GUX Nuuk ilinniartitsisunik pissarsiorpoq
GUX Nuummi kalaallisut ilinniartitsisumik inuttassarsiuisoqarpoq piffissami tamakkiisumi suliffiusussamik, kingusinnerpaamik atorfiniffissaq ulloq 1. oktober 2024, imaluunniit isumaqatigiissuteqarnikkut. Atorfik tassaavoq aalajangersimasumik atorfik, kisianni ataasiakkaanut tunngatillugu piffissamut aalajangersimasumut isumaqatigiissuteqartoqarsinnaavoq. Piukkunnaatillit fagini marlunnik imaluunniit amerlanerusuni ilinniartitsisinnaasut piumaneqarnerupput.
GUX Nuuk Kalaallit Nunaanni ilinniarnertuunngorniarfiit annersaraat, toqqagassanilu arfineq marluusuni ukiuni pingasuni ingerlanneqartartuni ukiup atuarfiusup aallartinnerani 500-t missaani ilinniartoqarluni, ilinniartitsisut 55-it missaanni amerlassuseqarput, taassumalu sanianigut atorfillit 15-it missaanniittut sulisorineqarlutik. Ilinniartugut assigiinngilluinnartunik tunuliaqutaqarput, anguniagarli ataasiinnaalluni tamanut, tassalu ilinniarnertuunngornissaq.
Atuarfimmut atasumik atuartunut inissiaqarpoq, atuisullu Tasiilamiit kitaanut Paamiut ilanngullugu GUX-Nuummut atuariartarput, amerlanerilli Nuumminngaanneersut ilinniartuusarlutik. Atuarfimmi periuseq atorparput, kulturi tunngavigalugu ilinniartitsineq, allattariarsorneq, ilinniartullu qitiutillugit ingerlatsineq.
Ilinniartitsisussarsiorpugut, tunniusimasunik, ataqatigiissaarilluarsinnaasunillu, qiimaneq aammalu nutaaliorneq ulluinnarni atoraanni iluaqutaalluarsinnaallutik.
Uagut naatsorsuutigaarput:
Tassa illit kandidatitut imaluunniit assingusumik ilinniagaqartuusutit
Tassa illit piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit
Tassa illit suleqativit aamma aqutsisut qanimut suleqatiginissaat piareersimaffigigit, tassani qitiutippagut ulluinnarni unamminartut tunngavigalugit iliuuseqartarnissaq
Tassa illit inoqatinnut akuersaartuullutit ileqqoqartuusutit, ilinniagaqartut imaluunniit suleqatitit pineqarnersut apeqqutaatinnagu
Tassa illit ilinniartitsinerit ilinniagaqartunut ilikkagaqarusulersitsissasoq, assigiinngiiaartuussasoq peqataalersitsissallunilu
Iluaqutaassaaq ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq. Ilinniartitsisunut ilinniartitsinermik misilittagaqariinngitsunut tunngaviusumik didaktikimik atuarnerup aallartinnerani pikkorissaanermik ingerlatsissaagut.
Uagut neqeroorutigaavut:
Atuarfimmi avatangiisit ullormi suliffiusumi ilinniagaqartullu susassareqatigiinnermik, assigiinngiiaartuunermik inissaqartitsineq aamma pisussaaffeqarnermik malunnaateqartut
Suliatigut avatangiisit misiliisarnernut nutarterinernullu inissaqartitsisuusut
Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq
Atuarfik suli ineriartortuartoq aamma pitsaasumik ataatsimoorfiusoq
Suliatigut avatangiisit kikkut tamarmik suliffeqarnissaannut inissaqartitsiffiusoq, suleqatinit aamma aqutsisunit siunnersorneqarnissamut, isumasioqatigiinnissamut aamma ilitsersorneqarnissamut periarfissaqarluartoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ilinniarnertuunngorniarfiup nittartagaani ilinniarnertuunngorniarfik ilinniagaqartuutivullu, Kalaallit Nunaanni ilinniakkat pinngortitamilu periarfissat suuneri pillugit paasissutissanik atuagaqarsinnaavutit. Aammattaaq tassani ilinniarnertuunngorniarfiup takorluugai naleqartitaalu kiisalu akissarsiat pillugit paasissutissanik pissarsisinnaavutit. Taamatuttaaq link una alakkaruk:
Iserasuaat faginut, ilinniartitsinermut, ilinniakkanut pilersaarutit allarpassuillu pillugit paasissutissanik pissarsiniarlutit.
Periusissaq
Paasissutissanik sukumiinerusunik paasisaqarusukkuit ilinniartitaanermut aqutsisoq Maureen Hendrikx, oqarasuaat +299 256102 imaluunniit pisortaq Hanne Larsen, oqarasuaat +299 363396 attavigisinnaavatit.
Atorfininnissamut tunngatillugu oqaloqateqarnerit ingerlaavartumik pissapput, kingusinnerpaamik sap.ak. 39-imi ingerlanneqassapput.
Qinnuteqaatit paasissutissat ilinnut tunngasut (CV) aamma soraarummeersimanermut uppernarsaatit tassunga ilanngullugit qinnuteqaasiorfissaq aqqutigalgu kingusinnerpaamik pingasunngorneq 25. september nal. 12.00.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.