerpaamik pingasunngornermi oktobarip 30-ani 2024 portali aqqutigalugu.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.