GUX Nuuk Kollegianut Aappalaartumut inulerisumik sulisussarsiorpoq
Inuusuttunik sullissinissaq nuannarisaraajuk, uagullu kollegiami ineqartunut atuartuutitsinnut pitsaasunik avatangiiseqartitsinissamut peqataarusullutit, taamatut ilinniarnertuunngorniarlutik atuarnerminnik naammassinninnissaminnut pitsaanerpaanik atugaqartitsissinnaajumallugit? Taava illit immaqa tassaavutit uagut inulerisutut suleqatissarput.
Nuummi Qeqqani Ilinniarnertunngorniarfimmi oktobarip ulluisa 15-iannit 2024 imaluunniit pilertornerpaamik tamatuma kingornatigut ilinniarnertuunngorniarfiup ilinniarfiup ilinniartunut ineqarfiutaani Aappalaartumi inulerisutut atorfimmut piffissami killiligaasumi sulisussarsiorpugut.
GUX Nuuk Kalaallit Nunaanni ilinniarnertuunngorniarfiit annersaraat ukiumi atuarfiusumi nutaami 500-t miss. ilinniartoqarluni ingerlatsivinni arfineq-marluusuni ukiuni pingasuni atuarfiusuni. Taakku ilinniartitsisunit 55-it miss. atuartinneqartarput. Atuarfimmi aammattaaq PAM-inik 15-it miss. atorfeqartitsisoqarpoq. Atuartuutivut ilinniakkatigut aamma inuttut atugarisatigut assigiinngitsorpassuarnik atugaqartitsipput, kisianni ataatsimut takorluugaqarlutik; tassalu ilinniarnertuunngornissaminnik.
GUX Nuummut atasumik kollegiaqarpoq: Kollegia Aappalaartoq. Kollegia marlunnik illutaqarpoq, taakkunanilu atuartut 90-it missaanniittut najugaqarput ataatsimik aamma marlunnik initalinni. Atuartut Kalaallit Nunaannit tamaneersuupput 15 – 25-t tungaannut ukioqarlutik.
Uagutsinni inulerisutut nutaatut suleqatitut isumassuinermik, aamma suliassat nalinginnaasut isumaginninnermillu suliassat kollegiami atuartuutitsinnut sullissutigisassavatit. Uagutsinnut pingaartorujussuuvoq kollegiami atuartuutitsinnut ilinniarnerminni aamma inuttut atugaqarnerannut pitsaasunik avatangiiseqartitsinissaq.
Atorfik sapaatit akunnerannut nalunaaquttap akunnerinut 40-nut naatsorsuussaavoq piffissat suliffiusut nikerartuullutik, ulluinnarni aamma sapaatit akunnerata naanerani piffissami nal. 07 – 22 akornanni. Taamaammat sapaatip akunnerata naanerani aamma unnukkut suliffiusarput, suliassat ilarparujussui piffissap atuarfiusup avataaniimmata. Atorfik inuttassarsiuussaq 31. Oktober 2025-mut killiligaavoq.
Illit suleqatigiit inulerisut pingasut ilagilissavaatsit, taakku ilinniarnertuunngorniarfiup aqutsisuinik, atuartunut siunnersuisartunik, ilitsersuisunik aamma psykoterapeutimik qanimut suleqateqartuullutik. Suleqatigiit atuartut, ilinniarnertuunngorniarnerminni immikkut tapersersorneqarnissaminnik pisariaqartitsisut, qitiutillugit qanimut suleqatigiittuupput.
Naatsorsuutigaarput:
Illit inulerisutut ilinniagaqartuusutit, soorlu assersuutigalugu inunnik isumaginninnermik imaluunniit isumaginninnermi pædagogitut
Illit naatsorsuutigissavat kollegiami najugaqartunik atuartunik suliaqarninni kajungilersitsisarsinnaanissat, sammisaqartitserusussinnaanissat, peqataatitsisarsinnaanissat aamma naalakkiisinnaanissat
Illit naatsorsuutigissavat taamatut atorfeqarnermi piffissat suliffiusut nikerartarsinnaanerat aamma ataatsimut isigalugu suliassat allanngoriasaartarnissaannut piareersimasuunissat
Kollegiami atorfilinnik allanik aamma aqutsisunik allanik suliaqartartunik qanimut suleqateqartarnissat naatsorsuutigissagit, unamminartunik pisoqaraangat pisut tunngavigalugit tamatumani iliuuseqartarpugut
Inoqatinnut akuersaarpasittutut pissuseqartarnissat, apeqqutaatinnagu atuartuunersoq imaluunniit suleqataanersoq
Inuusuttunut pitsaasumik attaveqaqatigiissinnaanerit aamma tatigeqatigiinnermik pilersitsisinnaasutit
Iluaqutaassaqaaq kalaallisut oqalussinnaaguit
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut pissarsiarineqarsinnaapput ilinniarnermi aqutsisumit Maureen Hendrikximut telefonikkut saaffiginninnermi: +299 256102 imaluunniit rektorimut Hanne Larsenimut telefonikkut saaffiginninnermi: +299 363396.
Qinnuteqartut ingerlaavartumik eqqartorneqartassapput, soorlu aamma qinnuteqartunik toqqakkanik ingerlaavartumik oqaloqatiginnittoqartassasoq kingusinnerpaamik sap. ak. 41-mi.
Qinnuteqaatit CV-t aamma soraarummeernermut allagartat ilanngullugit portal aqqutigalugu kingusinnerpaamik ataasinngorneq ulloq oktoberip ulluisa arfineq aappaanni 2024 nalunaaqutaq 12.00 nassiunneqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.