GUX Nuuk ilinniartitsisussarsiorpoq kalaallisut fagini
GUX Nuummi ilinniarfimmi kalaallit oqaasiinik ilinniartitsisutut atorfik piffissaq tamakkerlugu suliffiusussaq inuttassarsiorneqarpoq, atorfinitsitsineq 1. december 2024 imaluunniit isumaqatigiissuteqarneq tunngavigalugu aallartissaaq. Atorfik aalajangersimasuuvoq allatulli isumaqatigiissuteqarneq periarfissaavoq, soorlu assersuutigalugu piffissap ilaani sulisarnissaq imaluunniit piffissami aalajangersimasumik sivisussusilimmi atorfininnissaq.
GUX Nuuk Kalaallit Nunaanni ilinniarnertuunngorniarfiit annersaraat, toqqagassanilu arfineq marluusuni ukiuni pingasuni ingerlanneqartartuni ukiup atuarfiusup aallartinnerani 500-t missaani ilinniartoqarluni, ilinniartitsisut 55-it missaanni amerlassuseqarput, taassumalu saniatigut atorfillit 15-it missaanniittut sulisorineqarlutik. Atuartuutigut assigiinngilluinnartunik tunuliaqutaqarput, anguniagarli tamanut ataasiinnaalluni, tassalu ilinniarnertuunngornissaq.
Atuarfimmut atasumik atuartunut marlunnik kollegiaqarpoq, atuartuutigullu kangiani Tasiilamiit kitaani kujataani Paamiut ilanngullugu atuariartarput, amerlanerilli Nuumminngaanneersut ilinniartuusarlutik. Atuarfimmi periuseq atugarput tassaavoq marluinnik oqaasilinnut pædagogik, kulturi tunngavigalugu atuartitsineq, atuartitsiutigaluni allattariarsorneq aamma atuartitsinermi piffissap atorluarnissaa, kiisalu atuartut qitiutillugit ingerlatsineq.
Ilinniartitsisussarsiorpugut, aallussilluarlutik tunniusimasunik aamma ataatsimoortumik isiginnissinnaaneq pisariaqartuuvoq, qiimaneq aammalu nutaaliorneq ulluinnarni atoraanni iluaqutaalluarsinnaallutik.
Uagut naatsorsuutigaarput:
• Tassa illit kandidatitut imaluunniit assingusumik qaffasissusilimmik ilinniagaqartuusutit
• Tassa illit piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit
• Tassa illit suleqativit aamma aqutsisut qanimut suleqatiginissaat piareersimaffigigit, tassani qitiutippagut ulluinnarni unamminartut tunngavigalugit iliuuseqartarnissaq
• Tassa illit inoqatinnut akuersaartuullutit ileqqoqartuusutit, atuartut imaluunniit suleqatitit pineqarnersut apeqqutaatinnagu
• Tassa illit ilinniartitsinerit atuartunut ilikkarusussuseqalertitsilersinnaasoq, assigiinngiiaartuussasoq peqataalersitsissallunilu
• Iluaqutaassaaq pædagogikum ingerlassimagaanni aamma ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq.
Uagut neqeroorutigaavut:
• Atuarfimmi avatangiisit ullormi suliffiusumi atuartuutillu susassareqatigiinnermik, assigiinngiiaartuunermik inissaqartitsineq aamma pisussaaffeqarnermik malunnaateqartut
• Suliatigut avatangiisit misiliisarnernut nutarterinernullu inissaqartitsisuusut
• Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq
• Atuarfik suli ineriartortuartoq aamma pitsaasumik suleqatigiinni ataatsimoorfiusoq
• Suliatigut avatangiisit kikkut tamarmik suliffeqarnissaannut inissaqartitsiffiusoq, suleqatinit aamma aqutsisunit siunnersorneqarnissamut, isumasioqatigiinnissamut aamma ilitsersorneqarnissamut periarfissaqarluartoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Una GUX Nuuk tooruk ilinniarnertuunngorniarfimmi, illoqarfimmi aamma avatangiisini ungasinngitsumiittuni sunik periarfissaqarnersoq takuniarlugu. Aammattaaq ingerlaqqiffissaq una takujuk: Iserasuaat tassani atuartitsinermi sammiviit, fagit, atuartitsineq, ilinniartuunermi pilersaarutit allarpassuillu takusinnaavatit.
Periusissaq
Paasissutissanik sukumiinerusunik paasisaqarusukkuit ilinniartitaanermut aqutsisoq Maureen Hendrikx, oqarasuaat +299 256102 imaluunniit rektori Hanne Larsen, oqarasuaat +299 363396 attavigisinnaavatit.
Qinnuteqaatit ingerlaavartumik misissorneqartassapput, taamatuttaaq qinnuteqaateqartut toqqarneqartut ingerlaavartumik oqaloqatigineqartassapput, kiisalu kingusinnerpaamik sap.ak. 48-imi.
Qinnuteqaatit paasissutissat ilinnut tunngasut (CV) aamma soraarummeersimanermut uppernarsaatit qinnuteqaasiorfissaq aqqutigalugu nassiuguk kingusinnerpaamik 26. November 2024, nal. 12.00.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.